Бжьаниа Урыстәыла аспорт аминистр диацәажәеит Аԥсны аспорт усхк арҿиаразы

17
(ирҿыцуп 09:35 06.08.2021)
Урыстәыла аспорт аминистр Олег Матыцин Аԥсныҟа усутә ныҟәарала дааит нанҳәа 5 азы.

АҞӘА, нанҳәа 6 – Sputnik, Бадраҟ Аҩӡба. Аԥсны Аҳәынҭқарра Ахада Аслан Бжьаниа Урыстәылатәи Афедерациа аспорт аминистр Олег Матыцин дидикылеит.

"Шәааира даара сеигәырӷьоит. Сара издыруеит, Шәара хаҭала иҟашәҵо адгылара иабзоураны ҳшьапылампыласҩцәа ҿарацәа астуденттә лига аҽалархәразы аҭагылазаашьа шроуз. Издыруеит иара убас, Аԥсны инхо Урыстәыла атәылауаа егьырҭ аспорттә хкқәа рзы аицлабрақәа рылахәхаразы аусурақәа шымҩаԥыжәго. Шәара ирышәҭаз анапынҵа инақәыршәаны жәабранмзазы Аԥсны иааны иҟан ҳтәылаҿы ажәҩаҵшьратә база аиҭашьақәыргыларазы иҟоу алшарақәа рыҭҵааразы. Ари даара аинтерес зҵоу проектуп. Асоветтә аамҭазгьы Гал иҟаз аолимпиатә базаҿы аӡырҳәыԥи (абаидаркақәеи) аканоеи рыла ажәҩаҵшьразы Асовет Еидгыла еизгоу акоманда азыҟарҵон", - иҳәеит ахада, асасцәа аԥсшәа раҳәо.

Аҳәынҭқарра Ахада ахә ҳаракны ишьеит Урыстәыла аспорт аминистрра Аԥсны аҳәынҭспорттә еилакы Урыстәыла Иреиҳау аспорт ҵараиурҭақәа рҭаларазы алимитқәа рзаужьреи, иара убас азыҟаҵаҩцәеи аӡбаҩцәеи рыквалификациа аизырҳаразы Аԥсныҟа аҟазацәа раашьҭреи рзы аус ацура иахьазхиоу.

"Ари даара акраҵанакуеит. Ҳара аспорт бзиа иаабоит. Иҳамоуп адунеи аҿы еицырдыруа аспортсменцәа. Аолимпиатә хәмаррақәа хынтәтәи рчемпион Виктор Санеев – д-Аҟәатәуп, асовети адунеитәи спорт дагәадуроуп", - ҳәа азгәеиҭеит Бжьаниа.

Ахада агәрагара имоуп Аԥсны аспорт аҿиара аԥеиԥш шамоу.

"Агәра згоит, шәара шәаара ҳаспорттә усбарҭақәа еиҳа мҽхакы ҭбаала русеицура ишацхраауа", - иҳәеит Аслан Бжьаниа.

"Еицырдыруа Ешыратәи аолимпиатә база аус ауам. Игәадурахон шәыцхыраарала аиҭашьақәыргылара ҳалшар. Ҳара иаку асоциал-економикатә ҿиара аҵакыра еицаԥаҳҵоит, ҳаиҩызцәоуп, ҳаигәакьацәоуп. Убри азы иҳамоу шәыдаагалар бзиа иаабоит", - ҳәа иҳәеит Бжьаниа.

Аԥсны ахада урыстәылаа ирыдиныҳәалеит Токио Аолимпиатә хәмаррақәа рҿы қәҿиарала аспортсменцәа рықәгылара.

Аспорт аминистр Олег Матыцин Аслан Бжьаниа ҭабуп ҳәа еиҳәеит иажәа ҟәандақәа рзы, иазгәеиҭеит аспорт аусхк аҟны Урыстәылеи Аԥсни аус шеицыруло.

"Аолимпиатә медалқәа рыдагьы ауаҩытәыҩса игәабзиара ианалацәажәо акраҵанакуеит. Сара гәахәарыла исыдыскылеит исышәҭаз ааԥхьара. 35 шықәса иреиҳауп арахь смаацижьҭеи", - ҳәа иҳәеит Матыцин.

Урыстәыла аспорт аминистрра аделегациа рҭааит ашьапылампылтә стадион "Динамои" Ареспубликатә стадиони.

"Аобиектқәа еиԥшым. Астадион "Динамо" ааигәа ахархәарахь ирыҭан. Иараҿы аицлабрақәа рымҩаԥгаразы иахәҭоу зегьы ыҟоуп. Ареспубликатә стадион акәзар, еиҭашьақәыргылатәуп. Ҳаамҭа иақәшәом. Афедерациа амеханизм ала иҟаҳҵаша ҳазхәыцып. Аолимпиада ашьҭахь абокс азы афедерациа, атлетика ласы азы афедерациа рхархәарала иҟаҵатәу еилаҳкаап", - ҳәа иҳәеит аминистр.

Олег Матыцин иазгәеиҭеит излацәажәаз азҵаарақәа Урыстәыла аиҳабыра ишрыздырхо аԥхьаҟа аус адуларазы.

17

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10