Аҵара аминистр цәыббра 1 азы ашколқәа аартхо иаартымхо атәы иҳәеит

© Sputnik / Томас ТхайцукПервое сентября во 2-ой школе.
Первое сентября во 2-ой школе. - Sputnik Аҧсны, 1920, 06.08.2021
Анапаҵаҩра
Аҵыхәтәантәи адыррақәа рыла аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 22770-ҩык ыҟоуп, ргәы бзиахеит 18205-ҩык, рыԥсҭазаара иалҵит 323-ҩык.
АҞӘА, нанҳәа 6 – Sputnik. Цәыббра 1 азы ашколқәа аартхо иаартымхо макьана еилкаам, избанзар аепидемиологиатә ҭагылазаашьа есыҽны аҽаԥсахуеит ҳәа иҳәеит Sputnik аинтервиу азҭаз Аҵара аминистр Инал Габлиа.
"COVID-19 аҭагылазаашьа еиӷьхар, алаҵәара аанкылахар, ашколқәа раартрагьы азин ҳауеит. Аха макьаназы лкаак аҟаҵара уадаҩуп", - ҳәа иҳәеит иара.
Аминистр дақәгәыӷуеит акарантин рылаҳәамхап ҳәа, аҵаратә усҳәарҭақәагьы аусура иалагап ҳәа. Ус иҟамлар, арҵаҩцәеи аҵаҩцәеи онлаин формат рхы иадырхәар акәхоит. Аминистрра ашколқәа реиҳарак рҿы арҵаҩцәа рхы иадырхәаша анолтбукқәа ршеит ҳәа иҳәеит Габлиа.
"Жәларбжьаратәи афонд ИуНИСЕФ ацхыраара ҳнаҭеит, иара убасгьы ҳхатә лшарақәа ацҳархырааит", - ҳәа иҳәеит аминистр.
Иара убасгьы иазгәеиҭеит ашколқәа зегьы ноутбукла еиқәыршәазарц аусура аҩбатәи аетап шымҩаԥгахо.
Ажәабжьқәа зегьы
0