Гәдоуҭатәи аковидтә госпиталь аҟны ҩыџьа рыԥсҭазаара иалҵит, 104-ҩык ҿыц ирыдбалоуп

© Sputnik / Евгений Одиноков / Амедиаҵәахырҭахь аиасраВ России разработан первый тест на выявление британского штамма COVID-19
В России разработан первый тест на выявление британского штамма COVID-19 - Sputnik Аҧсны, 1920, 11.08.2021
Анапаҵаҩра
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 23303-ҩык ыҟоуп, ргәы бзиахеит 18906-ҩык, рыԥсҭазаара иалҵит 336-ҩык.
АҞӘА, нанҳәа 11 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 429-ҩык атестқәа рзыҟаҵан, урҭ рахьтә 104-ҩык рцәа акоронавирус шалаз аадырԥшит, абри атәы аанацҳауеит Ауааԥсыра COVID-19 рацәыхьчаразы аоперативтә штаб.
Гәдоуҭатәи араионтә хәшәтәырҭаҿы ҩыџьа рыԥсҭазаара иалҵит 80-80 шықәса зхыҵуаз аҳәса.
Абыржәтәи аамҭазы Гәдоуҭатәи араионтә хәшәтәырҭа хадаҿы ишьҭоуп 156-ҩык, рҭагылазаашьа бааԥсуп 26-ҩык, ибжьаратәуп - 47-ҩык.
Аҟәатәи аинфекциатә хәшәтәырҭаҿы ирхәшәтәуеит акоронавирус зцәа иалоу 41-ы, урҭ рахьтә 15-ҩык апациентцәа рҭагылазаашьа уадаҩуп. Очамчыра ирхәшәтәуеит 23-ҩык. Гагратәи ахәшәтәырҭаҿы - 35-ҩык, урҭ рахьтә жәаҩык апациентцәа рҭагылазаашьа уадаҩуп. Тҟәарчалтәи ахәшәтәырҭаҿы - 13-ҩык апациентцәа.
Акоронавирус иазку ажәабжьқәа зегьы шәрыԥхьар ҟалоит абра>>
Ажәабжьқәа зегьы
0