Иаанкылоуп изакәанымкәан аԥсуа-аурыс ҳәаа иахыргоз асигареҭ

15
(ирҿыцуп 16:23 20.08.2021)
650 сигаретҭоԥ закәаншьаҭада автомашьына иҭаҵәахны Аԥснынтәи Урыстәылаҟа аиагара рҽазыршәеит.

АҞӘА, нанҳәа 11 - Sputnik. Аурыс-аԥсуа ҳәааҿы аҽазныкгьы иаарԥшын аҳазалхратә закәанԥҵара еилаганы аҳәаа иахыргоз асигарет партиа ҳәа аанацҳауеит Урыстәыла АШәМ Краснодартәи атәылаҿацә аҿы Аҳәаахьчаратә усбарҭа апресс-маҵзура.

Асигарет аконтрабанда аԥырҟәҟәааразы аоперативтә усурақәа еицымҩаԥыргеит Урыстәыла Афедералтә шәарҭадаратә маҵзура аҳәаахьчаратә Усбарҭа аусзуҩцәеи Урыстәыла АШәМ аусзуҩцәеи аушьҭырҭатә ҭыԥ "Адлер". Асигаретқәа ҵәахын автомашьына атехникатә гәаҩарақәа рҿы.

© Foto / Пресс-служба ПУ ФСБ России по Краснодарскому краю
Асигарет контрабанда

Аконтрабандатә аалыҵ аекспертизахь инашьҭуп. Закәаншьаҭада аҭаҭын аалыҵ амҩангараз апроцессуалтә уснагӡатәқәа хацыркуп.

Урыстәыла АШәМ Краснодартәи атәылаҿацә аҿы Аҳәаахьчаратә усбарҭа иазгәанаҭоит иара аҳәаахьчаратә хылаԥшрала ишанапынҵоу атәылауаа рдокументқәеи атранспорт хархәагақәеи урҭ имҩаԥырго аидарақәеи ргәаҭара.

15

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7

Бибилов иҳәеит Бжьаниеи иареи злацәажәараны иҟоу азҵаарақәа рыӡбахә

4
2005 шықәса цәыббрамзазы Аԥсны Аҳәынҭқарреи Аахыҵ Уаԥстәылеи аусеицуразы аиқәшаҳаҭра рыбжьарҵеит.

ГАГРА, цәыббра 27 - Sputnik, Бадри Есиава. Аекономика, акультура, аспорт, аҵарадырра уҳәа ирылацәажәараны иҟоуп Аԥсни Аахыҵ Уаԥстәылеи рхадацәа. Абри атәы ажурналистцәа ирзеиҭеиҳәеит Анатоли Бибилов.

"Сара ара Аԥсны ахада Аслан Бжьаниа иааԥхьарала сыҟоуп. Ҳара ҳрылацәажәараны ҳаҟоуп аекономикатә ҿиара, акультура, аспорт, аҵарадырра уҳәа аусхкқәа", - ҳәа иҳәеит Бибилов.

Иара иазгәеиҭеит Аԥсни Аахыҵ Уаԥстәылеи рыбжьара аешьаратә еизыҟазаашьақәа аибашьра ҟалаанӡагьы аҿиара аманы ишыҟаз, ажәытә аамҭақәа раангьы аҿиара шрымаз.

Бибилов иҳәеит ԥхьаҟагьы арҭ аизыҟазаашьақәа еиҳагьы иҭбаахап, иҵауылахап ҳәа агәра шиго.

Аахыҵ Уаԥстәыла ахада Анатоли Бибилов Аԥсныҟа дааит цәыббра 27 азы Аԥсны Аџьынџьтәылатә еибашьраҿы игоу Аиааира иазку аусмҩаԥгатәқәа ихы рылаирхәырц.

Аҳәааҿы асасцәа ирԥылеит Аԥсны ахада ихаҭыԥуаҩ Бадра Гәынба, Адәныҟатәи аусқәа рминистр Даур Ақаҩба, Гагра араион ахада ихаҭыԥуаҩ Алхас Барцыц.

Ашәахьа цәыббра 27 рзы, Анатоли Бибилов напхгара зиҭо Аахыҵ Уаԥстәылатәи аделегациа ашәҭ шьыҵәрақәа шьҭарҵеит Гагра араион ахақәиҭтәраан иҭахаз, Ԥсахара ақыҭан ишьақәыргылоу ахатәгәаԥхаҩцәа ауаԥс еибашьцәа Џьамал Сиукаеви, Роберт Петров-Кокоеви, Ацамаз Маргиеви рбаҟа амҵан.

Анатоли Бибилов иазгәеиҭеит Аԥсны Аҳәынҭқарра Ахада Аслан Бжьаниа иааԥхьарала дшааз. Гәахәаралагьы ихы шрылаирхәо агәалашәаратәи аныҳәатәи усмҩаԥгатәқәа.

 

4