Амедицинатә хархәага ҿыц ықәдыргылеит Ареспубликатә наркодиспансер аҿы

19
(ирҿыцуп 18:07 16.08.2021)
Аԥсны агәабзиарахьчара аминистрра Ареспубликатә наркологиатә диспансер азы иаанахәеит ҳаамҭазтәи агазтә хроматограф 10 миллион мааҭ ҳәа.

АҞӘА, нанҳәа 11– Sputnik, Бадраҟ Аҩӡба. Амедицинатә хархәага ҿыц ықәдыргылеит Ареспубликатә наркологиатә диспансер, абри атәы Sputnik акорреспондент изеиҭалҳәеит аҳақьым хада Ирма Ануаԥҳа.

"Амедицинатә маруга хымчыбжьа раԥхьа иааган, иқәзыргылоз анџьыныр дааны еибиҭеит. Уажәы аҟазауаҩ аусуҩцәа аппарат аус адулашьа дирҵоит. Ари аметодика аҵаразы ҳаусзуҩ Шәачаҟа дцаны алабораториа ҷыдаҿы ҩба-хԥа мчыбжьы аус иуроуп, анаҩсан ара аҭыԥаҿы аҭҵаарақәа рымҩаԥгаразы", - лҳәеит лара.

Аппарат ҿыц иалшоит ауаҩы ицәеижь аҿы 700 рҟынӡа ахәшәи, зқьы инареиҳаны анаркотикатәи апсихотроптәи маҭәашьарқәа рыҟазаара агәаҭара.

"Аппарат ҳус арманшәалоит, избанзар ара еиҳа инарҭбааны анаркотикатәии апсихотроптәии маҭәашьарқәа рбара ҳалшалоит. Ауаа ирыдыркыло атаблеткақәагьы ашьа иалҳбаауеит", - лҳәеит Ирма Ануаԥҳа.

Ишазыԥхьагәаҭоу ала ахроматограф аусура иаларгахоит мызки бжаки рыҩныҵҟала.

"Ари апсихотроптә наркотикатә маҭәашьарқәа аазырԥшуа базатә хархәагоуп. Иалкааны акы акәымкәа инарҭбаау адыррақәа унарбоит. Ауаҩы ззин ыҟам ахәшәқәа, амаҭәашьарқәа ихы иаирхәозар ари аппарат урҭ ира ишьа ма ицәеижь аҿы рыҟазаара аанарԥшуеит", - иҳәеит ахархәага аҭыжьыҩ-еилахәыра "Интерлаб" аусзуҩ Евгени Безруков.

© Видео Sputnik
Ареспубликатә наркодиспансер аҿы амаруга ҿыц ықәдыргылеит

" 16 материахкы аппарат иҭаҵаны уаха инуыжьыр, иара ахала анализ ҟанаҵоит", -  ҳәа азгәеиҭеит Безруков.

Ахархәага ҿыц ауаҩы ицәеижь аҿы арыжәтә џьбара, анаркотикқәа, апсихотроптә маҭәашьарқәа рыҟазаара шьақәнаргылоит.

19
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5

Аԥсны ахада Аахыҵ Уаԥстәыла атәылахьчара аминистр агәымшәараз аорден ианеишьеит

8
(ирҿыцуп 18:32 27.09.2021)
Аԥсны Атәылахьчара аминистрраҟны Аԥсны жәлар рџьынџьтәылатә еибашьраҟны Аиааира 28 шықәса ахыҵреи Аҟәа ахақәиҭтәра амши разгәаҭаразы аныҳәатә еилатәара мҩаԥысит.

АҞӘА, цәыббра 27 – Sputnik, Бадраҟ Аҩӡба. Аслан Бжьаниа Аахыҵ Уаԥстәыла Атәылахьчара аминистр Ибрагим Гассеева ианеишьеит Агәымшәараз аорден, Қырҭтәыла Аахыҵ Уаԥстәыла ианажәлаз иааирԥшыз афырхаҵараз.

"Ҳаҭыр зқәу Аԥсны ахада, Атәылахьчара аминистр, аҩызцәа. Азин сышәҭ Аиааира амш шәыдысныҳәаларц Аахыҵ Уаԥстәыла ахадеи ажәлари рыхьӡала, ишәзеиӷьасшьарц аҭынчра, ашәҭыкакаҷра, ԥхьаҟатәи амш лаша. Ҳаҭыр зқәу Аԥсны ахада, ари аҳамҭа сара гәадыурала иныҟәызгалоит", - иҳәеит Гассеев.

Анаҩс, Ибрагим Гассеев Атәылахьчара аминистрра агәаларшәагатә ҳамҭақәа аиҭеит.

"Арҭ амшқәа рзы Аԥсны иқәынхо, милаҭрацәала еилоу ҳажәлар, Аԥсны арбџьар мчқәа рыруаа, ҳаиашьаратә жәларқәа, аҳәаанырцә иҟоу хыԥхьаӡара рацәала аԥсуа диаспора иазгәарҭоит игәырӷьахәу амшныҳәа – 1992-1993 шықәсқәа рызтәи Аԥсны жәлар рџьынџьтәылатә еибашьраҿы иргаз Аиааира амш", - иҳәеит Аԥсны Атәылахьчара аминистр Владимир Ануа иқәгылараҿы.

"1992 шықәса нанҳәамзазы аԥсуа жәлар мцаԥшьла дырхысырц аҳәаа дхыҵны ҳадгьыл ашьа каршуа дықәлеит аӷа. Уи хықәкыс иман аԥсуа ҳәынҭқарра, аԥсуа жәлар, аԥсуа бызшәа шьаҭанкыла рықәгара.

Аамҭа кьаҿк иалагӡаны аӷа импыҵеихалаз ақыҭақәа, ақалақьқәа шьала икәабеит. Аҭынч уааԥсыра ракәзар ақырҭуа фашизм агыгшәыгра зегь рхыргар акәхеит ҳәа азгәеиҭеит иара.

Ҳәашьак амамкәа иуадаҩын ашьаӡа-гәаӡа илсны аиааирахь уназгоз амҩа. Ацәыӡ дуқәа, арыцҳарақәа, аԥсыҭбарақәа ирылсны инеиуан ҳажәлар. Шьҭахьҟа хьаҵшьа ыҟамызт, избанзар Аԥсны аҟазаареи аҟамзаареи ирыбжьагылан, уаҵәтәи аԥеиԥш ахыц иакын, азқьышықәсақәа ирылсны иахьанӡагь иааиз аҭоурых ашәарҭара иҭагылан.

Аха ҳара аиааира ҳамгар алшомызт, избанзар аиашаразы ҳақәԥон, аиашаразы ахымца ҳаҿагылон, аиашаразы ҳаԥсҭазаарақәа ҳреигӡомызт. Аӷа иҭархаразы, игәыхәтәы иахьымгӡаразы рыжәҩа ҳамаданы иҳавагылеит Нхыҵ Кавказ ареспубликақәа рҟынтәи ҳашьцәа, Алада Урыстәыла аказақцәа, Асовет еидгыла уаанӡатәи атәылақәа рҟынтәи ҳиашара еилызкааз, аҳәаанырцәтәи адиаспора рхаҭарнакцәа",- ҳәа иҳәеит Ануа.

Аԥсны Атәылахьчара аминистр иӡбарала Аиааира амшныҳәа аламҭалаз аинрал Владимир Ҳаразиа имедал ранашьан арратә прокурор ихаҭыԥуаҩ, аиустициа аподполковник Руслан Лагәлаа, арратә прокурор ихаҭыԥуаҩ, аиустициа амаиор Аслан Инаԥшьба.

Амедал "Аԥсны аҭынчра аиҿкааразы" ланашьан Аштаб хада ашәҟәеиҿкаара аиҳабы Лиана Габуниаԥҳа.

Иара убас, Аԥсны ахада иқәҵарала Атәылахьчара аминистрра афицарцәа жәохә-ҩык аԥаратә ҳамҭақәа ранашьан.

Цәыббра 27 1993 шықәсазы аԥсуа ар Аҟәа агәахьы инеит, асааҭ 15:30 рзы Аԥсны Аҳәынҭқарра абираҟ "Аминистрцәа реилазаара" ахыбра иахадыргылеит.

8