Отдых в Абхазии

Аԥсны нанҳәамза анҵәамҭазы еиҳа зыхә лаҟәу аԥсшьарҭа ҭыԥқәа иалкаау хԥа рыбжьара иҟоуп

21
(ирҿыцуп 19:17 16.08.2021)
Урыстәыла атуроператорцәа Рассоциациа аналитикатә маҵзура урыстәылатәии аҳәаанырцәтәии акурортқәа рҟны ахәԥсақәа ирхылаԥшуеит.

АҞӘА, нанҳәа 16 - Sputnik. Аԥсны нанҳәамза анҵәамҭазы еиҳа зыхә лаҟәу аԥсшьарҭа ҭыԥқәа иалкаау хԥа рыбжьара иҟоуп. Убри аан ареспубликаҿ аҵыхәтәантәи аҩымчыбжь рыла 24% иацлеит ҳәа аҩуеит Урыстәыла атуроператорцәа Рассоциациа.

Аԥсныҟа атурқәа ҩыџьа жәа-уахык раамҭала аԥсшьара 48,7 нызқьмааҭ ҳәа аахәара уадаҩхеит. Нанҳәа алагамҭаз 39,3 нызқьмааҭ иаԥсан.

Урыстәыла атуроператорцәа Рассоциациа аналитикцәа ҩымчыбжь рахь знык аҭҵаарақәа мҩаԥыргоит.

Аԥсны аасҭа еиҳа имарианы аԥсшьара алшоит Краснодартәи атәылаҿацә: Анапеи Шәачеи. Арҭ аҭыԥқәа рҿы жәа-уахык аԥсшьара, акрыфара, амҩахә азы ҩыџьа 34,7 – 36,3 нызқьмааҭ иартәоит.

Краснодартәи атәылаҿацә аҿы апакеттә ԥсшьара абжьара хәыԥса нанҳәа аҩбатәи азыбжазы рыхәқәа лаҟәит.

Ҟрым, алаҵаҟаҵаразы асертификат ахьаҭаху –  ахәԥсақәа 16 000 мааҭ ихалеит (46%). Уажәы 52,2 нызқьмааҭ еиҵоу атур уоуӡом.

Зегь раасҭа аҳәаанырцәтәи ахырхарҭаҿы ахәԥсақәа лаҟәуп Ҭырқәтәыла. Ҩыџьа рзы атур 54,9 нызқьмааҭ иаԥсоуп.

Аҩбатәи аҭыԥ ааныркылоит Арабтәи Аемиратқәа. Нанҳәа 16-20 рзы ҩыџьа жәамштәи рыԥсшьара 75,9 нызқь мааҭ иаԥсоуп.

Ахԥатәии аԥшьбатәии аҭыԥқәа ныркылоит  – Болгариа, Марокко. Анаҩс – Египет, Албаниа, Хорватиа, Бырзентәыла.

Иара убас шәаԥхьар ҟалоит:

21

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10