Аԥсни Аахыҵ Уаԥстәылеи рымшынтә аршьаҟауаа Владивостокҟа инеиуеит АрМИ-2021 аҽалархәразы

20
(ирҿыцуп 12:16 17.08.2021)
40 тәыла рҟынтәи 5 000-ҩык рҟынӡа аруаа еицлабуеит Жәларбжьаратәи ахәмаррақәа АрМИ-2021 рҿы.

АҞӘА, нанҳәа 17 – Sputnik. Аԥсни Аахыҵ Уаԥстәылеи егьырҭ атәылақәеи рымшынтә аршьаҟауаа Владивостокҟа инеиуеит АрМИ-2021  аицлабра афинал "Амшынтә десант" аҟны иқәгыларц. Абри атәы аанацҳауеит РИА Новости Аокеанҭынчтә флот апресс-маҵзура адыррақәа шьаҭас иҟаҵаны.

"АрМИ-2021 алахәцәа аицлабра афинал "Амшынтә десант" аҟны иқәгыларц Владивостокҟа инеит Китаи, Иран, Венесуела, Аԥсны, Аахыҵ Уаԥстәыла  рымшынтә аршьаҟауаа", - аҳәоит адырраҭараҿы.

Алахәылацәа реиҳараҩык Москвантәи Аокеанҭынчтә флот ахь инагоуп арра-транспорттә авиациала. Аҭыԥ аҿы акомандақәа асанитартә уснагӡатәқәа ирхыжьуп.

Нанҳәа 17 инаркны акомандақәа атехникеи абџьари рыдыркылоит. Уи адагьы ахысырҭатә ҭыԥқәа рматериалтә хәҭақәа гәарҭоит.

Аицлабра х-етапкны имҩаԥысуеит ("Полоса препятствий", "Тропа выживания", "Эстафета"), нанҳәа 22-29 рзы.

Аицлабра аныҳәатә усымҩаԥгатә аартра мҩаԥгахоит нанҳәа 22 азы, Владивосток.

Жәларбжьаратәи арратә хәмаррақәа–2021 мҩаԥысуеит 11 ҳәынҭқарра рҵакыраҿы нанҳәа 22-цәыббра 4 рзы.

Жәларбжьаратәи ахәмаррақәа АрМИ-2021 иалахәуп 40 тәыла рҟынтәи 5000-ҩык рҟынӡа аруаа.

Иара убас шәаԥхьар ҟалоит:

 

20

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10