Аԥснытәи аруаа АрМи-2021 рҽазыҟаҵо ашьхатә ԥынгылатә цәаҳәа иахысит

23
Жәларбжьаратәи арратә хәмаррақәа официалла ихацыркхоит нанҳәа 22 азы Терскол – Ҟабарда-Балкариа.

АҞӘА, нанҳәа 17 - Sputnik. Аԥсни Китаии рыруаа аицлабра "Ельбрустәи амацәаз" аҽазыҟаҵара аҳәаа иҭагӡаны ашьхатә ԥынгылатә цәаҳәа иахысит Жәларбжьаратәи арратә хәмаррақәа рҟны ҳәа аанацҳауеит Урыстәыла атәылахьчара аминистрра.

Аҽазыҟаҵарақәа мҩаԥысуан Ҟабарда-Балкариатәи ашьхақалақь Тырныауз.

Ашьхаратә цәаҳәа аицлабра актәи ахәҭа зегь раасҭа иуадаҩу усдҵан иԥхьаӡоуп. Иара ахысразы иазыԥхьагәаҭоуп: ашьха ахалара, албаара, 24 кьыла иҟоу аџьаԥҳаны зҭоу аиашьыкь ахагалара, ахаҳәқәа урықәланы аӡы урроуп, 30-35 градус иҟоу ацаҟьаҟынтә 25 метранӡа аграната аршәра, иҵысҵысуа ақыдуахәа ақәсра, иҭабгоу ацҳа ақәсра уҳәа аԥынгыла рацәа.

Барҭ аԥынгылақәа зегьы аррамаҵзурауаа абџьар иаҵаны имҩаԥыргеит.

Иара убасгьы 250 метра анаӡарала ахысрақәа мҩаԥыргон, 36 цәҟьара ирықәыршәатәын (ахысыҩцәа, ахыԥсаҟьаҩцәа, аснаиперцәа рзы).

Аҽазыҟаҵарақәа ирылахәуп арратә ашьхахалаҩцәа ркомандақәа Урыстәыла, Аԥсны, Аахыҵ Уаԥстәыла, Китаи, Пакистан, Ҟазахстан, Ермантәыла, Узбекистан, Индиа рҟынтәи. Жәларбжьаратәи арратә хәмаррақәа ирылагаанӡа иалахәу атәылақәа рышьхатә ҟәшақәа иахәҭоу ахархәагақәа рыҭахоит, аҳауаҽаршьцылара иахысуиет, реицлабра ахырхарҭа ҭырҵаауеит, ашьхараҿ аиқәырхара аиҿкаара аус адыруылоит.

Жәларбжьаратәи арратә хәмаррақәа официалла ихацыркхоит Ҟабарда-Балкариа Терскол аҳаблан нанҳәа 22 рзы. Аицлабраҿы Урыстәыла ахьӡала иқәгылоит ВДВ акоманда, аицлабра "Ельбрустәи амацәаз – 2021" урыстәылазегьтәи ахәҭа аҟны актәи аҭыԥ згаз.

23

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

5
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

5

Гагратәи аконсултә ҟәша аҳәаанырцәтәи атәылауаҩшәҟәқәа рыҭара иалагоит

5
Ацҳаражәҳәарҭа аконсултә ҟәша Гагра аус ауеит аԥхынтәи аамҭазы аҳәаанырцәтәи атәылауаҩшәҟәқәа рыдкылареи рыҭареи иара убасгьы атуристцәа ацхыраара рыҭареи рзы.

АҞӘА, цәыббра 23 - Sputnik. Аԥсны иҟоу Урыстәыла Ацҳаражәҳәарҭа Гагра иҟоу аконсултә ҟәша аҿы аҳәаанырцәтәи атәылауаҩшәҟәқәа рырҭоит цәыббра 24 асааҭ  10:00 - 17:00 рзы. Абри атәы аҳәоит Ацҳаражәҳәарҭа Facebook ахатәы даҟьаҿы.

Аконсултә ҟәша Гагра амилициа араионтә ҟәшаҿы иҟоуп. Иазгәарҭуеит, ишхымԥадатәиу уаанӡатәи атәылауаҩ ишәҟәы уцзар шакәу.

Гагратәи аконсултә ҟәша аԥҵан 2009 шықәсазы Сергеи Лавров  Аҟәа дааны даныҟаз Аԥсны адәныҟатәи аусқәа рминистри иареи реицәажәарала. Анаҩс аҟәша аадыртит 2010 шықәсазы.

5