Алаҵа змам рзы аԥсшьара: Ҟәбан аковид аламырҵәаразы аԥкрақәа ахьдырӷәӷәаз Аԥсны ишаныԥшыз

21
(ирҿыцуп 16:51 18.08.2021)
Нанҳәа 1 инаркны Краснодартәи атәылаҿацә аотельқәа атуристцәа рыдыркылоит алаҵа шырзыҟаҵоу азы асертификат рыманы. Алаҵа ззыҟаҵам алаҵа ҟарҵароуп.

АҞӘА, нанҳәа 18 - Sputnik. Краснодартәи атәылаҿацә аотельқәа рҟны атуристцәа рыдкылара андырӷәӷәа ашьҭахь ҩымчыбжь ҵит. Акыр иахәама ари аҭагылазаашьа Аԥсны атуристтә сектор, Египеттәи ахырхарҭа ҭагалан азы аартра аҭирақәа ишырныԥшуа уҳәа ҭырҵаауан Урыстәыла атуроператорцәа Рассоциациаҿы.

Ҟәбан аԥкрақәа ахьдырӷәӷәаз Аԥсны феида дук амоуит аратәи асасааирҭақәа, апансионатқәа ахьҭәыз азы. Аџьармыкьа алахәылацәа иазгәарҭеит Аԥснытәи ахырхарҭахь аҿаҵақәа 25% ишрыцлаз, аха аҭыԥ ҭацәқәа рыҟамзааразы ирызрыдкыло 5% шракәу.

"Аԥхынтәи асезон-2021 азы аҭахрақәа даара иҳаракуп. Краснодартәи атәылаҿацә аҿы аԥкрақәа шдырӷәӷәо анрыларҳәоз Аԥсны аобиект бзиақәа рҿы аҭыԥқәа ыҟамызт. Убри азы ара аахәарақәа мҩаԥысуам иуҭиуа аҭыԥ ахьыҟам азы", - ҳәа рҳәоит атуроператор "Дельфин" аҟазауаа.

Абри аҩыза ахәшьара ҟарҵоит егьырҭ атуроператорцәагьы: "TUI Россия" адырра ҟанаҵеит Аԥсны аотельқәа жәпакы stop sale шыҟарҵаз нанҳәамзазы, атуроператор "Интурист" аинформациала аԥснытәи акурортқәа рҿы цәыббрамзазы аҭыԥқәа разымхара ыҟоуп.

"Аԥсны адкыларҭатә обиектқәа ҭәуп 100% цәыббра азыбжанӡа. Еицырдыруа абрендтә обиектқәа жьҭаарамзанӡагьы иҭәуп", - ҳәа азгәарҭеит "Интурист" аҿы.

"Русский Экспресс" адыррала, 30% аҿаҵарақәа аԥснытәи ахырхарҭахь имҩаԥган. Аилахәыра аҟазауаа иазԥхьагәарҭоит амш бзиахар, жьҭаарамзазгьы аҭирақәа шыҳаракхо.

Аилахәыра "Мультитур" аҿы ирҳәоит Аԥсны асасааирҭатә сектор аномертә фонд амаҷразы Краснодарҟа анеира зҭахыз алаҵа ззыҟаҵам атуристцәа зегь шзаднамкыло.

Египеттәи акурортқәа раартра акәзар, Аԥснытәи ахырхарҭа анырра анаҭом, Хургадеи Шарм-ель-Шеихи рахь амҩа ахә ахьыҳараку инадҳәаланы.

Акадифаамҭазы Аԥсны алызхуа рацәаҩуп алаҵеи ПЦР-тестқәеи ахьаҭахым азы. Аԥснытәи атурқәа ралхразы ихадоу факторны иҟалоит амш ахьбзиоу: ареспублика акурортқәа рҟны ихьҭахар, амш цәгьахар аара зҭаххо еиҵахоит.

Иара убас шәаԥхьар ҟалоит:

21

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7

Бибилов иҳәеит Бжьаниеи иареи злацәажәараны иҟоу азҵаарақәа рыӡбахә

4
2005 шықәса цәыббрамзазы Аԥсны Аҳәынҭқарреи Аахыҵ Уаԥстәылеи аусеицуразы аиқәшаҳаҭра рыбжьарҵеит.

ГАГРА, цәыббра 27 - Sputnik, Бадри Есиава. Аекономика, акультура, аспорт, аҵарадырра уҳәа ирылацәажәараны иҟоуп Аԥсни Аахыҵ Уаԥстәылеи рхадацәа. Абри атәы ажурналистцәа ирзеиҭеиҳәеит Анатоли Бибилов.

"Сара ара Аԥсны ахада Аслан Бжьаниа иааԥхьарала сыҟоуп. Ҳара ҳрылацәажәараны ҳаҟоуп аекономикатә ҿиара, акультура, аспорт, аҵарадырра уҳәа аусхкқәа", - ҳәа иҳәеит Бибилов.

Иара иазгәеиҭеит Аԥсни Аахыҵ Уаԥстәылеи рыбжьара аешьаратә еизыҟазаашьақәа аибашьра ҟалаанӡагьы аҿиара аманы ишыҟаз, ажәытә аамҭақәа раангьы аҿиара шрымаз.

Бибилов иҳәеит ԥхьаҟагьы арҭ аизыҟазаашьақәа еиҳагьы иҭбаахап, иҵауылахап ҳәа агәра шиго.

Аахыҵ Уаԥстәыла ахада Анатоли Бибилов Аԥсныҟа дааит цәыббра 27 азы Аԥсны Аџьынџьтәылатә еибашьраҿы игоу Аиааира иазку аусмҩаԥгатәқәа ихы рылаирхәырц.

Аҳәааҿы асасцәа ирԥылеит Аԥсны ахада ихаҭыԥуаҩ Бадра Гәынба, Адәныҟатәи аусқәа рминистр Даур Ақаҩба, Гагра араион ахада ихаҭыԥуаҩ Алхас Барцыц.

Ашәахьа цәыббра 27 рзы, Анатоли Бибилов напхгара зиҭо Аахыҵ Уаԥстәылатәи аделегациа ашәҭ шьыҵәрақәа шьҭарҵеит Гагра араион ахақәиҭтәраан иҭахаз, Ԥсахара ақыҭан ишьақәыргылоу ахатәгәаԥхаҩцәа ауаԥс еибашьцәа Џьамал Сиукаеви, Роберт Петров-Кокоеви, Ацамаз Маргиеви рбаҟа амҵан.

Анатоли Бибилов иазгәеиҭеит Аԥсны Аҳәынҭқарра Ахада Аслан Бжьаниа иааԥхьарала дшааз. Гәахәаралагьы ихы шрылаирхәо агәалашәаратәи аныҳәатәи усмҩаԥгатәқәа.

 

4