Ҩаԥхьа ацхырааразы иааз: Урыстәылатәи амобилтә госпиталь зеиԥшроу

51
(ирҿыцуп 20:19 18.08.2021)
Урыстәыла атәылахьчара аминистрра Аладатәи арратә округ хырхарҭарацәалатәи амобилтә госпиталь Аԥсны иаадыртит. Агоспиталь Аԥсныҟа иааит нанҳәа 17 азы, игылоуп апансионат "Аиҭар" аҵакыраҿы.

Агоспиталь ареспубликахь ҩынтәуп иаауеижьҭеи. Уаанӡа, 2020 шықәса жьҭаара 20 инаркны 2021 шықәса хәажәкырамзанӡа Урыстәыла Атәылахьчара аминистрра арратә мобилтә госпиталь Аԥсны ахәшәтәреи аконсультациақәеи ирыхнажьит 3,7 нызқьҩык ауааԥсыра. Агоспиталь алабораториақәа рҿы 18 нызқь ҭҵаара мҩаԥган.

Асмаҭ Ҵәыџьԥҳа, Sputnik

Агоспиталь ахархәагақәа

Урыстәыла Атәылахьчара аминистрра Аԥсныҟа иаанашьҭыз хырхарҭарацәалатәи амобилтә госпиталь Буденновскынтә 800 километра иахысны иааит. Нанҳәа 18 азы аҭыԥ аҿы ақәыргыларақәа мҩаԥганы асааҭ 18:00 рзы актәи апациентцәа рыдкылара аҽазнархиоит.

Агоспиталь ҳаамҭа иақәшәо амаругақәеи ахархәагақәеи рыла еибыҭоуп. Иҟоуп иахәҭоу ахәшәқәа. Адәаҿы еиҿкаахоит адкыларҭатә ҭыԥ, алабораториа, УЗИ акабинеҭ, арентген-кабинеҭ.

Амобилтә госпиталь иԥсабаратәымкәа арыԥҳақәа аҳауарҭарсгақәа 11, апациентцәа интенсивла рхылаԥшра алзыршо амониторқәа, ашьа анализаторқәа амоуп.

Зынӡа иара 100 иара-ҭыԥк амоуп, аха ԥсыхәа амамкәа иҟалозар аҽа 50 ҭыԥ ацҵахар алшоит. 100 ҭыԥк рҟынтәи 46 ҭыԥ аҵәыҵәри ала еиқәыршәоуп.

Урыстәыла Атәылахьчара аминистрра Аԥсныҟа иаанашьҭыз хырхарҭарацәалатәи амобилтә госпиталь аилазаараҟны иҟоуп шәҩык рҟынӡа амедусзуҩцәеи 30 ак арратә техникеи. Агоспиталь аусзуҩцәа апансионат иацәыхарамкәа Аҳәынҭқарратә дачаҿ иԥхьалоит.

"Ачымазцәа рзы иалшо зегь ҟаҳҵалоит. Сгәы иаанагоит ҳаицхырааны ачымазара ҳаиааип ҳәа. Иахьынӡахәҭахо ҳаҟазаауеит. Зегь зыдҳәалахо ачымазара ахымҩаԥгашьоуп", - ҳәа иҳәеит агоспиталь аҳақьым хада Абдулмеджид Магомедов.

Аԥсны агәабзиарахьчара аминистр Едуард Быҭәба ҭабуп ҳәа ахиҳәааит Урыстәыла Аԥсны иазыҟанаҵо ацхырааразы, иазгәеиҭеит аԥсуа ган иалшо ала адгылара шыҟанаҵо.

Магомедов иҳәеит "Аԥсны инхо рҩызцәа ауааԥсыра сара исымбацт" ҳәа, иагьациҵеит амедперсонал рзы аҭагылазаашьа маншәалақәа шаԥҵоу.

"Аԥсныҟа иааз аперсонал аԥышәа бзиа рымоуп. Азыҟаҵарақәа ирхыжьын Санкт-Петербурги Москвеи. Уахи-ҽни ачымазцәа ирыдгылар рылшоит, ацхыраара ҟаҵо", - ҳәа иҳәеит иара.

Азона ҷыда

Ҵыԥх аиԥш сынтәагьы агоспиталь апансионат "Аиҭар" аҵакыраҿы игылоуп атуристтә сезон иахьмырԥшыкәа. Арадио Sputnik аинтервиу аҭо, апансионат адиректор Ҭемыр Адлеиба иҳәеит апансионат асасцәа агоспиталь ишадҳәаламхо. Асасааирҭа "Аиҭар" аҟны зыԥсы зшьо асасцәеи амобилтә госпиталь аҳақьымцәеи хаз-хазы иҟазаауеит, уи азы аанда ҟаҵоуп. Иара убас амобилтә машьынақәеи, атехника ҷыдеи аргыларҭазы хаз игоу амҩа азылхуп. Уи адагьы, амедусзуҩцәа рзы хаз игоу афатәҟаҵарҭеи амаҭәаӡәӡәарҭеи еиҿкаауп.

Астационартә чымазцәа ахԥатәи акорпус аҿы иҟалоит. Уа инхоз атуристцәа егьырҭ акорпусқәа рахь ииагоуп.

Аԥсны агәабзиарахьчара аминистр Едуард Быҭәба иазгәеиҭеит агоспиталь аиҳабыреи иареи еиҳа инарҭбааны апациентцәа рмаршруттә схема шышьақәдыргыло.

51

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

6
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

6

Гагратәи аконсултә ҟәша аҳәаанырцәтәи атәылауаҩшәҟәқәа рыҭара иалагоит

5
Ацҳаражәҳәарҭа аконсултә ҟәша Гагра аус ауеит аԥхынтәи аамҭазы аҳәаанырцәтәи атәылауаҩшәҟәқәа рыдкылареи рыҭареи иара убасгьы атуристцәа ацхыраара рыҭареи рзы.

АҞӘА, цәыббра 23 - Sputnik. Аԥсны иҟоу Урыстәыла Ацҳаражәҳәарҭа Гагра иҟоу аконсултә ҟәша аҿы аҳәаанырцәтәи атәылауаҩшәҟәқәа рырҭоит цәыббра 24 асааҭ  10:00 - 17:00 рзы. Абри атәы аҳәоит Ацҳаражәҳәарҭа Facebook ахатәы даҟьаҿы.

Аконсултә ҟәша Гагра амилициа араионтә ҟәшаҿы иҟоуп. Иазгәарҭуеит, ишхымԥадатәиу уаанӡатәи атәылауаҩ ишәҟәы уцзар шакәу.

Гагратәи аконсултә ҟәша аԥҵан 2009 шықәсазы Сергеи Лавров  Аҟәа дааны даныҟаз Аԥсны адәныҟатәи аусқәа рминистри иареи реицәажәарала. Анаҩс аҟәша аадыртит 2010 шықәсазы.

5

Ачемпионат ConIFA Африка Занзибар имҩаԥгахоит

4
(ирҿыцуп 14:25 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

4