Аԥсны ақыҭанхамҩа аминистрра агробизнес азы 35 миллион азоурыжьит

14
(ирҿыцуп 09:28 19.08.2021)
Ақыҭанхамҩа аминистрраҿы ахықәкытә программа "2021 шықәсазы ақыҭанхамҩа аҿиара" алахәхаразы анаплакыҩцәа инарышьҭыз азыҳәақәа ҭырҵааит.

АҞӘА, нанҳәа 19 - Sputnik. Аԥсны ақыҭанхамҩа аминистрра акомиссиа ҷыда агробизнес арҿиаразы 40 зыҳәа рҟынтәи 28 проект алыркааит. Аҳәынҭқарратә цхыраара иартәоит 34 812 548 мааҭ ҳәа аҳәоит Аминистрцәа реилазаара асаит.

Аҵиааӡара ахырхарҭала иалкаан апроектқәа 10 – 4 112 500 мааҭ рыхә:

  • Ацитрустә плантациақәа рышьаҭаркра – 1 823 000 мааҭ
  • Ахәырма баҳчақәа рышьаҭаркра – 722 140 мааҭ
  • Араса аплантациақәа рышьаҭаркра – 539 680 мааҭ
  • Абаҳчамаахыр аплантациақәа рышьаҭаркра – 1 412 500 мааҭ

Иара убасгьы иалкаауп апроект миллион мааҭк ахәала – "аԥсыӡааӡара аусхк" ахырхарҭала: аԥсыӡԥшқақәа рзы 600 000 мааҭ, рыфатә азы - 400 000 мааҭ.

Фба-фба проект ирықәшаҳаҭуп "арахәааӡареи" "аԥсаатәааӡареи" рганахьала: 3 300 000 мааҭ; 2 466 500 мааҭ.

"Аусеиҭадулара" ахырхарҭала хә-проектк алхуп 20 848 728 мааҭ рыхә ала. Ари ахырхарҭа алахәылацәа аминистрраҟынтә иҷыдоу амаругақәа роуеит.

Иҟоуп аргылара-монтажтә усурақәа, анаплакытә хыбрақәа уҳәа рыргылара алагьы ацхыраара. Абарҭ ахықәкқәа рзы Ақыҭанхамҩа аминистрреи аилахәыра "Аԥсныргылареи" аилаӡара рыбжьарҵоит.

Аԥыза-министр ихаҭыԥуаҩ, ақыҭанхамҩа аминистр Беслан Џьопуа иажәақәа рыла, акомиссиа азыҳәақәа иныҭҵааны ирыхәаԥшуан, ақыҭанхамҩа ахырхарҭақәа зегьы раҵаркразы.

Иара убас шәаԥхьар ҟалоит:

14

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

5
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

5

Гагратәи аконсултә ҟәша аҳәаанырцәтәи атәылауаҩшәҟәқәа рыҭара иалагоит

5
Ацҳаражәҳәарҭа аконсултә ҟәша Гагра аус ауеит аԥхынтәи аамҭазы аҳәаанырцәтәи атәылауаҩшәҟәқәа рыдкылареи рыҭареи иара убасгьы атуристцәа ацхыраара рыҭареи рзы.

АҞӘА, цәыббра 23 - Sputnik. Аԥсны иҟоу Урыстәыла Ацҳаражәҳәарҭа Гагра иҟоу аконсултә ҟәша аҿы аҳәаанырцәтәи атәылауаҩшәҟәқәа рырҭоит цәыббра 24 асааҭ  10:00 - 17:00 рзы. Абри атәы аҳәоит Ацҳаражәҳәарҭа Facebook ахатәы даҟьаҿы.

Аконсултә ҟәша Гагра амилициа араионтә ҟәшаҿы иҟоуп. Иазгәарҭуеит, ишхымԥадатәиу уаанӡатәи атәылауаҩ ишәҟәы уцзар шакәу.

Гагратәи аконсултә ҟәша аԥҵан 2009 шықәсазы Сергеи Лавров  Аҟәа дааны даныҟаз Аԥсны адәныҟатәи аусқәа рминистри иареи реицәажәарала. Анаҩс аҟәша аадыртит 2010 шықәсазы.

5