Аҟәа ақалақьтә еизара Беслан Ешба аҳҭнықалақь ахадас дшьақәдырӷәӷәеит

117
(ирҿыцуп 09:28 19.08.2021)
Аҟәатәи ақалақьтә еизара аилатәараҿы аҳҭнықалақь ахадас Беслан Ешба икандидатура иахәаԥшуан нанҳәа 18 азы.

АҞӘА, нанҳәа 19 - Sputnik. Аҟәатәи ақалақьтә еизара адепутатцәа Беслан Ешба аҳҭнықалақь ахадас дшьақәдырӷәӷәеит ҳәа аанацҳауеит ақалақь ахадара апресс-маҵзура.

Аилатәара иалахәын атәыла ахада Иусбарҭа анапхгаҩы Алхас Кәыҵниеи Беслан Ешба ихаҭеи.

Кәыҵниа Аԥсны ахада ишәҟәы даԥхьеит, иагьиҳәеит Беслан Ешба шықәсык иназынаԥшуа ақалақь ахада инапынҵақәа рынагӡараан лҵшәа бзиала анапхгара шилшоз ааирԥшит ҳәа.

Ешба икандидатура аганахьала адепутатцәа зҵаара рымамызт, дара злацәажәаз ралхыҩцәа рыпроблемақәа роуп, иара убасгьы иазҵааит ааигәатәи аӡхыҵрақәа раан аԥхасҭа зауз ауаа цхыраашьас ирыҭахо.

Беслан Ешба иҳәеит уажәазы Басла аӡы адамба аҭараз апроект-сметатә документациа аус шадыруло. Иара иажәақәа рыла, ари зыхә дуу проектуп, аиҳабыра рыцхыраарада ақалақь абиуџьет иалшом.

Анаҩс маӡалатәи абжьыҭараан Беслан Ешба икандидатура Аҟәа ахада ҳәа ишьақәырӷәӷәан.

Ешба адепутатцәа ҭабуп ҳәа реиҳәеит ирҭаз агәрагаразы, иагьазгәеиҭеит уи шҭакԥхықәра дуу.

117

Очамчыра араион ахәҭак лашарада иаанхоит аҩаша цәыббра 28 рзы

3
(ирҿыцуп 19:55 27.09.2021)
Астанциа маҷқәа "Очамчыра-2", "Мықә", "Кәачара" дырцәоит аҩаша цәыббра 28 рзы.

АҞӘА, цәыббра 27 – Sputnik. Очамчыра араион ахәҭак лашарада иаанхоит асааҭ 10:00 инаркны 16:00 рҟынӡа цәыббра 28 рзы. Абри атәы аанацҳауеит "Амшынеиқәафымцамч" апресс-маҵзура.

Ари аамҭазы ирцәахоит астанциа маҷқәа "Очамчыра-2", "Мықә", "Кәачара".

Астанҵиа маҷқәа рырцәара иахҟьаны лашарада иаанхоит:

  • "Кәачара" - ақыҭақәа Ӷәада, Џьгьарда, Кәтол
  • "Мықә" - ақыҭақәа Ҷлоу, Ҭхьына, Маркәыла, Отап, Џьал
  • "Очамчыра-2" - Очамчыра ақалақь ахәҭа.

Аенергетикцәа ражәақәа рыла, аиҭашьақәыргыларатә усурақәа мҩаԥыргоит.

 

 

3
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5