COVID азы алаҵа аԥхьа иҟаҵатәузеи

37
(ирҿыцуп 09:24 22.08.2021)
Арадио Sputnik аинтервиу азҭаз аҳақьымцәа ирҳәеит, акоронавирус азы алаҵа ҟауҵаанӡа раԥхьа иҟаҵатәуи насгьы алаҵа ԥырхагас иунаҭои ртәы.

АҞӘА, нанҳәа 22– Sputnik. Акоронавирус азы ауаҩы алаҵа ҟаиҵаанӡа, ихымԥадатәиуп анализқәа рыҟаҵареи атерапевт ма апедиатр аҳақьым иахь анеира, лҳәеит арадио Sputnik аинтервиу азҭаз аҳақьым, Москва инхо аԥсуаа рхеилак аҩнуҵҟа иаԥҵоу оперативтә штаб алахәыла Викториа Ҭарба.

"Алаҵаҟаҵара ахәҭоуп, аха аӡәы даанмыжькәа зегьы иҟарҵароуп ҳәа уи иашам, избанзар раԥхьа аҳақьым уибароуп. Алаҵа ахаҭа ԥырхага унаҭаӡом, аха ауаҩы ицәа иалоу акы арҿыхар ҟалоит", - лҳәоит лара.

Ҭарба лажәақәа рыла, згәы бзиоу ауаҩы акоронавирус иласны изхымгаргьы ҟалоит.

"Сара сԥышәаҟны избахьеит зиммунитет лаҟәу, ачымазара лаҽы змоу аҿкчымазара иаҳа иласны ишырхыргаз згәабзиара ӷәӷәоуи, аспорт зҽазыҟазҵози, зыфатә еилызхуази раасҭа", - лҳәеит Ҭарба.

Викториа Ҭарба лгәаанагарала, Аԥсны хыԥхьаӡара рацәала аҿкчымазара аанкылара зылшо алаҵа ауп.

"Ҳара алҵшәақәа цәгьамкәан иаабоит атәыла маҷқәа рыҟны алаҵа ахьыҟарҵаз. Уажәы уаҟа аҿкаара ыҟаӡам, уи агәыӷра ҳанаҭоит Аԥснгьы ус аҭагылазаашьа ҟалап ҳәа", - азгәалҭеит лара.

© Foto / Пресс-служба НИИ эпидемиологии и микробиологии им. Н.Ф. Гамалеи

Владимерскии ихьӡ зху Москватәи аобласт аҭҵаарадырратә аклиникатә институт агәы-шьадатә аԥҟаҩы Гәлиа Леонид иҳәеит, алаҵа аамҭа кьаҿк ала иаԥҵоуп, аха ашәарҭара шамам насгьы уи хырҳагара алам ҳәа ишыԥхьаӡатәым.

"Алаҵа ҭыжьуп, егьырҭ аҿкчымазарақәа рзы алаҵақәа ахьҭрыжьуаз излеиқәдаршәуаз амаҭәахәқәеи атехнологиақәеи рыла. Алаҵа аамҭа кьаҿк ала иаԥҵоуп избанзар, аҿкы убысҟак ишәарҭоуп уи ахҟьаԥҟьақәа ауаҩы иԥсҭазаара аҵыхәтәахьы икылнагар алшоит. Убри азоуп ас иаарласынгьы изаԥҵаз, аибашьра ашықәсқәа раан еиԥш", - ҳәа азгәеиҭеит Гәлиа.

Аҳақьымцәа ражәақәа рыла, макьана аҳәара уадаҩуп, ацәеижь аиуразы даҽа заҟантәи алаҵа ҟаҵатәу, аҵарауаа ари ачымазара ааигәа излацәырҵыз ала макьаана ишахәҭоу еиԥш иҭырымҵааӡацт.

Иара убас шәаԥхьар ҟалоит:

 

37

Аԥсны ахада Аахыҵ Уаԥстәыла атәылахьчара аминистр агәымшәараз аорден ианеишьеит

6
(ирҿыцуп 18:32 27.09.2021)
Аԥсны Атәылахьчара аминистрраҟны Аԥсны жәлар рџьынџьтәылатә еибашьраҟны Аиааира 28 шықәса ахыҵреи Аҟәа ахақәиҭтәра амши разгәаҭаразы аныҳәатә еилатәара мҩаԥысит.

АҞӘА, цәыббра 27 – Sputnik, Бадраҟ Аҩӡба. Аслан Бжьаниа Аахыҵ Уаԥстәыла Атәылахьчара аминистр Ибрагим Гассеева ианеишьеит Агәымшәараз аорден, Қырҭтәыла Аахыҵ Уаԥстәыла ианажәлаз иааирԥшыз афырхаҵараз.

"Ҳаҭыр зқәу Аԥсны ахада, Атәылахьчара аминистр, аҩызцәа. Азин сышәҭ Аиааира амш шәыдысныҳәаларц Аахыҵ Уаԥстәыла ахадеи ажәлари рыхьӡала, ишәзеиӷьасшьарц аҭынчра, ашәҭыкакаҷра, ԥхьаҟатәи амш лаша. Ҳаҭыр зқәу Аԥсны ахада, ари аҳамҭа сара гәадыурала иныҟәызгалоит", - иҳәеит Гассеев.

Анаҩс, Ибрагим Гассеев Атәылахьчара аминистрра агәаларшәагатә ҳамҭақәа аиҭеит.

"Арҭ амшқәа рзы Аԥсны иқәынхо, милаҭрацәала еилоу ҳажәлар, Аԥсны арбџьар мчқәа рыруаа, ҳаиашьаратә жәларқәа, аҳәаанырцә иҟоу хыԥхьаӡара рацәала аԥсуа диаспора иазгәарҭоит игәырӷьахәу амшныҳәа – 1992-1993 шықәсқәа рызтәи Аԥсны жәлар рџьынџьтәылатә еибашьраҿы иргаз Аиааира амш", - иҳәеит Аԥсны Атәылахьчара аминистр Владимир Ануа иқәгылараҿы.

"1992 шықәса нанҳәамзазы аԥсуа жәлар мцаԥшьла дырхысырц аҳәаа дхыҵны ҳадгьыл ашьа каршуа дықәлеит аӷа. Уи хықәкыс иман аԥсуа ҳәынҭқарра, аԥсуа жәлар, аԥсуа бызшәа шьаҭанкыла рықәгара.

Аамҭа кьаҿк иалагӡаны аӷа импыҵеихалаз ақыҭақәа, ақалақьқәа шьала икәабеит. Аҭынч уааԥсыра ракәзар ақырҭуа фашизм агыгшәыгра зегь рхыргар акәхеит ҳәа азгәеиҭеит иара.

Ҳәашьак амамкәа иуадаҩын ашьаӡа-гәаӡа илсны аиааирахь уназгоз амҩа. Ацәыӡ дуқәа, арыцҳарақәа, аԥсыҭбарақәа ирылсны инеиуан ҳажәлар. Шьҭахьҟа хьаҵшьа ыҟамызт, избанзар Аԥсны аҟазаареи аҟамзаареи ирыбжьагылан, уаҵәтәи аԥеиԥш ахыц иакын, азқьышықәсақәа ирылсны иахьанӡагь иааиз аҭоурых ашәарҭара иҭагылан.

Аха ҳара аиааира ҳамгар алшомызт, избанзар аиашаразы ҳақәԥон, аиашаразы ахымца ҳаҿагылон, аиашаразы ҳаԥсҭазаарақәа ҳреигӡомызт. Аӷа иҭархаразы, игәыхәтәы иахьымгӡаразы рыжәҩа ҳамаданы иҳавагылеит Нхыҵ Кавказ ареспубликақәа рҟынтәи ҳашьцәа, Алада Урыстәыла аказақцәа, Асовет еидгыла уаанӡатәи атәылақәа рҟынтәи ҳиашара еилызкааз, аҳәаанырцәтәи адиаспора рхаҭарнакцәа",- ҳәа иҳәеит Ануа.

Аԥсны Атәылахьчара аминистр иӡбарала Аиааира амшныҳәа аламҭалаз аинрал Владимир Ҳаразиа имедал ранашьан арратә прокурор ихаҭыԥуаҩ, аиустициа аподполковник Руслан Лагәлаа, арратә прокурор ихаҭыԥуаҩ, аиустициа амаиор Аслан Инаԥшьба.

Амедал "Аԥсны аҭынчра аиҿкааразы" ланашьан Аштаб хада ашәҟәеиҿкаара аиҳабы Лиана Габуниаԥҳа.

Иара убас, Аԥсны ахада иқәҵарала Атәылахьчара аминистрра афицарцәа жәохә-ҩык аԥаратә ҳамҭақәа ранашьан.

Цәыббра 27 1993 шықәсазы аԥсуа ар Аҟәа агәахьы инеит, асааҭ 15:30 рзы Аԥсны Аҳәынҭқарра абираҟ "Аминистрцәа реилазаара" ахыбра иахадыргылеит.

6

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7