"Аԥсныбылтәы" агаз ахәԥса шьҭнахит

38
(ирҿыцуп 09:57 24.08.2021)
Аԥсныҟа агаз Урыстәылантәи иаахәаны иааргоит. Уажәы уа ахәқәа ахьышьҭыҵыз иахҟьеит ареспубликаҿгьы агаз ахә азҳара.

АҞӘА, нанҳәа 24 – Sputnik. Нанҳәа 23 инаркны баллонк агаз ахәԥса иартәоит зықь мааҭ ҳәа арадио Sputnik иазеиҭеиҳәеит аилахәыра ахантәаҩы Рамаз Џьопуа.

Иара иажәақәа рыла, баллонк агаз амҩангареи егьырҭ ахарџьқәеи алаҵаны 1100 мааҭ итәон, аха иалыршахеит ахәԥса 1000 мааҭ рҿы аанкылара.

Џьопуа иҳәеит Аԥсны агаз ишақәгәыӷуаз аасҭа еиҳа ирласны инҵәеит ҳәа. Акурорттә сезон аан агаз еиҳа инырхуеит Аҟәа, Пицунда, Гагра.

"Аԥсныбылтәы" ахантәаҩы иҳәеит иара убасгьы агаз аагара апроблема шыҟоу аҳәааҿы атуристтә бум иахҟьаны. Х-вагонк раагаразы мызкы аԥшра анаҭаххо ыҟоуп.

Аԥсны аҭиратә хәыԥса Аминистрцәа реилазаара ақәҵарала ишьақәдыргылоит. Аминистрцәа реилазаара апресс-маҵзураҿы Sputnik иазеиҭарҳәеит баллонк ахә 1000 мааҭ иаԥсахоит ҳәа макьаназы ишрыдрымкылац.

Аԥсуа телехәаԥшра нанҳәа 19 азы аинтервиу аҭо, "Аԥсныбылтәы" аекономист хада Валери Антонов иҳәеит агаз ахә изацло аахәаратә хәыԥса тоннак азы 38 000 мааҭ аҟынтәи 58 662 рахь иахьхалаз шакәу.

Аԥснытәи аилахәыра агаз "Нефтегаз Сочи" иамнахәҳауеит. Уажәы аилахәырақәа рыбжьара 67 тонна агаз аахәаразы аилаӡара анапы аҵаҩуп. Убри аан алагалатә ахәԥсацҵазы ашәахтә макьана ишьақәыргылам.

38

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10