Аԥснытәи акурорт цәыббрамзазы иалырхуа ируакхеит

35
(ирҿыцуп 15:46 24.08.2021)
Ҟрым, Краснодартәи атәылаҿацә, Аԥсны, Кавказтәи аминералтә ӡқәа ркурортқәа – 2021 шықәса цәыббрамзазы еиҳа иалырхуа ԥсшьарҭатә хырхарҭақәоуп.

АҞӘА, нанҳәа 24 - Sputnik. Гагра цәыббрамзазы иалырхуа акурортқәа ируакхеит ҳәа аанацҳауеит амаҵзура TVIL.RU

TVIL.RU астатистика ала атуристцәа цәыббрамзазы рыԥсшьара уахык инаркны жәа-уахык рҟынӡа азыршьоит, 1,7-6 нызқь мааҭгьы аныхра иақәшаҳаҭуп. Зегь раасҭа ахәқәа лаҟәуп Пиатигорск, иҳаракуп –  Лахденпохиа.

Иреиӷьу 15 хырхарҭа рсиа:

Алушта 2916 нызқьмааҭ 9 у/ҽ
Шәача 2223 нызқьмааҭ 10 у/ҽ
Гагра 2055 нызқьмааҭ 10 у/ҽ
Санкт-Петербург 2760 нызқьмааҭ 6 у/ҽ
Лахденпохиа 2607 нызқьмааҭ 6 у/ҽ
Ростов-на-Дону  2400 нызқьмааҭ уахык
Москва 2858 нызқьмааҭ ҩ-уахак
Калининград 1997 нызқьмааҭ 7 у/ҽ
Воронеж 2530 нызқьмааҭ ҩ-уахак
Пиатигорск 1681 нызқьмааҭ 7 у/ҽ
Казань 1834 нызқьмааҭ 5 у/ҽ
Осташков 5515 нызқьмааҭ 6,5 у/ҽ
Волгоград 2233 нызқьмааҭ уахыки-ҽнаки
Истра 4700 нызқьмааҭ 2,5 у/ҽ
Алада  Новгород 2613 нызқьмааҭ 5 у/ҽ

Асиа шьақәыргылоуп амаҵзура адыррақәа рыла.

35

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10