Судебный молоток

Аӡбарҭа Клемантовичи Скаредновеи рышьразы ахара зыдҵо изыӡба анагӡара аҿҳәара инахеит

14
(ирҿыцуп 18:54 24.08.2021)
Аслан Ҵәыџьба иус ӡбоуп Урыстәыла атәылауаа Сергеи Клемантовичи Оксана Скареднови 2012 шықәса цәыббра 11 рзы иӷьычит, анаюс ишьит ҳәа.

АҞӘА, нанҳәа 24 - Sputnik. Иреиҳаӡоу аӡбарҭа ахашшаратә коллегиа Аслан Ҵәыџьба ичымазара иахҟьаны иганахь ала Иреиҳаӡоу аӡбарҭа изыӡба анагӡара аҿҳәара инахеит, абри атәы аанацҳауеит Апрокуратура хада асаит.

Аслан Ҵәыџьба иус ӡбоуп Урыстәыла атәылауаа Сергеи Клемантовичи Оксана Скаредновеи 2012 шықәса цәыббра 11 рзы иӷьычит, нас ишьит ҳәа.

Иара 2013 шықәса жьҭаара 11 аахыс арежим ӷәӷәатә колониаҿ дҭакуп, 20 шықәса ахыгара иқәҵаны.

Ҵәыџьба иинтересқәа зыхьчо уаанӡа азыҳәа ҟарҵахьан азыӡба анагӡара аҿҳәара инахазарц игәабзиара ашьақәыргыларазы, аха мап рыцәкын.

Иреиҳаӡоу аӡбарҭа аӡбаҩцәа Гамсаниа Г.Г., Цушба М.С., ахантәаҩы Кәарҷиа Р.В. реилатәараан аӡбра рыдыркылеит. Аӡбаҩ Цушба М.С. лхатә гәаанагарала илҳәоит аӡбарҭа актәи аинстанциа аӡбамҭа иашоуп ҳәа.

Аколлегиа аӡбрала азыӡба аҿҳәара инахоуп 2022 шықәса жәабран 11 аҟынӡа Ҵәыџьба атәыла анҭыҵ игәабзиара шьақәиргыларц.

2017 шықәса абҵарамзази 2019 шықәса жәабранмзази абахҭаҿы рыҟазаара алызмыршо ачымазарақәа рымоуп ҳәа рхы иақәиҭтәын ари аус алахәылацәа - Ахра Гоԥиа, Рамин Хмаил.

Џьумбера Бигәааи Нодар Кәыҵниеи рышықәс иагырхан 1992-1993 шықәсқәа рызтәи Аџьынџьтәылатә еибашьраҿы Аиааира 27-шықәса ахыҵраз 2020 шықәса цәыббра 29 азы Аԥсны Апарламент ақәҵара инақәыршәаны ирылаҳәаз амнистиа инақәыршәаны: Кәыҵниа – 16 шықәсанӡа, Бигәаа 15 шықәсанӡа.

2012 шықәса цәыббрамзазы Аԥсны Апарламент адепутат Нодик Кәыҵниа еиҿикааит Сергеи Клемантовичи Оксана Скаредновеи рӷьычра ҩ-миллион доллар аиуразы. Сергеи Клемантович мап аник ашьҭахь Нодик Кәыҵниеи, Ахра Гоԥиеи, Рамин Хмаили, Џьумбер Бигәааи, Аслан Ҵәыџьбеи ашьҭарӡразы ирыдигалеит арҭ ауаа рышьра.

Сергеи Клемантович аилахәыра "ЕЛ Петролеум-Абхазия" напхгара аиҭон. Иареи Оксана Скаредновеи ыӡит 2012 шықәса цәыббрамзазы. Рыԥсыбаҩқәа ԥшаан 2013 шықәса жьҭаара 14 рзы Аӡҩыбжьа ақыҭантәи ҵеиџьк аҟны.

14
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5

Аԥсны ахада Аахыҵ Уаԥстәыла атәылахьчара аминистр агәымшәараз аорден ианеишьеит

8
(ирҿыцуп 18:32 27.09.2021)
Аԥсны Атәылахьчара аминистрраҟны Аԥсны жәлар рџьынџьтәылатә еибашьраҟны Аиааира 28 шықәса ахыҵреи Аҟәа ахақәиҭтәра амши разгәаҭаразы аныҳәатә еилатәара мҩаԥысит.

АҞӘА, цәыббра 27 – Sputnik, Бадраҟ Аҩӡба. Аслан Бжьаниа Аахыҵ Уаԥстәыла Атәылахьчара аминистр Ибрагим Гассеева ианеишьеит Агәымшәараз аорден, Қырҭтәыла Аахыҵ Уаԥстәыла ианажәлаз иааирԥшыз афырхаҵараз.

"Ҳаҭыр зқәу Аԥсны ахада, Атәылахьчара аминистр, аҩызцәа. Азин сышәҭ Аиааира амш шәыдысныҳәаларц Аахыҵ Уаԥстәыла ахадеи ажәлари рыхьӡала, ишәзеиӷьасшьарц аҭынчра, ашәҭыкакаҷра, ԥхьаҟатәи амш лаша. Ҳаҭыр зқәу Аԥсны ахада, ари аҳамҭа сара гәадыурала иныҟәызгалоит", - иҳәеит Гассеев.

Анаҩс, Ибрагим Гассеев Атәылахьчара аминистрра агәаларшәагатә ҳамҭақәа аиҭеит.

"Арҭ амшқәа рзы Аԥсны иқәынхо, милаҭрацәала еилоу ҳажәлар, Аԥсны арбџьар мчқәа рыруаа, ҳаиашьаратә жәларқәа, аҳәаанырцә иҟоу хыԥхьаӡара рацәала аԥсуа диаспора иазгәарҭоит игәырӷьахәу амшныҳәа – 1992-1993 шықәсқәа рызтәи Аԥсны жәлар рџьынџьтәылатә еибашьраҿы иргаз Аиааира амш", - иҳәеит Аԥсны Атәылахьчара аминистр Владимир Ануа иқәгылараҿы.

"1992 шықәса нанҳәамзазы аԥсуа жәлар мцаԥшьла дырхысырц аҳәаа дхыҵны ҳадгьыл ашьа каршуа дықәлеит аӷа. Уи хықәкыс иман аԥсуа ҳәынҭқарра, аԥсуа жәлар, аԥсуа бызшәа шьаҭанкыла рықәгара.

Аамҭа кьаҿк иалагӡаны аӷа импыҵеихалаз ақыҭақәа, ақалақьқәа шьала икәабеит. Аҭынч уааԥсыра ракәзар ақырҭуа фашизм агыгшәыгра зегь рхыргар акәхеит ҳәа азгәеиҭеит иара.

Ҳәашьак амамкәа иуадаҩын ашьаӡа-гәаӡа илсны аиааирахь уназгоз амҩа. Ацәыӡ дуқәа, арыцҳарақәа, аԥсыҭбарақәа ирылсны инеиуан ҳажәлар. Шьҭахьҟа хьаҵшьа ыҟамызт, избанзар Аԥсны аҟазаареи аҟамзаареи ирыбжьагылан, уаҵәтәи аԥеиԥш ахыц иакын, азқьышықәсақәа ирылсны иахьанӡагь иааиз аҭоурых ашәарҭара иҭагылан.

Аха ҳара аиааира ҳамгар алшомызт, избанзар аиашаразы ҳақәԥон, аиашаразы ахымца ҳаҿагылон, аиашаразы ҳаԥсҭазаарақәа ҳреигӡомызт. Аӷа иҭархаразы, игәыхәтәы иахьымгӡаразы рыжәҩа ҳамаданы иҳавагылеит Нхыҵ Кавказ ареспубликақәа рҟынтәи ҳашьцәа, Алада Урыстәыла аказақцәа, Асовет еидгыла уаанӡатәи атәылақәа рҟынтәи ҳиашара еилызкааз, аҳәаанырцәтәи адиаспора рхаҭарнакцәа",- ҳәа иҳәеит Ануа.

Аԥсны Атәылахьчара аминистр иӡбарала Аиааира амшныҳәа аламҭалаз аинрал Владимир Ҳаразиа имедал ранашьан арратә прокурор ихаҭыԥуаҩ, аиустициа аподполковник Руслан Лагәлаа, арратә прокурор ихаҭыԥуаҩ, аиустициа амаиор Аслан Инаԥшьба.

Амедал "Аԥсны аҭынчра аиҿкааразы" ланашьан Аштаб хада ашәҟәеиҿкаара аиҳабы Лиана Габуниаԥҳа.

Иара убас, Аԥсны ахада иқәҵарала Атәылахьчара аминистрра афицарцәа жәохә-ҩык аԥаратә ҳамҭақәа ранашьан.

Цәыббра 27 1993 шықәсазы аԥсуа ар Аҟәа агәахьы инеит, асааҭ 15:30 рзы Аԥсны Аҳәынҭқарра абираҟ "Аминистрцәа реилазаара" ахыбра иахадыргылеит.

8