Аԥсны ахада ауаажәларратә еиҿкаара "Аруаа" ахаҭарнакцәа идикылеит

39
(ирҿыцуп 23:28 24.08.2021)
Аԥсны жәлар Рџьынџьтәылатә еибашьра аветеранцәа руаажәларратә еиҿкаара "Аруаа" атәыла аиҳабыра русура иақәыӡбо ааԥхьара ркьыԥхьит.

АҞӘА, нанҳәа 24 – Sputnik, Асмаҭ Ҵәыџьԥҳа. Аԥсны ахада Аслан Бжьаниеи, ихаҭыԥуаҩ Бадра Гәынбеи Аԥсны жәлар Рџьынџьтәылатә еибашьра аветеранцәа руаажәларратә еиҿкаара "Аруаа" рхаҭарнакцәа ирԥылеит нанҳәа 23 рзы. Абри атәы Sputnik иазеиҭеиҳәеит аиҿкаара Иреиҳаӡоу ахеилак алахәыла Ахра Бжьаниа.

́Ахра Бжьаниа иажәақәа рыла, аиԥылара мзызны иаиуит Аԥсны жәлар Рџьынџьтәылатә еибашьра аветеранцәа руаажәларратә еиҿкаара "Аруаа" атәыла аиҳабыра русура иақәыӡбо иҟарҵаз аҳәамҭа.

Аҳәамҭаҿы инаҵшьны иазгәаҭан акоронавирустә инфекциа иаҿагыланы ақәԥара хра амамкәа иахьыҟоу.

"Валери Бганба аԥыза-министр инапынҵақәа анынеигӡоз иҟамызт ихәарҭахашаз аметодикақәа, ВОЗ абжьгарақәа ирықәшәо ауснагӡатәқәа, аха Аԥсны усҟантәи аамҭазы ачымазара ааныркылеит, шәкыла аԥсҭазаарақәа еиқәдырхеит. Иара убри аамҭазы иахьатәи аԥыза-министр Анқәаб аҟазауаа ргәаанагара азхьаԥшра амҭо, иҭакԥхықәраданы ихымҩаԥгашьа агәабзиарахьчаратә система еиланажьит, ачымазара ашәқәа азаанартит, ауааԥсыра рыԥсҭазаарақәа ашәарҭара иҭанаргылеит уҳәар алшоит", - аҳәоит  "Аруаа" иҟарҵаз аҳәамҭаҿы.

Иара убасгьы атекст аҿы иазгәаҭоуп аиҳабыра алаҵаҟаҵаразы иахәҭаны иҟаз аусқәа мҩаԥырымгеит ҳәа.

"Аиҳабыра рхада иусура иааубартә аиԥш алҵшәадара, шәара Аслан Гьаргь-иԥа Аминистрцәа реилазаара ԥхьатәара ашьҭра шәазнархәыцроуп", - аҳәоит аҳәамҭаҿы.

Ахра Бжьаниа ахада иацәажәара "иҭынчыз аиҩызаратә ҟазшьа аман" ҳәа ахиҳәааит.

"Иаҳҳәоз зегь аниҵон. Иҟаиҵаша атәы сызшәаҳәом, аха ҳаицәажәара дшазхәыцуа збеит. Ҳара ҳгәанала асеиԥш акгьыҟамҵара ҭакк аиуроуп. Ахада аиҳабыра ииашаз ашьаҿақәа ҟарҵоит ҳәа ишьозар ԥхьаҟа иҟаҳҵаша ҳазхәыцроуп. Ахада даҳзыӡырҩит, иҳәеит ацәажәара зҭаху зҵаарақәоуп ҳәа",  - иҳәеит иара.

Ахра Бжьания иҳәеит иара убас ишрылацәажәаз акоррупциа аҿагылара, аветеранцәа рсоциалтә зинқәа, хатәгәаԥхарала еибашьуаз рнырра ртемақәа.

39

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10