Аԥснытәи акомандақәа афорум "АрМИ-2021" аҟны х-еицлабрак ирылахәхеит

25
(ирҿыцуп 08:33 25.08.2021)
Жәларбжьаратәи арра-техникатә форум "Армия-2021" аатит нанҳәа 23 азы. 34 еицлабра ирылахәын 5 000-ҩык аруаа 42 тәыла рҟынтәи.

АҞӘА, нанҳәа 25 – Sputnik. Аԥснытәи аррамаҵзурауаа рылахәын аицлабрақәа "Атактикатә хысыҩ", "Ельбрустәи амацәаз", "Атанктә биатлон" ҳәа арадио Sputnik иазеиҭеиҳәеит Аԥсны атәылахьчара аминистрра арратәи аморал-ԥсихологиатәи зыҟаҵара Аусбарҭа аиҳабы Томас Ҷолариа.

Иара иажәаәқа рыла, "Атактикатә хысыҩ" аҟны Аԥсны акоманда 17 ҭыԥ рҟынтәи ажәбатәи ннакылеит, "Ельбрустәи амацәаз" аҿы 9 ҭыԥк рҟынтәи афбатәи ннакылеит.

"Ари ҳара ҳзы рбага бзиоуп, избанзар ҳара арҭ адисциплинақәа раԥхьаӡа акәны ҳрылахәуп. Ҳаҷкәынцәа иаразнакы зегь шьҭыркаауеит. Сгәы иаанагоит ԥхьаҟа рылшарақәа еиӷьыртәуеит ҳәа", - иҳәеит иара.

Аԥснытәи аруаа аицлабра "Атанктә биатлон" аҟны атехникатә уадаҩрақәа ирыхҟьаны рыквалификациа рхырхит, Ҷолариа иажәақәа рыла, "ақәыԥшратә максимализм" рԥырхагахеит. Иазгәеиҭеит ари аиԥш иҟоу аицлабрақәа рылахәра ԥышәа дууп ҳәа.

Иара убасгьы арадио Sputnik аҿы Аԥсны ар рподполковник Алиас Уанаҿа еиҭеиҳәеит акомандақәа ишрылшаз аԥсуа чыси ҳкультуреи рӡыргара.

Акоманда алахәылацәеи Венесуелатәи аруааи еибадырит, иагьырыӡбеит ахәмаррақәа еицрылахәхарц.

Сынтәа арратә еицлабрақәа мҩаԥысуеит нанҳәа 22 инаркны цәыббра 4 аҟынӡа 11 ҳәынҭқарра рҵакыраҿы (Урыстәыла, Алжир, Ермантәыла, Белоруссиа, Вьетнам, Иран, Катар, Ҟазахстан, Китаи, Сербиа, Узбекистан).

34 еицлабра ирылахәхоит 5 000-ҩык аруаа 42 тәыла рҟынтәи.

25

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10