Лиудмила Скорик: арҵаҩцәа алаҵа ҟарҵароуп

134
Аԥсны аҵарашықәс иалагоит цәыббра 1 азы. Абри азы аҳәамҭа ҟаиҵеит Аҵареи абызшәатә политикеи рминистр Инал Габлиа.

АҞӘА, нанҳәа 26 – Sputnik. Ашколқәа рҟны асанитартә-епидемиологиатә режим аҭахрақәа ирықәныҟәалароуп ҳәа лҳәеит ареспублика асанитартә ҳақьым хада Лиудмила Скорик Агәабзиарахьчара аминистрра апресс-маҵзура аинтервиу аҭо.

"Сара еилыскаауеит амедицинатә ҟазшьала алаҵа ҟазҵар ҟамло арҵаҩцәа шыҟоу, аха урҭ рсиа акыр икьаҿуп", - ҳәа лҳәеит лара.
Аурокқәа раан ахәыҷқәа асабрада рҿаҵаны иузыртәом ҳәа азгәалҭеит Скорик.

"Аклассқәа аультрафиолетшәахәа ашьҭырҭақәа рыла еиқәыршәазароуп. Аха иҟалоит урҭ ахьыҟамлогьы. Арҵаҩы авирус иԥырхагахара маҷзарц, аиммунтә хьчара имазарц арҵаҩцәа алаҵа дҳарҟаҵароуп", - ҳәа лҳәеит Скорик.

Лара лажәақәа рыла, арҵаҩцәа риммунтә статус аҭҵаара иалагоит цәыббра 15 инаркны.

"Ахархәара рыҭахоит атест-системақәа, ацәеижьҿагылақәа рыҟазаара агәаҭара. Урҭ ачымазара акәу алаҵа акәу изхылҿиааз гәарҭоит. Уажәазы урҭ рҩызцәа атест-системақәа ҳамоуп. Убри азы арҵаҩцәа зегьы, аҵаратә процесс иалахәу хәыдаԥсада игәаҳҭоит", - ҳәа лҳәеит лара.

Аклассқәа гәыԥ-гәыԥла изеихшамхои, аамҭа аамҭала аиҵбыратәии аиҳабыратәии аклассқәа рҵараҵара асхема заԥыххеи ҳәа азҵаара аҭакс илҳәеит уи рацәак хра шамамыз.

"Арҵаҩцәа еиҳа аидара иаҵалон, русура ҩынтә еихшаны имҩаԥыргар акәын. Ҳара арҵаҩцәа ҳаԥсахуамызт, ахәыҷқәа ракәын еихаҳшоз. Ҵыԥхтәи аҭагылазаашьа иаҳнарбеит арҵаҩы иааԥсара ииммунтә система шыҵнашәаауаз COVID-19 еиԥш егьырҭ ачымазарақәа рзгьы", - ҳәа лҳәеит Лиудмила Скорик.

Лара ишылҳәаз ала, 2020 шықәсазы иаԥҵан аинструктивтә материалқәа, аҵара аҟәшақәа реиҳабацәа урҭ хылаԥшра рырҭалароуп.

"Арахь иаҵанакуеит арзҩыдагақәа, асабрадақәа, асапын – асантехникатә уадақәа рҿы" ҳәа лҳәеит Скорик.

Иара убасгьы аклсс уадақәа аԥша рыҩнарслатәуп аҳауатә ҭагылазаашьа иахьынӡалнаршо, аӡыни ааԥыни аԥсшьараамҭақәа ирыцҵахар ҟалоит.

"Макьаназ, ахәыҷқәа адырра раҳҭартә аҭагылазаашьа ахьынӡаҟоу аҵаратә процесс ҳалагарц ҳаӡбеит", - ҳәа лҳәеит лара.

Ҵыԥх аҵаратә процесс изныкымкәа еиԥҟьеит аҭыԥ змаз аепидемиологиатә ҭагылазаашьа иахҟьаны.

134
Атемақәа:
Аҿкычымазара – акоронавирус Аԥсни адунеи аҿи: иалкаау (1455)

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

10
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау (1455)

Раионк аԥсҭазаараҟынтә: Царгәыш аӡиа Риҵа амашьынаргыларҭа аҟны русушьа атәы

9
(ирҿыцуп 20:36 24.09.2021)
Аӡиа Риҵа аҵакыраҿы амашьынаргыларҭа аҟны аус зуа Сасрыҟәа Царгәыш арадио Sputnik аефир аҟны еиҭаиҳәеит аҭыԥан аусура шеиҿкаауи, ирызцәырҵуа ауадаҩрақәеи ртәы.

Раионк аԥсҭазаараҟынтә: Царгәыш аӡиа Риҵа амашьынаргыларҭаҟны русушьа атәы
"…амашьынақәа ҳархылаԥшуеит, амбжьахрақәа ыҟам, уи аганхьала ҳҭынчуп. Азинхьчаратә маҵзура аусзуҩцәа ҳадгылоуп, ҳаицхыраауеит. Амашьына аргыларҭақәа х-ҭыԥкны иҟоуп, 150-200 машьына рҟынӡа хыхьтәи аҿы иакуеит.

Аус ишахәҭоу иууозароуп, иамуазар аҩны утәароуп. Иҟоуп еиҵахарақәак аныҟало амашьынақәа анырацәоу, аха аԥҟара еиҳарк иназмыгӡо аҭыԥан инхо ҳауп. Сааҭк амашьына аргылара 20 мааҭ иаԥсоуп, иҟоуп амш зегьы иргыланы ицо, урҭ 100 мааҭк ршәоит, - иҳәеит Царгәыш.

Аицәажәара шәазыӡырҩыр шәылшоит аудиофаил аҟны.

9