ААУ аҟны ихыркәшоуп аԥышәарақәа рыҭира

28
Сынтәа 37 хырхарҭала адкыларақәа мҩаԥысуан Аԥснытәи аҳәынҭқарратә университет аҟны.

АҞӘА, нанҳәа 26 – Sputnik. Аԥснытәи аҳәынҭқарратә университет аҟны ихыркәшоуп аԥышәарақәа. Сынтәа 689-ҩык абитуриентцәа зышәҟәқәа алазҵаз рахьынтәи 588-ҩык ахыԥхьаӡалоуп, абри атәы Sputnik иазеиҭеиҳәеит ААУ апресс-маҵзура анапхгаҩы Џьамбул Инџьгиа.

Абиуџьеттә ҭыԥқәа 294 ахьыҟаз 397 -ҩык  ықәгылан, урҭ рахьынтә 239 адкылара алҵшәақәа рыла хәыда-ԥсада аҵарахьы ирыдыркылеит.

Адкыларақәа ҩ-хәҭакны ишан ихадароуи ихаарҭәаауи. Абиуџьеттә ҭыԥқәа иахьхарҭәаамыз - аматематика, афизика, абиологиа, аԥсабара ахьчара азанааҭқәа рахь инацҵаны адкылара рылаҳәан. Убасгьы аҭыԥқәа ыҟан латәарадатәи аҵара ахьеиҿкаау азанааҭқәа рахь "азиндырра", "аҭоурых". Урҭ азанааҭқәа рахь аҵара аԥара ахшәаатәуп, ҳәа азгәалҭеит ААУ адкыларатә комиссиа аҭакзыԥхықәу амаӡаныҟәгаҩ Инга Арӡынԥҳа Аԥсуа телехәаԥшрала.

Аԥышәарақәа раан абитуриентцәа гәыԥҩык аҿкчымазара рыхьит, уи иахырҟьаны адкыларатә комиссиа алшара рынаҭеит ргәабзиара анышьақәдыргыла ашьҭахь, аԥышәарақәа рыҭираз инхарҭәаау асиахь иаларгалеит.

Сынтәа 37 хырхарҭала адкыларақәа мҩаԥысуан Аԥснытәи аҳәынҭқарратә университет аҟны.

Иаҳа азҿлымҳара змаз хырхарҭақәан ахархәаратә математика, азиндырра, жәларбжьаратәи аизыҟазаашьақәа, аҭоурых. Иҟоуп зынӡа ашәҟәқәа ахьаларымҵаз ахырхарҭагьы. Иаагозар, ахимиа амаҭәар. Убасгьы сынтәа ауниверситет аҟны асоциалтә программа аус ауеит.

"Абиуџьеттә ҭыԥқәа рахь ашәҟәы алазҵаз, аха аԥышәаратә еицлабра изахымсыз абитуриенцәа, зматериалтә ҭагылазаашьа хьанҭоу, адкыларатә комиссиа аӡбарыла ари иуадаҩу апандемиа аамҭазы рҵара ахә абжа ауп иршәо", - ҳәа адырра ҟалҵеит Арӡынба.

Аԥсуа ҳәынҭқарратә университет аҟны аҵарашықәс анхацыркхо макьана еилкаам.

28

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

5
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

5

Гагратәи аконсултә ҟәша аҳәаанырцәтәи атәылауаҩшәҟәқәа рыҭара иалагоит

5
Ацҳаражәҳәарҭа аконсултә ҟәша Гагра аус ауеит аԥхынтәи аамҭазы аҳәаанырцәтәи атәылауаҩшәҟәқәа рыдкылареи рыҭареи иара убасгьы атуристцәа ацхыраара рыҭареи рзы.

АҞӘА, цәыббра 23 - Sputnik. Аԥсны иҟоу Урыстәыла Ацҳаражәҳәарҭа Гагра иҟоу аконсултә ҟәша аҿы аҳәаанырцәтәи атәылауаҩшәҟәқәа рырҭоит цәыббра 24 асааҭ  10:00 - 17:00 рзы. Абри атәы аҳәоит Ацҳаражәҳәарҭа Facebook ахатәы даҟьаҿы.

Аконсултә ҟәша Гагра амилициа араионтә ҟәшаҿы иҟоуп. Иазгәарҭуеит, ишхымԥадатәиу уаанӡатәи атәылауаҩ ишәҟәы уцзар шакәу.

Гагратәи аконсултә ҟәша аԥҵан 2009 шықәсазы Сергеи Лавров  Аҟәа дааны даныҟаз Аԥсны адәныҟатәи аусқәа рминистри иареи реицәажәарала. Анаҩс аҟәша аадыртит 2010 шықәсазы.

5