Новосибирск имҩаԥысуа АрМи-2021 аицлабраҟны аԥшыхәҩцәа ԥшь-рекордк шьақәдаргылеит

16
(ирҿыцуп 15:23 26.08.2021)
34 еицлабра аҟны АрМИ-2021 иалахәуп 5 000-ҩык аруаа рҟынӡа 42 тәыла рҟынтәи. Урҭ рхыԥхьаӡараҿ иҟоуп Аԥснытәи акомандагьы.

АҞӘА, нанҳәа 26 – Sputnik. Новосибирск имҩаԥысуа Жәларбжьаратәи арратә хәмаррақәа рыҟны, зныкала ԥшь-рекордк шьақәдыргылеит аицлабра "Отличники войсковой разведки" аҩбатәи ахәҭаҟны, абри атәы аанацҳауеит РИА Новости аицлабрақәа рыпресс-центр шьаҭас иҟаҵаны.

"Ҩ-рекордк шьақәдаргылеит Урыстәылатәи аԥшыхәцәа. Урыстәылатәи акоманда амеханик-арныҟәцаҩ аҩбатәи ахәҭа афиниш аҟны дааит 11минуҭи 52 секунди рыла, уи алагьы 2020 шықәсазы ишьақәыргылаз арекорд иаԥнеигеит. Иара убас, аицлабра аҭоурых аҟны уажәраанӡа иҟамлацыз аицлабра "Наложение кровоостанавливающего жгута и оттаскивание раненого" аҟынгьы урыстәылатәи акоманда аԥыжәара агеит", - аҳәоит апресс-маҵзура аацҳамҭаҿы.

Китаитәи акоманда аԥшыхәҩцәа аицлабра "Надевание противогаза" аҟны 2,2 секундк рыла инарыгӡеит уи алагьы арекорд шьақәдаргылеит, Узбекистан акоманда акәзар "Скрытное выдвижение к объекту противника перебежками и переползанием на боку" аҟны минуҭки 24 секунди рыла.

Аихшьаалақәа рыла аҩхәҭак реицлабрақәа рыҟны аԥыжәара шамац иамоуп урыстәылатәи акоманда. Аҩбатәи Китаи ахԥатәи Узбекистан.

Жәларбжьаратәи арратә хәмаррақәа-2021 мҩаԥысуеит нанҳәа 22 инаркны цәыббра 4 нӡа 11 ҳәынҭқарра рҵакыраҿы (Урыстәыла, Алжир, Ермантәыла, Беларусиа, Ветнам, Иран, Катар, Казахстан, Китаи, Сербиа, Узбекистан).

16

Очамчыра араион ахәҭак лашарада иаанхоит аҩаша цәыббра 28 рзы

3
(ирҿыцуп 19:55 27.09.2021)
Астанциа маҷқәа "Очамчыра-2", "Мықә", "Кәачара" дырцәоит аҩаша цәыббра 28 рзы.

АҞӘА, цәыббра 27 – Sputnik. Очамчыра араион ахәҭак лашарада иаанхоит асааҭ 10:00 инаркны 16:00 рҟынӡа цәыббра 28 рзы. Абри атәы аанацҳауеит "Амшынеиқәафымцамч" апресс-маҵзура.

Ари аамҭазы ирцәахоит астанциа маҷқәа "Очамчыра-2", "Мықә", "Кәачара".

Астанҵиа маҷқәа рырцәара иахҟьаны лашарада иаанхоит:

  • "Кәачара" - ақыҭақәа Ӷәада, Џьгьарда, Кәтол
  • "Мықә" - ақыҭақәа Ҷлоу, Ҭхьына, Маркәыла, Отап, Џьал
  • "Очамчыра-2" - Очамчыра ақалақь ахәҭа.

Аенергетикцәа ражәақәа рыла, аиҭашьақәыргыларатә усурақәа мҩаԥыргоит.

 

 

3
Осень в Абхазии

Афон амшын дагеит Курскантәи аԥсшьаҩы

5
(ирҿыцуп 19:39 27.09.2021)
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

АҞӘА, цәыббра 27 – Sputnik. Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

5