Аԥснытәи акоманда "Ельбрустәи амацәаз" аҳәаақәа ирҭагӡаны инанагӡеит ашьха ӡиа арсра

77
(ирҿыцуп 10:46 30.08.2021)
Аррамаҵурауаа Урыстәыла, Китаи, Пакистан, Ҟазахстан, Аԥсны, Узбекистан, Индиа инарыгӡеит афбатәи адҵа ҷыда аицлабра "Ельбрустәи амацәаз" аҟны.

АҞӘА, нанҳәа 30 - Sputnik. Аԥснытәи акоманда Баксан ашьха ӡиа ирит, жәларбжьаратәи аицлабра аҩбатәи ахәҭа "Ельбрустәи амацәаз" аҳәаақәа ирҭагӡаны. Абри атәы аанацҳауеит Аладатәи арратә округ апресс-маҵзура.

Урыстәыла ишьақәнаргылеит арекорд ҿыц, ари аԥышәара иахысит 6 минуҭки 48 секундыи рыла, уи алагьы ҵыԥх Узбекистан акоманда ишьақәнаргылаз арекорд 8 минуҭки 20 секунди рыла иаԥныргеит.

© Foto / пресс-служба ЮВО
Аԥснытәи акоманда "Ельбрустәи амацәаз" аицлабра аҟны

Аҩбатәи аҭыԥаҿ игылоуп Узбекистан акоманда, урҭ рлыҵшәақәа 7 минуҭки 19 секунди. Казахстантәи акоманда акәзар ашьха ӡиа ирыит 8 минкҭки 25 секунди рыла , уи алагьы ахԥатәи аҭыԥаҿ игылоуп.

Аррамаҵурауаа, ҩ-шахак наҟ-ааҟ ирықәгыланы ҩ-шахак хыхьла икны ашьха ӡиа ирыр акәын.

Аицлабра аҩбатәи ахәҭа "Ельбрустәи амацәаз" абаллқәа рыԥхьаӡара мҩаԥгахоит Ельбрус шә-километрак ианахыслак ашьҭахь.

77

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

10
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау

Раионк аԥсҭазаараҟынтә: Царгәыш аӡиа Риҵа амашьынаргыларҭа аҟны русушьа атәы

9
(ирҿыцуп 20:36 24.09.2021)
Аӡиа Риҵа аҵакыраҿы амашьынаргыларҭа аҟны аус зуа Сасрыҟәа Царгәыш арадио Sputnik аефир аҟны еиҭаиҳәеит аҭыԥан аусура шеиҿкаауи, ирызцәырҵуа ауадаҩрақәеи ртәы.

Раионк аԥсҭазаараҟынтә: Царгәыш аӡиа Риҵа амашьынаргыларҭаҟны русушьа атәы
"…амашьынақәа ҳархылаԥшуеит, амбжьахрақәа ыҟам, уи аганхьала ҳҭынчуп. Азинхьчаратә маҵзура аусзуҩцәа ҳадгылоуп, ҳаицхыраауеит. Амашьына аргыларҭақәа х-ҭыԥкны иҟоуп, 150-200 машьына рҟынӡа хыхьтәи аҿы иакуеит.

Аус ишахәҭоу иууозароуп, иамуазар аҩны утәароуп. Иҟоуп еиҵахарақәак аныҟало амашьынақәа анырацәоу, аха аԥҟара еиҳарк иназмыгӡо аҭыԥан инхо ҳауп. Сааҭк амашьына аргылара 20 мааҭ иаԥсоуп, иҟоуп амш зегьы иргыланы ицо, урҭ 100 мааҭк ршәоит, - иҳәеит Царгәыш.

Аицәажәара шәазыӡырҩыр шәылшоит аудиофаил аҟны.

9