Граница по реке Псоу

Лаҵара 1 аахыс аурыс-аԥсуа ҳәаа 4,5 миллионҩык ахысхьеит

21
(ирҿыцуп 13:58 31.08.2021)
Аурыс-аԥсуа ҳәааҿы аҳазалхратә хылаԥшра аҭыԥ ала уахыки-ҽнаки рыҩнуҵаҟа аҳәаа иахысуеит жәанызқь транспорт хархәагеи ханҩажәа нызқь-ҩык ауааԥсыреи.

АҞӘА, нанҳәа 31 - Sputnik. Лаҵара 1 аахыс аурыс-аԥсуа ҳәаа наҟгьы-ааҟгьы 4,5 миллион-ҩык ахысхьеит ҳәа, аанацҳауеит Краснодартәи аҳазалхырҭа Шәача ақалақь аҿтәи амаҵзура.

Абри аамҭала аҳәаа иахысит миллионк инеиҳаны атранспорттә хархәага, 45 нызқь екскурсиатә автобусқәа абрахь иналаҵаны.

Аԥхынтәи аамҭазы аҳәаа иахысуа атранспорти ауааԥсыреи ԥшьынтә рыла еиҳауп аушьҭырҭатә ҭыԥ алшарақәа раасҭа.

Ари иахьмырԥшыкәа аҳазалхратә операциақәеи аҳазалхратә хылаԥшреи уахи-ҽни инеиԥшьны имҩаԥысуеит, Аус ауеит ацәаҳәа цҵа екскурсиатә автобусқәа рзы. Арахь иаашьҭуп ацхырааразы 30-ҩык Краснодартәии Ҟрымтәии аҳазалхырҭақәа русзуҩцәа.

Лаҵара 1 аахыс административтә зинеилагаразы 400 усқәа хацыркуп, ашықәс иалагазар – 720 ус. Аиҳарак зыдҳәало ашәҟәы иҭарымгало атауарқәа рымҩангареи, аԥкрақәа рықәымныҟәареи роуп.

Азинеилагаҩцәа реиҳараҩык аҭаҭыни арыжәтәи раалыҵқәа закәаншьаҭада аҳәаа рахыгара рҽазыршәоит.

Краснодартәи аҳазалхырҭа агәҽанҵара ҟанаҵоит:

  • 18 шықәса рҟынӡа зхыҵуа ауаҩы баџьда аҳәаа ахыгара илшоит х-литрак арыжәтә џьбара,
  • Абаџь ахшәааны – 3-5 литра, хә-литрак еиҳамкәа,
  • Зықәра наӡахьоу аҳазалхратә шәарақәа рыда рхатә хархәаразы аҳәаа иахыргар рылшоит ҭоԥк (10 пачкак) асигарет ма 50 сигара (сигарала) ма 250 грамм аҭаҭын,
  • Ашәҟәҭагаларада знык ала аҳәаа ахыгара азин ыҟоуп аԥареи, аԥаратә чекқәеи 10 000 доллар ЕАА еиҳамкәа, ма иара амааҭ ала аеквивалент.

Аушьҭырҭатә ҭыԥ "Адлер" 2012 шықәсазы аусура иалагеит, атранспорт цәаҳәақәа 24 аус руеит. Иазыԥхьагәаҭоуп хара имгакәа ареконструкциа амҩаԥгара.

21

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10