Аԥсны ашәҟәы иҭагалоу амашьынақәа Урыстәыла иахьалалоз аиԥынгылара иалашәеит

18
(ирҿыцуп 15:40 01.09.2021)
Аиԥынгылара ҟалеит Ԥсоу иаԥну аурыс-аԥсуа ҳәаа автомашьынақәа роушьҭырҭа аҭыԥ аҿы нанҳәа 31 азы.

АҞӘА, цәыббра 1 – Sputnik, Бадри Есиава. Аԥсны ашәҟәы иҭагалоу амашьынақәа Урыстәыла иахьалалоз аиԥынгылара иалашәеит, сааҭла игылеит нанҳәа 31 аахыс.

Sputnik акорреспондент дзыҿцәажәоз Асҭанда Мархолиаԥҳа илҳәеит цәыббра 1 азы ашьыжь Аԥснынтә Урыстәылаҟа диасырц лыҽшазылшәаз Аԥсны ашәҟәы иҭагалоу лхатә транспорт ала, аха сааҭки бжаки аԥшра анлықәшәа ашьҭахь дшыхынҳәыз.

"Иахьа асааҭ 9:00 рзы аҳәааҿ сыҟан, аха сааҭки бжаки агылара сықәшәеит. Абри аамҭала жәа-метрак ҳнаскьазар ҟалап. Иҟоуп асааҭ 3:00 раахыс игылазгьы. Апассаџьыр дсыцын, уи дыццакуан азы доусышьҭит. Шьҭахьҟа схынҳәуеит анысҳәагьы иуадаҩхеит. Иҟалом, быԥшыроуп ҳәа рҳәеит. Асмена аиҳабы данааи ауп ахынҳәра анҳалшаз", - ҳәа лҳәеит Мархолиаԥҳа.

Лара еиллыргеит иҟалаз аҭагылазаашьа зыхҟьаз. Мархолиаԥҳа лажәақәа рыла, аҳазалхырҭаҿ  аԥснытәи аномерқәа змоу амашьынақәа  рбаза еиҭадырҿыцуан.

Анаплакҩы  Аинар иҟаз ихаҭа имбеит аха  атауар изаазго иажәаәқа рыла идыруеит амашьынақәа 3-4 сааҭ ишгыло, атранспорт алалара ахьеиҿыркаауа аҭыԥқәа ҩба заҵәык аус шыруаз.

"Агәаран дыуын. Сусзуҩ ԥшьсааҭк еиҳаны дгылан. Ауаа уаанӡа инеиуан, амҳәыр аадырхон, иқәҵуан. Уажәы ари аҭагылазаашьа еиҭаркит заанаҵтәи алаҳәарада. Иҟан ауаа адокументқәа иахәҭаз змамыз. Уи адагьы ҩ-ҭыԥк ракәын аус зуаз. Уаанӡа 4 ҭыԥк аартын", - ҳәа азгәеиҭеит иара.

Аинар иҳәеит аҩашаз, ауаа ргәамҵра аадырԥшуа ианалага ажәытә схемала роушьҭра ишалагаз.

Дмитри абри аамҭа иалашәаз дреиуоуп. Аҩаша ашьыжь х-сааҭк Аԥсны дахьалҵуаз агылара иқәшәеит, ахәылбыҽха даныхынҳәуаз еиҳагьы дыԥшыр акәхеит.

Иара ишиҳәо ала, аҳәааҿ аҭагылазаашьа еибарххан. Аҳазалхырҭа аусзуҩцәеи амашьынарныҟәцаҩцәеи анеиҿанагалозгьы ыҟан.

Аинформациатә маҵзура Sputnik Аԥсны Краснодартәи атәылаҿацә Афедералтә ҳазалхырҭатә маҵзурахьы аҳәара  ҟанаҵеит аҳәааҿы иҟоу аҭагылазаашьаз аилыркаара азыҟарҵарц.

18

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10