Бжьаниа Урыстәыла Аенергетикеи Аекономикатә ҿиареи аминистррақәа рхаҭарнакцәа идикылеит

15
(ирҿыцуп 10:52 03.09.2021)
Аҧсныҟа аусура аҵыхәала иааны иҟоуп Урыстәылатәи Афедерациа аекономикатә ҿиара аминистрреи Аенергетика аминистрреи рделегациа.

АҞӘА, цәыббра 3 - Sputnik. Аԥсны Аҳәынҭқарра Ахада Аслан Бжьаниа Аԥсныҟа усуратә ныҟәарала иааны иҟоу Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвачи, Аенергетика аминистр ихаҭыԥуаҩ Евгени Грабчаки дырԥылеит. Абри атәы аанацҳауеит ахада исаит.

Аҳәынҭқарра Ахада Урыстәыла анапхгара иҭабуп ҳәа реиҳәеит иҟарҵо ацхыраареи адгылареи рзы. Иазгәеиҭеит хырхарҭарацәалатәи арратә госпиталь ҩынтәны Аԥсныҟа ишаахьоу ацхыраара аҟаҵаразы.

Бжьаниа иҳәеит убасгьы ҩынтәуп авирус иаҿагыло авакцина ҳауеижьҭеи, аха авакцина азҵаара макьанагьы атәылаҿы изҵаара хаданы иқәгылоуп ҳәа.

"Урыстәыла Ахада иусбарҭеи Агәабзиарахьчара аминистрреи рыҟны иҟоу ауадаҩра атәы рдыруеит, цәыббрамзазы авакцина анаҩстәи апартиа Аԥсныҟа иаартә еиԥш адгылара ҳашәҭар, даара иҭабуп ҳәа шәаҳҳәон", - ҳәа азгәеиҭеит Ахада.

Бжьаниа далацәажәеит ааигәа Аԥсны аҭыԥ змаз аԥсабаратә рыцҳарақәа рызҵаарагьы.

"Сынтәа даҽа аамҭанык еиԥшымкәа мҽхакы ҭбаала аԥсабаратә рыцҳарақәа ҟалеит. Ҳарҭ уи иаҳзаанагаз аԥхасҭа аихшьаала уажәшьҭа ахыркәшарахь инаҳгоит. Азгәаҭақәа иҟоу рыла иартәо ахарџь Аԥсназы имаҷым. Урыстәылатәи аган иалшо ацхырааразы иҭабуп ахаҳҳәаауан", - иҳәеит Бжьаниа.

Ахада ипресс-маҵзура ишаанацҳауа ала, аиԥылараҟны ирзааҭгылан зыӡбара аҭаху апроблемақәа жәпакы, амҩатә инфраструктура,  афымцамчы, аӡымҩангагақәа, аҳаиртә баӷәаза аиҭашьақәыргылареи рхархәареи, амшынтә еимадара, абзазаратә цәынха кьакьақәа аус рыдулара, ақьырсиантә культуратә баҟақәа реиҭашьақәыргылара, ашәахтә хырхарҭа иадҳәалоу азҵаарақәа, аҳәынҭқарратә ҳәааҿы иҟоу аҭагылазаашьа уҳәа, убас егьырҭгьы.

Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвач аԥсуа ган иҟанаҵаз асасдкыларазы иҭабуп ахҳәааны, иазгәеиҭеит урыстәылатәи аган азҿлымҳара шанаҭо иагьшазыхиоу аԥсны-урыстәылатәи аизыҟазаашьақәа  есааира рырҭбаареи рырӷәӷәареи.

Иара далацәажәеит аделегациа шаҭааз еиуеиԥшым аобиектқәа.

"Аҟәаҟа амҩа ҳахьықәыз џьара-џьара ҳаангыланы ахыбрақәа ҳрыхәаԥшит. Урҭ рахьтә иҟоуп агәахәара узҭо, имҩаԥгаз аусурақәа ирыбзоураны акультуратә ҭынхақәеи афымцамч аобиектқәеи рӷәӷәоуп.  Еилкаауп, аԥхьаҟа аус зыдулатәу шыҟоу, урҭ ахыбрақәа раԥхьа иргыланы аԥхьаҟатәи апрограмма иалаҵатәхоит, мамзаргьы зынагӡара иаҿу апрограмма иазоужьу афинансқәа ирыцҵахоит", - иҳәеит иара.

Вольвач иазгәеиҭеит ашықәсбжазы атәылақәа ирыбжьаз атауареикәшара  урыстәылатәи аҳазалхра азгәаҭала иартәеит 143 миллион доллар, ари 43% ала еиҳауп ҵыԥхтәи ашықәс аасҭа ҳәа.

Урыстәылатәи Афедерациа аекономикатә ҿиара аминистрреи Аенергетика аминистрреи рделегациа Аԥсны иҟан ари ашықәс мшаԥымзазы, Аинвестпрограмма аԥарақәа рыла аремонт ззыҟарҵо аобиектқәа ргәаҭаразы.

15

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10