Аԥсни Урыстәылеи ҳтәыла асоциал-економикатә ҿиара апрограмма аус адырулоит

14
(ирҿыцуп 15:07 03.09.2021)
Аԥсны Аҳәынҭқарра Ахада Аслан Бжьаниа Аԥсныҟа усуратә визитла иааны иҟоу Урыстәылатәи Афедерациа аекономикатә ҿиара аминистр ихаҭыԥуаҩ Дмитри Вольвачи, Аенергетика аминистр ихаҭыԥуаҩ Евгени Грабчаки дырԥылеит.

АҞӘА, цәыббра 3 - Sputnik. Аԥсны Аҳәынҭқарра 2022-2025 шықәсқәа рызтәи асоциал-економикатә ҿиара апрограмма аус адырулоит Аԥсны аминистрцәа реилазаареи Урыстәылатәи Афедерациа аекономикатә ҿиара аминистрреи иҳәеит аиԥылараҟны Аслан Бжьаниа. Абри атәы аанацҳауеит амаҵзура Аԥсныпресс. 

Ахада иҳәеит 2014 шықәса абҵарамзазы Аԥсни Урыстәылеи рхадацәа рнапы шаҵарҩыз аусеицуреи астратегиатә партниорреи рзы Аиқәшаҳаҭра. Инаҵшьны иазгәеиҭеит аиқәшаҳаҭра аҳәаақәа ирҭагӡаны ишахәҭоу иаку асоциал-економикатә ҿиара аҵакыра аԥҵара.

"Ҳекономика алшарақәа ртәы жәдыруеит. Урыстәыла ацхыраареи ҳинфраструктура аинвистициақәа ралагалареи ада ҳхәарҭам. Убри азы Аԥсны Аҳәынҭқарра 2022-2025 шықәсқәа рызтәи асоциал-економикатә ҿиара апрограмма аус адулатәуп. Апроект уажәы аус адырулоит Аԥсны аминистрцәа реилазаареи Урыстәылатәи Афедерациа аекономикатә ҿиара аминистрреи  рҿы. Ҳара иҳауз аредакциа аҭҵаара ҳаҿуп", - ҳәа иҳәеит Бжьаниа.

Атәыла ахада Урыстәылатәи Афедерациа аекономикатә ҿиара аминистрреи Аенергетика аминистрреи рделегациа ҭабуп ҳәа реиҳәеит Аԥсны иарҭо ацхырааразы, аха убри аан иазгәеиҭеит аекономикаҿы аиҭакрақәа рыҟаҵара шзалымшац.

"Ирацәаҩуп аусурҭа змам рхыԥхьаӡара, илаҟәуп аулафахәы. Ари аҭагылазаашьа акы иазкылгатәуп", - иҳәеит Бжьаниа.

Ахада еиқәиԥхьаӡеит Аԥсны асоциал-економикатә ҿиара апрограмма иаҵанакуа: амҩатә инфраструктура аҿиара; аелектроенергетика; ӡыла аиқәыршәара; аҳаиртә баӷәаза аиҭашьақәыргылареи аусура аларгареи; аихамҩа; амшынтә еимадара; икьакьоу абзазаратә цәынхақәа рықәгара; ақьырсиан культура абаҟақәак реиҭашьақәыргылара; ашәахтә усхк иаҵанакуа азҵаарақәа; аҳәааҿы аусура арежим.

Аԥсныҟа ҩымш ҳәа усуратә визитла иааны иҟоуп Урыстәылатәи Афедерациа аекономикатә ҿиара аминистрреи Аенергетика аминистрреи рделегациа.

14

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

6
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

6

Гагратәи аконсултә ҟәша аҳәаанырцәтәи атәылауаҩшәҟәқәа рыҭара иалагоит

5
Ацҳаражәҳәарҭа аконсултә ҟәша Гагра аус ауеит аԥхынтәи аамҭазы аҳәаанырцәтәи атәылауаҩшәҟәқәа рыдкылареи рыҭареи иара убасгьы атуристцәа ацхыраара рыҭареи рзы.

АҞӘА, цәыббра 23 - Sputnik. Аԥсны иҟоу Урыстәыла Ацҳаражәҳәарҭа Гагра иҟоу аконсултә ҟәша аҿы аҳәаанырцәтәи атәылауаҩшәҟәқәа рырҭоит цәыббра 24 асааҭ  10:00 - 17:00 рзы. Абри атәы аҳәоит Ацҳаражәҳәарҭа Facebook ахатәы даҟьаҿы.

Аконсултә ҟәша Гагра амилициа араионтә ҟәшаҿы иҟоуп. Иазгәарҭуеит, ишхымԥадатәиу уаанӡатәи атәылауаҩ ишәҟәы уцзар шакәу.

Гагратәи аконсултә ҟәша аԥҵан 2009 шықәсазы Сергеи Лавров  Аҟәа дааны даныҟаз Аԥсны адәныҟатәи аусқәа рминистри иареи реицәажәарала. Анаҩс аҟәша аадыртит 2010 шықәсазы.

5

Ачемпионат ConIFA Африка Занзибар имҩаԥгахоит

6
(ирҿыцуп 14:25 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

6