Сезонное отключение воды в Великом Новгороде

Гәдоуҭа ахәҭак мчыбжьык аахыс ӡыда иҟоуп

14
(ирҿыцуп 08:50 08.09.2021)
Гәдоуҭа араион иахьаҵанакуа 500 ҭӡы рҟынӡа мчыбжьык аахыс ӡыда иҟоуп, аӡымҩангага алыкь иахьашәаҳаз иахҟьаны.

АҞӘА, цәыббра 8 - Sputnik, Сариа Кәарацхьиаԥҳа. Гәдоуҭа араион иахьаҵанакуа ӡыла аиқәыршәара апроблема аҭыԥантәи  амуниципалтә маҵзурақәа рхала аӡбшьа рзамҭеит. Убри азы араион анапхгара атәыла аиҳабыра рахь аццхыраара иаҳәараны иҟоуп.

"Ари иуадаҩу зҵаарахеит. Аӡымҩангага лыкьла иҭәит, аха аҭыԥҵәҟьа ахьыҟоу ҳзеилкаауам. Ахада адырра иаҳҭоит анаҩс адгылара ҳаиҭарц", - ҳәа иҳәеит Гәдоуҭатәи аӡыканал аиҳабы Оҭар Леиба Sputnik аинтервиу аҭо.

Ари апроблема ҟалеижьҭеи уажәшьҭа мчыбжьык ҵит, араион ахада Баграт Боџьгәуа иҳәеит атәыла аиҳабыра рахь ацхыраара даҳәараны дшыҟоу.

"Аҽа мҩак ыҟан избом. Апроблема уадаҩуп. 400 метра инарзынаԥшуа лыкьла ишәаҳауп. Аҟәантәи аҟазауаа ирыԥхьатәуп", - ҳәа иҳәеит иара.

Цәыббра 7 инаркны амашьына ҷыдақәа рыла ауааԥсыра аӡыржәтә рызнарго иалагеит.

Гәдоуҭа араион аҿы 500 рҟынӡа ҩны – Гагратәи амҩаду, Бамбора, Лыхны ахәҭак аамш ирықәуп ӡыда иҟоижьҭеи, аӡымҩангага алыкь ала ианшәаҳаха ашьҭахь.

Амагистраль шьҭаҵан 1962 шықәса рзы, уиижьҭеи ирымԥсахцызт.

14

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10