Урыстәылатәи амобильтә агоспиталь ахада Аԥсны русура шеиҿкаау далацәажәеит

14
(ирҿыцуп 16:40 08.09.2021)
Урыстәылатәи арратә госпиталь нанҳәа 18 раахыс иаднакылахьеит ахәышәтәрази аконсультациақәа рзи ԥшьышәҩык инареиҳаны Аԥсны атәылауаа.

АҞӘА, цәыббра 8 – Sputnik. Урыстәылатәи арратә госпиталь амаҵура армариоит Аԥсны агәабзиарахьчареи ҳареи еиныррыла еиҿкаау ҳусура ҳәа Sputnik иазеиҭеиҳәеит аҳақьым хада  Абдулмедџьид Магомедов.

"Ҩынтәуп Аԥсны сыҟоижьҭеи. Оумашәа избоит ара заҟа зегь еиҿкаау. Азҵаарақәа иаразнак ирыӡбоит. Асеиԥштәи аҭагылазаашьаан аусура ҳзымариоуп.  Абзазара бзиа анузаԥырҵо уусурагьы мариахоит. Амедперсонал ааԥсара рныԥшуам, избанзар рҭагылазаашьа ырманшәалоуп", - ҳәа иҳәеит иара.

Акоронавирустә инфекциа змаз ауаа рыхәышәтәра аус ари амобилтә госпиталь Даӷьсҭан ихацнаркит ҵыԥх. Уа идырҳаз аԥышәа рыхәеит Аԥсныҟа ианаагьы.

"Иҳамоу аԥышәала  еиуеиԥшым ачымазара аҟазшьақәа рзы иахәҭоу ахәшәтәышьа аадыруеит. Ҳусура иахәоит апрактикагьы", - ҳәа азгәеиҭеит Магомедов.

Агоспиталь хада еиҭеиҳәоит апациентцәа дара рахь ишнанаго.

"Аҭыԥ аҿы атерапевтцәа ачымазцәа рыдыркылоит, нас урҭ иахәҭаны иршьозар, ҳара ҳахь инарышьҭуеит", - ҳәа иҳәоит иара.

Магомедов атәыла ауааԥсыреи асасцәеи рахь ааԥхьара ҟаиҵоит акоронавирус рхы ишадырбалалак амедусзуҩцәа рахь инеиларц.

"Ианаамҭоу аҳақьымцәа рахь анеира ахәышәтәра ахаҭабзиара еиӷьнатәуеит. Зчымазара злаҽыз рыхәышәтәра уадаҩуп. Уажәазы ихьанҭаны ичмазаҩцәоу рхыԥхьаӡара еиҳауп аштаммқәа рҽеиҭаркит азы", - иҳәеит агоспиталь ахада.

Агоспиталь  100 иара-ҭыԥк амоуп, аха ԥсыхәа амамкәа иҟалозар даҽа 50 ҭыԥ ацҵахар алшоит. 100 ҭыԥк рҟынтәи 46 ҭыԥ аҵәыҵәри ала еиқәыршәоуп.

Хырхарҭарацәалатәи амобилтә госпиталь аҟны ишьақәыргылоуп арԥҳақәа иԥсабаратәымкәа аҳауа рҭазырсуа аппаратқәа 11, ачымазҩцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализҟаҵагақәа, ПЦР-лабораториақәа.

14
Атемақәа:
Аҿкычымазара – акоронавирус Аԥсни адунеи аҿи: иалкаау (1457)

Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

7
(ирҿыцуп 18:02 27.09.2021)
Цәыббра 27 Аҟәа ахақәиҭтәра иамшуп. Аԥсны аџьынџьтәылатә еибашьра аветеранцәа Борис Саџьаҭиԥа, Нанули Минаиаԥҳа, Емма Инаԥшьԥҳа иргәаладыршәеит аибашьра иадҳәалоу ахтысқәа, Аҟәа ахақәиҭтәразы ажәылара.
Афырхацәа рымҩала: Саџьаҭиԥа, Минаиаԥҳа, Инаԥшьԥҳа Аҟәа ахақәиҭтәра иазкны

Аԥсны Аџьынџьтәылатә еибашьраан еиҿкааз ажәыларақәа ирхадаз иалҵшәахеит 1993 шықәса,цәыббра 27 рзы Аҟәа ахақәиҭтәра. Уи аҽны аԥсуаа рыр Аҟәа агәы иалалеит ,Аԥсны Аҳәынҭқарра абираҟ Аминистрцәа реилазаара ахыбра иахашәыршәырит, аҳҭнықалақь ахы иақәиҭтәхеит.

Аибашьра зхызгаз амедеҳәшьцәа Аҟәа аҳақәиҭтәра иалахәыз Агәымшәараз амедал занашьоу Нанули Саманџьиаԥҳаи , Леон иорден занашьоу Емма Инаԥшьԥҳаи Аџьџнџьтәылатә еибашьра аветеран , Агәымшәараз амедал занашьоу Борис Саџьаҭиԥеи ргәалашәарақәа ртәы еиҭарҳәеит арадио Sputnik аефир аҟны.

 

7

Бибилов иҳәеит Бжьаниеи иареи злацәажәараны иҟоу азҵаарақәа рыӡбахә

4
2005 шықәса цәыббрамзазы Аԥсны Аҳәынҭқарреи Аахыҵ Уаԥстәылеи аусеицуразы аиқәшаҳаҭра рыбжьарҵеит.

ГАГРА, цәыббра 27 - Sputnik, Бадри Есиава. Аекономика, акультура, аспорт, аҵарадырра уҳәа ирылацәажәараны иҟоуп Аԥсни Аахыҵ Уаԥстәылеи рхадацәа. Абри атәы ажурналистцәа ирзеиҭеиҳәеит Анатоли Бибилов.

"Сара ара Аԥсны ахада Аслан Бжьаниа иааԥхьарала сыҟоуп. Ҳара ҳрылацәажәараны ҳаҟоуп аекономикатә ҿиара, акультура, аспорт, аҵарадырра уҳәа аусхкқәа", - ҳәа иҳәеит Бибилов.

Иара иазгәеиҭеит Аԥсни Аахыҵ Уаԥстәылеи рыбжьара аешьаратә еизыҟазаашьақәа аибашьра ҟалаанӡагьы аҿиара аманы ишыҟаз, ажәытә аамҭақәа раангьы аҿиара шрымаз.

Бибилов иҳәеит ԥхьаҟагьы арҭ аизыҟазаашьақәа еиҳагьы иҭбаахап, иҵауылахап ҳәа агәра шиго.

Аахыҵ Уаԥстәыла ахада Анатоли Бибилов Аԥсныҟа дааит цәыббра 27 азы Аԥсны Аџьынџьтәылатә еибашьраҿы игоу Аиааира иазку аусмҩаԥгатәқәа ихы рылаирхәырц.

Аҳәааҿы асасцәа ирԥылеит Аԥсны ахада ихаҭыԥуаҩ Бадра Гәынба, Адәныҟатәи аусқәа рминистр Даур Ақаҩба, Гагра араион ахада ихаҭыԥуаҩ Алхас Барцыц.

Ашәахьа цәыббра 27 рзы, Анатоли Бибилов напхгара зиҭо Аахыҵ Уаԥстәылатәи аделегациа ашәҭ шьыҵәрақәа шьҭарҵеит Гагра араион ахақәиҭтәраан иҭахаз, Ԥсахара ақыҭан ишьақәыргылоу ахатәгәаԥхаҩцәа ауаԥс еибашьцәа Џьамал Сиукаеви, Роберт Петров-Кокоеви, Ацамаз Маргиеви рбаҟа амҵан.

Анатоли Бибилов иазгәеиҭеит Аԥсны Аҳәынҭқарра Ахада Аслан Бжьаниа иааԥхьарала дшааз. Гәахәаралагьы ихы шрылаирхәо агәалашәаратәи аныҳәатәи усмҩаԥгатәқәа.

 

4