Аслан Бжьаниа иҭахаз Урыстәыла АҶА ахада Зиничев иуацәа дрыдышшылеит

22
(ирҿыцуп 19:57 08.09.2021)
Урыстәыла аҭагылазаашьа ҷыдақәа рзы аминистрра аиҳабы Евгени Зиничев 55 шықәса ихыҵуан, ари амаҵура дахагылан хышықәса раахыс.

АҞӘА, цәыббра 8 - Sputnik. Аԥсны Аҳәынҭқарра ахада Аслан Бжьаниа Атәылауаа рыхьчареи аҭагылазаашьа ҷыдақәеи аԥсабаратә рыцҳарақәа рыхҟьа-ԥҟьақәа раԥыхреи рзы Урыстәылатәи Афедерациа аминистр Евгени Зиничев иԥсҭазаара иалҵра инамаданы адышшылара ҟаиҵеит. Абри атәы аанацҳауеит ахада ипресс-маҵзура.

"Гәалсра дула исыдыскылеит Атәылауаа рыхьчареи аҭагылазаашьа ҷыдақәеи аҧсабаратә рыцҳарақәа рыхҟьа-ԥҟьақәа раԥыхреи рзы Урыстәылатәи Афедерациа аминистр Евгени Николаи-иԥа Зиничиов имаҵзуратә уал нагӡо, ауаҩы иԥсҭазаара аиқәырхараан машәырла иҭахара.

Аԥсадгьыл апатриот ду иҧсҭазаара иалҵра - трагедиа дууп иҭаацәеи аҳәынҭқарреи рзы. Иара фырхаҵарыла ихымҩаҧгашьа ишьақәнарӷәӷәоит аҳәынҭқарратә усзуҩы иаша иҟазшьоу аидеал ҳаракқәа", - аҳәоит адышшыларатә шәҟәы.

Бжьаниа Аԥсны Аҳәынҭқарра анапхгареи ахьӡала хаҭала иара ихьӡалеи иҭахаз аминистр иуацәеи иҭынхацәеи гәалсра дула дрыдышшылеит.

Евгени Зиничев имаҵзуратә уалԥшьа шынаигӡоз машәырла дҭахеит: Арктика имҩаԥысуаз аҽазыҟаҵарақәа раан аҭыхрақәа мҩаԥызгоз арежиссиор Александр Мельник аҿҟьараҿы дықәҵәраан хланҵы дцеит, уи збаз Зиничев иаразнакала дыԥеит деиқәирхарц, аха ацаҟьа даахеит. Аҩыџьагь вертолиотла ахәышәтәырҭахь иргеит, аха аҳауа иахьалаз рыԥсҭазаара иалҵхьан. Евгени Зиничев 55 шықәса ихыҵуан. Аҭагылазаашьа ҷыдақәа рзы аминистрра дахагылан хышықәса раахыс.

Иара убас шәаԥхьар ҟалоит:

22

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10