Аслан Бжьаниа Забаикалтәи атәылаҿацә аиҳабыра рхантәаҩ ихаҭыԥуаҩ дидикылеит

10
(ирҿыцуп 13:52 09.09.2021)
Урыстәыла Аҳәынҭқарратә Думахь адепутатцәа ралхразы абжьыҭара мҩаԥысуеит цәыббра 17-19 рзы. Забаикалтәи атәылаҿацә аиҳабыра рхантәаҩ ихаҭыԥуаҩ Андреи Гурулев алхрақәа дрылахәуп кандидатк иҳасаб ала афракциа "Иаку Урыстәыла" аҟынтәи.

АҞӘА, цәыббра 9 – Sputnik, Асмаҭ Ҵәыџьԥҳа. Аԥсны ахада Аслан Бжьаниа Забаикалтәи атәылаҿацә  аиҳабыра рхантәаҩ ихаҭыԥуаҩ Андреи Гурулев дидикылеит цәыббра 9 азы.

Аганқәа алацәажәеит Урыстәыла Аҳәынҭқарратә Думахь адепутатцәа ралхразы абжьыҭара амҩаԥысра азҵаара. Бжьаниа иҳәеит агәрахаҵара шимоу  "Иаку Урыстәыла" Адумаҿы аԥыжәара змоу партианы ишаанхо азы.

"Адумахь алхрақәа рҵакы дууп. Иҳалшо зегь ҟаҳҵоит алхрақәа еиҿкаарыла рымҩаԥгаразы. Иреиӷьу ахәшьарала имҩаԥгатәуп. Саб ашкол адиректорс дыҟан, ахәшьарақәа 3, 4  идикылаӡомызт", - иҳәеит Бжьаниа.

Гурулев иазгәеиҭеит иара Аԥсны дшацәтәымым, еиуеиԥшым ашықәсқәа рзы  Абыжьбатәи арратә базаҿ аус шиуаз.

"Иаҳхықәкы хадоу аибадырроуп. Ара инхоит ҳалхыҩцәа. Саргьы ԥхьаҟа депутатк иҳасаб ала  алхыҩцәа рзы ауп сусура зымҩаԥызго", - иҳәеит иара.
Ахада далацәажәеит аурыс-аԥсуа ҳәаа ахысраан иҟоу ауадаҩра.

"80% рҟынӡа Аԥсны ауааԥсыра Урыстәыла атәылауаҩра рымоуп. Ари ҵаҵӷәы бзиоуп аҳәааҿ иҟоу аусуратә режим аиҭакразы. Ауаа ргәаҟра  ҳаизыҟазаашьақәа реиӷьтәра алнаршом", - ҳәа иҳәеит иара.

Урыстәыла Аҳәынҭқарратә Думахь адепутатцәа хәышықәса аҿҳәара рыманы иалырхуеит еилаԥсоу асистемала: апартиатә сиақәа рылеи мандатктәи аокругқәа рҟынтәии. Алхрақәа мҩаԥысраны иҟоуп цәыббра 19 рзы

10

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10