Акапиталтә ргылара уаанӡатәи ахада иус аӡбарҭахь инашьҭуп

16
(ирҿыцуп 10:02 10.09.2021)
Ашьаус хацыркуп Аԥсны азакәанԥҵара анагӡашьа ахылаԥшразы Апрокуратура хада Аусбарҭа аматериалқәа рышьаҭала.

АҞӘА, цәыббра 10 - Sputnik. Аԥсны акапиталтә ргылара уаанӡатәи ахада Беслан Агрба, аилахәыра "Аԥсныргылара" уаанӡатәи адиректор Игор Казанба, УКС атехникатә хылаԥшра анџьныр Вахтанга Бигәаа, "Очамчыраргылара" уаанӡатәи ахада Иракли Кәыркәынаа рганахь ала аус нашьҭуп Очамчыра араионтә ӡбарҭахь. Абри атәы аҳәоит Апрокуратура хада асаит.

 Дара ахара рыдырҵоит аԥара рацәала ирфеит рмаҵзуратә ҭагылазаашьа рхы иархәаны ҳәа.
Аусҭҵаара адыррақәа рыла ахара зхарарҵо рмаҵзуратә ҭагылазаашьа рхы иархәаны 2016 шықәса аахыс Очамчыра араион Ҷлоу ақыҭаҿы аӡымҩангага ашьҭаҵараан аусурақәа рыдыркылазшәа ашәҟәқәа еиқәдырҽаҽеит.

Акт ԥаршеиқәа 9 миллионки 421 нызқьи 305 мааҭ рыхә инагӡамыз аусурақәа нагӡазшәа иадырбеит.
Амаҵзурауаа абри аамҭазы рнапы аҵарҩит инагӡаз аусурақәа рзы ашәҟәқәа, урҭ инарықәыршәаны 25миллиони 359 нызқьи 962 мааҭ "Аԥсныргылара" иахыԥхьаӡалан, 10 миллионки 514 нызқьи 874 мааҭ – "Очамчыраргылара".
14 миллиони 744 нызқьи 787 мааҭ рыхә атрубақәа нашьҭын.

"Очамчыраргылара" адиректор Кәыркәынаа Агрба, Казанба, Бигәаа алархәны иҟам анаплакҩы Рыжков В.Иу. иԥхьаӡарахь 2 миллионки 495 нызықь мааҭ неишьҭит, иҟам анаплакҩы Мальцев И.В. иԥхьаӡарахь миллионки 563 нызқьи 959 мааҭ неишьҭит.

Иҟамыз ИП иааидкыланы ирзынашьҭын аԥаратә ҳасаблеи атрубақәа рыхәԥсалеи 5 миллионки 190 нызықьи 864 мааҭ. Арҭ аԥарақәа дара ишырҭахыз рхы иадырхәеит.
Зыӡбахә ҳәоу ахаҿқәа ахара рхы иадырҵом. Аусеилыргара еизыргаз аматериалқәа  ианыԥшуеит ашаҳаҭцәа рҿахәы, аҟазауаа рылкаақәа, аԥкаанҵақәа иааидкыланы 30 том иҟоу ашьаустә материал.

16

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10