СССР ажурналистцәа Реидгыла иалахәу аԥснытәи ажурналистцәа рсиа еиҭакуп

16
(ирҿыцуп 09:27 11.09.2021)
Афинансқәа рминистрра анапы ианҵоуп 2021 шықәсазтәи абиуџьет аиҿкаараан аԥараныхра амҩаԥгара азгәаҭара.

АҞӘА, цәыббра 11 – Sputnik, Бадраҟ Аҩӡба. Аминистрцәа реилазаара иаднакылеит ақәҵара 2017 шықәса рашәара 6 азтәи ақәҵара аԥсахрақәа алагаларазы.

Ақәҵара иаҵанакуеит СССР ажурналистцәа Реидгыла иалахәу аԥснытәи ажурналистцәа.

Аминистрцәа реилазаара аппарат анапхгаҩы Давид Сангәлиа иҳәеит асиа еиҭакуп аилазаара иалахәылаз рҟынтә зыԥсҭазаара иалҵыз ахьыҟоу азы.

"Иҟоу асиа инақәыршәаны СССР ажурналистцәа Реидгыла иалахәу аԥснытәи ажурналистцәа реидгыла алахәылацәа социалтә дгыларак аҳасаб ала есымза 2 000 (ҩ-нызқь) мааҭ рызшәалахалоит", - ҳәа аҳәоит ақәҵараҿы.

Афинансқәа рминистрра анапы ианҵоуп 2021 шықәсазтәи абиуџьет аиҿкаараан аԥараныхра амҩаԥгара азгәаҭара.

1. Амҷԥҳа Роза Арушьан-иԥҳа

2. Амқәаб Гурам Артем-иԥа

3. Анқәаб Руслан Асҭамыр-иԥа

4. Аргәын Зураб Антон-иԥа

5. Арџьениа Енвер Чинчор-иԥа

6. Барганџьиа Русудан Амиран-иԥҳа

7. Басариа Вальдо Константин-иԥа

8. Бебиаԥҳа Екатерина Гьаргь-иԥҳа

9. Быҭәба Заур Расим-иԥа

10. Габриаԥҳа Марина Владимир-иԥҳа

11. Гындиа Сергеи Арушьан-иԥа

12. Гәбаз Лавренти Шьаақьыр-иԥа

13. Гәыблиа Руслан Владимир-иԥа

14. Занҭариа Аксент Жьагәа-иԥа

15. Инаԥшьба Даур Гант-иԥа

16. Қаџьаиа Борис Кәаҷаҷа-иԥа

17. Касланӡиаԥҳа Нуну Иасон-иԥҳа

18. Кациаԥҳа Еҭери Валериан-иԥҳа

19. Кәарацхьелиаԥҳа Ҭинаҭин Кәҷыҷ-иԥҳа

20. Киутԥҳа Нелли Николаи-иԥҳа

21. Маршьан Валери Џьота-иԥа

22. Орчыҟәба Валери   Қьрым-иԥа

23. Соловиова Иулиа Пиотр-иԥҳа

24. Ҳашба Владимир Саҭбеи-иԥа

25. Ҳашыг Руслан Мкан-иԥа

26. Ҵәыџьԥҳа Заира Иасон-иԥҳа

27. Чамагәуа Витали Зиа-иԥа

28. Шариа Витали Валериан-иԥа

29. Иаковлева Лилиана Михаил-иԥҳа.

Ақәҵара амчра аиуеит 2021 шықәса жьҭаара 1 инаркны.

16

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

6
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

6

Гагратәи аконсултә ҟәша аҳәаанырцәтәи атәылауаҩшәҟәқәа рыҭара иалагоит

5
Ацҳаражәҳәарҭа аконсултә ҟәша Гагра аус ауеит аԥхынтәи аамҭазы аҳәаанырцәтәи атәылауаҩшәҟәқәа рыдкылареи рыҭареи иара убасгьы атуристцәа ацхыраара рыҭареи рзы.

АҞӘА, цәыббра 23 - Sputnik. Аԥсны иҟоу Урыстәыла Ацҳаражәҳәарҭа Гагра иҟоу аконсултә ҟәша аҿы аҳәаанырцәтәи атәылауаҩшәҟәқәа рырҭоит цәыббра 24 асааҭ  10:00 - 17:00 рзы. Абри атәы аҳәоит Ацҳаражәҳәарҭа Facebook ахатәы даҟьаҿы.

Аконсултә ҟәша Гагра амилициа араионтә ҟәшаҿы иҟоуп. Иазгәарҭуеит, ишхымԥадатәиу уаанӡатәи атәылауаҩ ишәҟәы уцзар шакәу.

Гагратәи аконсултә ҟәша аԥҵан 2009 шықәсазы Сергеи Лавров  Аҟәа дааны даныҟаз Аԥсны адәныҟатәи аусқәа рминистри иареи реицәажәарала. Анаҩс аҟәша аадыртит 2010 шықәсазы.

5

Ачемпионат ConIFA Африка Занзибар имҩаԥгахоит

4
(ирҿыцуп 14:25 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

4