Аԥснытәи Аҳәынҭқарратә университет аҟны аҵара аҿҳәара инахоуп

20
(ирҿыцуп 10:14 15.09.2021)
Аԥснытәи Аҳәынҭқарратә университет актәи акурс астудентцәа рҵара иалагеит цәыббра 6 рзы, егьырҭ акурсқәа цәыббра 15 рзы аҵарахьы инеираны иҟан.

АҞӘА, цәыббра 15 – Sputnik, Бадраҟ Аҩӡба. Аԥснытәи Аҳәынҭқарратә университет аҩбатәи-ахәбатәи акурсқәа рҿы аҵара зҵо астудентцәа рҵара цәыббра 20 рзы иалагоит ҳәа Sputnik иазеиҭеиҳәеит ААУ аректор актәи ихаҭыԥуаҩ Виктор Маланӡиа.

"Асеиԥш ҳаӡбеит амчыбжь ҿыц ала ҳалагарц. Ауниверситет аҵаратә процесс алагара иазыхиоуп, аха ашәахьа инаркны аҵара хацҳаркыр еиӷьуп ҳәа азаҳаԥхьаӡеит. Уи адагьы COVID-19 аҭагылазаашьа аҽаԥсахуа иалагеит, еиҳа инарҭбаау аинформациа ҳамазар ҳҭахуп", - иҳәеит иара.

Маланӡиа иазгәеиҭеит аректорати асанитар-епидемиологиатә маҵзуреи аимадара шрымоу.

"Аҵыхәтәантәи аҩымш ачымазара аҽарцәгьошәа иҟоуп. Ҳаазыԥшып ҳҳәеит, ауаа рацәа аамҭакала еидкыламхарц азы", - иҳәеит иара.

Виктор Маланӡиа дазааҭгылеит актәи акурсқәа рыстудентцәа цәыббра 6 рзы аҵарахьы ишнеиз, аепидемиологиатә шәарҭадаразы иахәҭоу ауснагӡатәқәа шымҩаԥырго.

Сынтәа Аԥснытәи Аҳәынҭқарратә университет аҭаларазы рышәҟәқәа аларҵеит 689-ҩык абитуриентцәа, урҭ рахьтә ирыдыркылеит 588-ҩык.

Аԥсны иҟоу аепидемиологиатә ҭагылазаашьа инамаданы асанитартә-епидемиологиатә нормақәа рықәныҟәара рӷәӷәоуп.

Астудентцәеи арҵаҩцәеи асабрадақәа ныҟәыргалароуп, арзҩыдагақәа рхы иадырхәалароуп, асоциалтә дистанциа азгәарҭалароуп.

ААУ ахыбрақәеи аҵакыреи мышқәак раԥхьа арзҩыдара иахыжьын Аԥсныҟа иааны иҟоу арадиациатәи, ахимиатәи, абиологиатәи хьчаразы урыстәылатәи арратә ҟәша аусмҩаԥгатәқәа рыла.

20
Атемақәа:
Аҿкычымазара – акоронавирус Аԥсни адунеи аҿи: иалкаау (1455)

Гал араион ахада: Егры аҳәаа ахысра аԥҟарақәа рырӷәӷәара аҭахӡам

1
(ирҿыцуп 09:47 25.09.2021)
Уаанӡа Гал араион асанитартә ҳақьым хада инапынҵақәа назыгӡо Георги Қобалиа Sputnik аинтервиу анеиҭоз иҳәеит Аԥсни Қырҭтәылеи рҳәаа ахысра аԥҟарақәа рӷәӷәатәуп ҳәа.

АҞӘА, цәыббра 25 – Sputnik. Қырҭтәылеи Аԥсни рҳәаа ахысра аԥҟарақәа рырӷәӷәара аҭахӡам ҳәа иҳәеит арадио Sputnik аинтервиу азҭаз Гал араион ахада Константин Ԥлиа.

"Қырҭтәылеи ҳареи ҳҳәааҟны игылоуп ҳмедицинатә пункт, есҽны уа ашьыжь асааҭ быжьба инаркны ахәылбыҽха асааҭ быжьбанӡа, аҳәаа ахьынӡаарту, амедицинатә усзуҩцәа ҷаԥшьоит. Аҳәаа иахысуа ирымырхуеит алаҵа шыҟарҵахьоу азы аилыркаага, мамзаргьы 72 сааҭ еиҳаны изхымлахьоу ПЦР-тест азы ашәҟәы, ма ацәеижьҿагылақәа шрылоу зҳәо ашәҟәы", – ҳәа инаҵишьит иара.

Акоронавирустә инфекциа ҿыц азы аҭагылазаашьа цәгьоуп ҳәа ахимҳәааит Ԥлиа. Гал араион аҿы иахьазы 34-ҩык рҽырхәышәтәуеит ахәышәтәырҭа иҭамлаӡакәа, школк аамҭала иаркын, аха уигьы уажәшьҭа аусура иалагахьеит иҳәеит иара.

"Ҳсанитартә ҳақьым ишиҳәо еиԥшҵәҟьа аҭагылазашьа бааԥсым. Сара еилыскаауеит, асанитартә ҳақьымцәа аԥҟарақәа рӷәӷәазар еиҳа еиӷьаршьоит, ачымазарагьы усҟак иҿиаӡом, аха аԥсҭазаара ԥсҭазаароуп, ауаа аус нхароуп, аус руроуп, иҿиароуп. Ашәарҭара уеизгьы есымша иҟазаауеит", - ҳәа азгәеиҭеит Ԥлиа.

Уаанӡа Гал араион асанитартә ҳақьым хада инапынҵақәа назыгӡо Георги Қобалиа Sputnik аинтервиу анеиҭоз иҳәиҳәеит Аԥсни Қырҭтәылеи рҳәаа ахысра аԥҟарақәа рӷәӷәатәуп ҳәа. Иара иажәақәа рыла, Гал араион иқәынхо ауааԥсыра лассы-лассы аҳәаа иаԥну Жәыргьыҭ араион иаҭаауеит, уа мышкала 200-300-ҩык акоронавирус рыдырбалоит, ПЦР-тестқәа ракәзар, актәи ма аҩбатәи амш азы авирус рзаарԥшӡом.

1

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

13
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

13
Атемақәа:
Аҿкычымазара – акоронавирус Аԥсни адунеи аҿи: иалкаау (1455)