"Амра-банки" Аԥсны ашәахтәқәеи аизгақәеи рзы аминистрреи аиқәшаҳаҭра рыбжьарҵеит

32
Егьырҭ Аԥсны акоммерциатә банкқәеи аминистрреи рыбжьара аиқәшаҳаҭра абжьаҵара азҵаара аус адулара иаҿуп.

АҞӘА, цәыббра 15 – Sputnik, Бадраҟ Аҩӡба. Аԥсны ашәахтәқәеи аизгақәеи рзы аминистр Џьансыхә Нанбеи акоммерциатә банк "Амра-банк" анапхгараҭара ахантәаҩы Нестор Дамениеи рнапы аҵарҩит "Аусеицуреи аинформациатә еинырреи рзы" аиқәшаҳаҭра ҳәа Sputnik иазеиҭеиҳәеит аминистрра апресс-маӡаныҟәгаҩ  Гьаргь Габуниа.

Адокумент инақәыршәаны, аусбарҭа актуалтә информациа аиулар алшоит ашәахтәшәаҩцәа рбанктә ԥхьаӡарақәеи аиҿкаарақәеи ахаланаплакцәеи рыԥхьаӡаратә еикәыршарақәеи рзы.

"Адокумент онлаин режим ала аинформациа унаҭоит абанк аҿы аоперациақәа анымҩаԥысыз азы. Ари аоперациақәа ахылаԥшра рыҭара алнаршоит, иалнаршоит  ашәахтәҽацәыхьчара аҿагылара, зыгәра умгаша аоперациақәа ианаамҭоу азхьаԥшра рыҭара", - ҳәа иҳәеит Габуниа.

Аԥсны ашәахтәқәеи аизгақәеи рзы аминистрра апресс-маӡаныҟәгаҩ иара убасгьы иҳәеит уажәазы аминистрреи абанкқәеи реиныршьа атәы.

"Есымза имҩаԥгоу аоперациақәа рзы алҩаақәа ҳауеит. Нас урҭ аус рыдааулоит. Уи аамҭа агоит. Уажәшьҭарнахыс апрограмматә еиқәыршәарала ҳаиҿкаахоит абанкгьы ҳаргьы, аинформациагьы еимаадалоит", - ҳәа иҳәеит Гьаргь Габуниа.

"Амра-банкгьы" ИНН – ашәахтәшәаҩ иидентификациатә номер ала актуалтә информациа аиулоит.

"Аԥсны ашәахтәқәеи аизгақәеи рзы аминистрреи абанкқәеи асеиԥштәи реинырратә практика раԥхьаӡа акәны имҩаԥысуеит", - иҳәеит апресс-маӡаныҟәгаҩ.

Габуниа ишиҳәаз ала, егьырҭ Аԥсны акоммерциатә банкқәеи аминистрреи рыбжьара аиқәшаҳаҭра абжьаҵара азҵаара аус адулара иаҿуп.

32

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау
(1:19 / 10.22Mb / просмотров видео: 6)

Ажьира, амца, аиха: Мгәыӡырхәа амаден рҭәаны абџьар шыҟарҵо

10
(ирҿыцуп 19:22 25.09.2021)
Гәдоуҭа араион Мгәыӡырхәа ақыҭан аетнопарк "Аԥсны" аҿы цәыббра 24 рзы иаадыртит ажьицәа-абџьарҟаҵаҩцәа раԥхьатәи рфестиваль "Аихамца". Уи иалахәуп Аԥсни Урыстәылеи рҟазацәа. Афестиваль мҩаԥыслоит хымш.

Ажьицәа-абџьарҟаҵаҩцәа рфестиваль Аԥсны раԥхьаӡа акәны еиҿыркааит. Уи цәыббра 24-26 рзы имҩаԥыслоит аетнопарк "Аԥсны" аҿы. Уи рхы аладырхәырц иааит аҭыԥантәиқәа рыдагьы, Иакутиа, Брест, Белгород, Маиҟәаԥ ақалақьқәа рҟынтәи аҟазацәагьы.

Хымш ирылагӡаны ажьицәа аиха дырҭәалоит, дамасктәии амоизака иаҩызоуи аџыр ҟарҵалоит, аԥсуа ҳәызбақәа, аҿыбџьар, ахҿақәа. Урҭ зегьы реиҳарак излырхуа Бырзышьха иҵхны илбааргаз 300 килограмм иҟоу аихамаден ауп.

Амаден аихамаҭәа алырхырц азы идыргылеит аихаӡырҭақәа ҩба, 1200 градус рҟынӡа ашоура ҭарҵоит.
Аҟазацәа рус арманшәаларазы ишьақәдыргылеит афрынақәа жәаба рҟынӡа, урҭ рахьтә ҩба уаанӡа ҳабацәа ишыҟарҵалоз еиԥш ахәы зқәу ацәала аҳауа ҭадыршәшәоит. Егьырҭ рҿы амца агаз ала ма афымцала аҳауа ҭадыршәшәоит.

Афестиваль аҟны зегь реиҳа азҿлымҳара зырҭаз аԥсуа ҳәызба акәхеит. Аҟазауаа шьоукы ргәы иҭоуп арҭ хымш рыҩнуҵҟа ҩба-ҩба, иара инеиҳангьы абџьарҿқәеи, иара убас итрадициатәу аԥсуа хҿақәеи рыҟаҵара.

Афестиваль аҟынтәи афотосахьақәа шәрыхәаԥшыр ҟалоит абра>>

10