Рамзан Кадыров

Кадыров Чечентәылеи Ингәыштәылеи рыбжьара аҳәаазы аиқәшаҳаҭра ахҳәаа аиҭеит

13
(ирҿыцуп 10:57 17.10.2018)
Цәыббра 26 рзы Иунус-Бек Евкурови Рамзан Кадырови рнапы зҵарҩыз Чечентәылеи Ингәыштәылеи рҳәаазы Аиқәшаҳаҭра азинмчра аиуит аҩашазы. Аиқәшаҳаҭра иазыԥхьагәанаҭоит еишьашәалоу аҵакырадгьылқәа реиҭныԥсахлара. Чечентәылеи Ингәыштәылеи Рпарламентқәа аиқәшаҳаҭра шьақәдырӷәӷәеит.

АҞӘА, жьҭаара 17 — Sputnik. Чечнтәыла ахада Рамзан Кадыров аҩ-тәылак рыбжьара аҳәаа ашьақәыргылара инамаданы аҭагылазаашьа аруадаҩра зынӡаск иҟалаӡом ҳәа азиԥхьаӡоит. Уи иаанаго аиашьаратә жәларқәа рыбжьара ахҟа абжьаҵароуп ҳәа иҳәоит Кадыров. Абри атәы аанацҳауеит РИА Новости.

Чечентәылеи Ингуштәылеи Рпарламентқәа аиқәшаҳаҭра шьақәдырӷәӷәеит. Уаанӡа Ингуштәыла Аконституциатә ӡбарҭаҿы аҳәамҭа ҟарҵахьан Чечентәылеи Ингуштәылеи рҳәаазы Аиқәшаҳаҭра азинмчра аиур алшоит арегионалтә референдум анымҩаԥгахалак ашьҭахь ҳәа.

Ареспубликаҿы аҿагыларатә акциақәа рымҩаԥысра иаҿуп. Жьҭаара 8 аахыс Ингәыштәыла анапхгаратә мчрақәа Магас имҩаԥысуа амитинг рзин аманы имҩаԥысуеит.

"Иахьа, инарҭбаау ҳаилацәажәараҿы аиқәшаҳаҭра анагӡашьа ҳалацәажәон. Ҳара иаабоит абри атема рхы иархәаны аиашьаратә жәларқәа рыбжьара ахҟа абжьаҵара зҽазызшәо шыҟоу. Уи ҟалашьа змам усуп. Ачеченцәеи аингәышцәеи, џьоукы ирҭахы-ирҭахым, еишьцәоу ракәны ишыҟоу иаанхоит", — иҳәеи Кадыров асоциалтә ҳа "ВКонтакте" аҿы.

Уи адагьы Кадыров Евкуров ҭабуп ҳәа иеиҳәоит абри азҵаараҿы иааникылаз апозициазы. Кадыров иазгәеиҭеит аҳәаа ажәларқәа рыбжьара акәымкәа асубиектқәа ҩба рыбжьара шакәу ишымҩаԥгоу.

"Дарбанызаалак Ингәыштәыла атәылауаҩ Чечентәыла данааи, иҩны дыҟоушәа ибозароуп. Агәра згоит ҳгәыларатә республикаҿгьы абасеиԥшҵәҟьа агәаанагара шрымоу", — иҳәоит иара.

Кадыров дазааҭгылеит аилацәажәараҿы ишазхьаԥшыз аҳәаа иахьаԥну автомабилтә мҩақәа реиҭашьақәыргылареи рыҟаҵареи азҵаара.

Уаанӡа, жьҭаара 17 рзы Магас, Иунус-Бек Евкуров инапхгарала имҩаԥган Чечентәылеи Ингәыштәылеи рыбжьара аҳәаа азҵаарақәа ирызкыз акомиссиа аилатәара. Арегион ахада ипресс-маҵзураҿы иазгәарҭеит аилатәараҿ ишалацәажәахо анормативтә актқәа аус рыдулареи ахрархәареи рызҵаарақәа.

13

Аахыҵ Уаԥстәыла COVID-19 зыхьыз рхыԥхьаӡара 76-ҩык рҟынӡа инаӡеит

20
(ирҿыцуп 14:50 13.06.2020)
Аахыҵ Уаԥстәыла акоронавирус аҟынтәи ҩынҩажәаҩык рҽырхәышәтәхьеит. Ареспубликатә медцентр аҿкы чымазарақәа рыҟәшаҿы асабша, рашәара 13 рзы COVID-19 рыхьны ишьҭоуп 36-ҩык апациентцәа.

АҞӘА, рашәара 13 - Sputnik. Апандемиа рыларҳәеижьҭеи Аахыҵ Уаԥстәыла COVID-19 зыхьыз рхыԥхьаӡара 76-ҩык ыҟоуп, даҽа ԥшьҩык акоронавирус шрыхьыз шьақәырӷәӷәан иҳаҩсыз уахыки-ҽнаки рзы, абри атәы аанацҳауеит Sputnik Аахыҵ Уаԥстәыла.

Аинфекциа зыҟны ҿыц иаарԥшыз Аахыҵ Уаԥстәылаҟа Урыстәылантәи ихынҳәыз арратә ҵараиурҭақәа ркурсантцәа роуп.

"Иҳаҩсыз уахыки-ҽнаки рыла даҽа ԥшь-коронавирус хҭыск аарԥшын. Ахәышәтәырҭаҟынтәи илырҩаазгьы ԥшьҩык ыҟоуп. Иахьатәи аамҭазы Ареспубликатә медцентр аҿы ишьҭоуп 36-ҩык ачымазцәа", - лҳәоит Аахыҵ Уаԥстәыла ахархәаратә хылаԥшра ахаҭарнак Анна Гаглоева.

Зынӡа лаҵара 6 рзы раԥхьатәи ачымазцәа анцәырҵ инаркны атәыла ахәышәтәырҭақәа рҟынтәи илырҩаахьеит акоронавирус ззышьақәырӷәӷәаз 40-ҩык ауааԥсыра.

Аҳақьымцәа рхылаԥшра аҵаҟа иҟоуп 252-ҩык - урҭ зегьы ахәышәтәырҭақәеи асасааирҭа "Алани" рҟны акарантин иахысуеит.

Апандемиа рыларҳәеижьҭеи Аԥсны COVID-19 рыхьхьеит 37-ҩык. Иацы Аԥсны ахада Аслан Бжьаниа аԥсуа-аурыс ҳәаа аҳәаанырцә тәылауаа рахысразы аԥкрақәа рыҿҳәара ԥхынгәы 1 аҟынӡа ацҵаразы аусԥҟа инапы аҵаиҩит, атәыла аҩнуҵҟа акәзар, ԥкрақәак аԥыхуп рашәара 15 инаркны.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

 

20
Атемақәа:
Ачымазара ҿкы – акоронавирус Аԥсни адунеи аҿи: иалкаау

Аахыҵ Уаԥстәыла АШәЕ Қырҭтәыла абиолабораториа Лугара ахықәкқәа еилыркааит

18
(ирҿыцуп 00:27 10.06.2020)
Аахыҵ Уаԥстәыла Аҳәынҭқарратә шәарҭадаратә еилакы атәылауаа рахь ааԥхьара ҟанаҵоит ареспублика аҳәаақәа еилазгои Аахыҵ Уаԥстәыла асанитар-епидемиологиатә ҭагылазаашьа зеиԥшроу иазҵаауа Қырҭтәыла инхо рыуацәеи рыҽрымарымдаларц.

АҞӘА, рашәара 10 - Sputnik. Аахыҵ Уаԥстәыла Аҳәынҭқарратә шәарҭадаратә еилакы "Апатриотизм злоу Қырҭтәыла аграждантә уаажәларреи Қырҭтәыла НПО-еиҿкаарақәа рактивистцәеи" рҟынтәи ироуа адыррақәа шьаҭас иҟаҵаны адырра ҟанаҵоит Қырҭтәыла иҟоу абиолабораториа Лугара аҿы аус шадыруло абиологиатә бџьар ҳәа аанацҳауеит Sputnik Аахыҵ Уаԥстәыла.

Аилак апресс-маҵзура ишаанацҳауа ала, абри аиԥш аус Қырҭтәыла анапхгара рҿаԥхьа иқәдыргылеит Қырҭтәыла иҟоу ар рмедицина-ҭҵаарадырратә ҟәшаҟынтәи америкатәи акураторцәа.

Уи адагьы, Аахыҵ Уаԥстәыла Аҳәынҭқарратә шәарҭадаратә еилакы адыррақәа рыла, алабораториа Лугара аҿаԥхьа дҵаны иқәыргылоуп "ареспубликаҿы асанитар-епидемиологиатә ҭагылазаашьа аҭҵаара, Аахыҵ Уаԥстәыла аҿкы чымазарақәа рыҟазааразы аинформациа, ареспублика иахьаҵанакуа авирусқәеи абактериақәеи рзы адыррақәа реизгара". Аахыҵ Уаԥстәыла Аҳәынҭқарратә шәарҭадаратә еилакы адыррақәа рыла, иара убасгьы иҟоуп анапынҵа "аԥстәқәа рықәӡаара иазырхоу адиверсиатә операциақәа рымҩаԥгара, иԥсабаратәымкәа аепизоотиа аԥҵара, арегион аҿы ақыҭанхамҩа "алабораториа Лугара" иҭрыжьуа авакцинақәа ирхьыԥшхартә аҟаҵара".

Аахыҵ Уаԥстәыла Аҳәынҭқарратә шәарҭадаратә еилакы ааԥхьара ҟанаҵоит ианаамҭоу Қырҭтәыла ауааԥсыра рганахьынтә ареспублика абиологиатә шәарҭадаразы аинформациа аинтерес зкуа рзы адыррақәа ҟарҵаларц, рбиоматериал агара иадҳәалоу амедицинатә проектқәа Аахыҵ Уаԥстәыла ауааԥсыра ралагалара атәы азы акыр рдыруазар, иахьахәҭоу еиҭарҳәаларц.

Уаанӡа Урыстәыла Адәныҟатәи аусқәа рминистрра аҳәамҭа ҟанаҵахьан "Лугара ихьӡ зху ауаажәларратә гәабзиарахьчара Аҭҵаарадырратә центр аҿы аҳәаанырцә ҳәынҭқаррақәа рырра-биологиатә усура азҵаара рацәа цәырнагоит" ҳәа.

Урыстәыла Адәныҟатәи аусқәа рминистрра иазгәанаҭон ЕАА Ртәылахьчара аминистрреи аффилиациа зызуу аструктурақәеи алабораториа аҭҵаарақәа аԥаразоужьра рнаҭоит ҳәа.

Урыстәыла Адәныҟатәи аусқәа рминистрраҿ иара убасгьы иазгәарҭеит алабораториа аусура азҵаара рацәа цәырнагоит абиологиатә бџьар ахархәаразы азин аҟамҵаразы Аконвенциа аҳәаақәа ирҭагӡаны ЕАА ауалԥшьақәа ирықәныҟәо ирықәымныҟәо ҳәа.

"Абри абиообиект аҟны аҿкы чымазарақәа цәырызго ахычԥаԥыр, амаҵақәа рхархәарала аҭҵаарқәа мҩаԥысуеит", - рҳәеит Урыстәыла ААР аҟны.

Иара убас шәаԥхьар ҟалоит:

18
Кран

Нанҳәа 12 аҽны Аҟәа ахәҭак ӡыда иаанхоит

2
(ирҿыцуп 20:24 11.08.2020)
АУН "Аӡыканал" аремонттә усурақәа мҩаԥнагараны иҟоуп Аҟәа, Арӡынбеи Ажәанбеи рымҩақәа рҟны, нанҳәа 12 аҽны.

АҞӘА, нанҳәа 11 - Sputnik. Нанҳәа 12, ахашаҽны асааҭ 00:00 инаркны 22:00 сааҭ рҟынӡа Аҟәа ахәҭак  ӡыда иаанхоит, ҳәа аанацҳауеит АУН "Аӡыканал".

Аӡы ҟалаӡом:

  • Ажәытә ҳабла
  • Колос
  • авокзал
  • ақалақь агәы
  • ВИЕМ
  • Адыгеиаа рымҩа

Уаанӡа АУН "Аӡыканал" аҟны Sputnik ишазеиҭарҳәахьоу ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа.

Иара убас шәаԥхьар ҟалоит:

2