Аԥсны иҟоу аерманцәа руаԥшь Ашьха Ҟарабах ацхыраара арҭоит

21
(ирҿыцуп 17:34 30.09.2020)
Ермантәылеи Азербаиџьани Ашьха Ҟарабах еимакны реиҿагылара аҽеибанарххеит цәыббра 27 рзы.

АҞӘА, цәыббра 30 - Sputnik, Асмаҭ Ҵәыџьԥҳа. Аԥсны иҟоу аерманцәа руаԥшь Ашьха Ҟарабах афинанстә цхыраара арҭоит ҳәа Sputnik акорреспондент илеиҳәеит ауаԥшь анапхгаҩы Галуст Трапизониан.

Иара иажәақәа рыла, Аԥсны имҩаԥысраны иҟоуп ареспублика араионқәа руаԥшьқәа рхаҭарнакцәа реиқәшәара.

"Арцах (Ашьха-Ҟарабахтәи Ареспублика - аред.) хатәгәаԥхарала аибашьцәа рҭахны иҟаӡам, дара еизхоит. Аматериалтә цхыраара, ҳәарада, ирҭахуп. Ҳашьцәа аматериалтә цхыраара рыҭара ҳара зегьы иаҳуалԥшьоу акоуп", - иҳәеит иара.

Ашьха Ҟарабах еиҭахгьы бџьаршьҭыхрала еиҿагылеит ииасыз амчыбжь азы. Бақәеи Еревани дара-дара ахара рыдибаҵоит. Аибашьратә ҭагылазаашьеи амобилизациеи рыларҳәеит Ермантәыла. Бақәа акәзар, амобилизациа ахәҭакахьала ирылаҳәоуп, акоменданттә сааҭ аус ауеит.

Аганқәа рыҩбагьы рдыррақәа рыла, аԥсыҭбарақәа ыҟоуп аруаа рганахь аиԥш аҭынчуааԥсыра рганахь алагьы, аха макьаназы заҟаҩ ыҟаҵәҟьоу шьақәыргылам. Ермантәылеи Азербаиџьани дасу ринформациақәа хаз-хазуп.

Иара убас шәаԥхьар ҟалоит:

21

Аахыҵ Уаԥстәыла ахада акоронавирус идырбалеит

15
(ирҿыцуп 12:30 17.10.2020)
Аепидемиа иалагеижьҭеи Аахыҵ Уаԥстәыла акоронавирус здырбалахьоу 227-ҩык ыҟоуп, урҭ рахьтә 137-ҩык аарԥшын Урыстәылеи Аахыҵ Уаԥстәылеи рҳәаа цәыббра 15 рзы ианаадырт ашьҭахь.

АҞӘА, жьҭаара 17 - Sputnik. Аахыҵ Уаԥстәыла ахада Анатоли Бибилов акоронавирус ицәа ишалаз аадырԥшит ҳәа аанацҳауеит Sputnik Аахыҵ Уаԥстәыла.

Аҵыхәтәан изыҟарҵаз атест COVID-19 ихьны дшыҟоу шьақәнарӷәӷәеит.

Бибилов ачымазара марианы ихигоит, инапынҵақәагьы аҩнынтәи инаигӡоит.

Аепидемиа иалагеижьҭеи Аахыҵ Уаԥстәыла акоронавирус здырбалахьоу 227-ҩык ыҟоуп, урҭ рахьтә 137-ҩык аарԥшын Урыстәылеи Аахыҵ Уаԥстәылеи рҳәаа цәыббра 15 рзы ианаадырт ашьҭахь.

Акоронавирус иадҳәалоу ажәабжьқәа шәрыԥхьар ҟалоит абра>>

15

Нхыҵ Кавказ 19 теракт аԥырҟәҟәаауп 2019 шықәса иалагазар

6
Урыстәыла Амилаҭтә антитеррористтә еилакы аилатәара мҩаԥган Москва, ФСБ адиректор Александр Бортников инапхгарала.

АҞӘА, жьҭаара 13 - Sputnik. Ииасыз ашықәсаахыс Нхыҵ Кавказ 60-ҩык атеррористцәа ҭархан, 19 теракт аԥырҟәҟәаан ҳәа аҳәоит Урыстәыла Амилаҭтә антитеррористтә еилакы Урыстәыла Амилаҭтә антитеррористтә еилакы адырраҭараҿы ҳәа аанацҳауеит РИА Новости.

Аҩаша, жьҭаара 13 рзы Урыстәыла Амилаҭтә антитеррористтә еилакы аилатәара мҩаԥган Москва, ФСБ адиректор Александр Бортников инапхгарала. Аилатәараҿы иахәаԥшын Нхыҵ Кавказтәи афедералтә округ асубиектқәа рҿы атерроризм аидеологиа аҿагылараз акомплекстә план анагӡашьа.

"Бортников аилатәара алахәылацәа адырра риҭеит 2019 шықәса раахыс Нхыҵ Кавказ атеррористтә хырхарҭа змаз 36 цәгьоура шаԥырҟәҟәааз, 19 теракт абрахь иналаҵаны, ишҭархаз 60-ҩык атеррористцәа, ишаанкылаз 144 цәгьауҩы, 220-ҩык урҭ рыцхырааҩцәа", - ҳәа аҳәоит адырраҭараҿы.

6

Аԥсны 134-ҩык акоронавирус рыдырбалеит, аӡәы лыԥсҭазаара далҵит

8
(ирҿыцуп 19:13 22.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3306-ҩык ыҟоуп. Урҭ рахьтә ргәы бзиахеит 1289-ҩык, рыԥсҭазаара иалҵит 33-ҩык.

АҞӘА, жьҭаара 22- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 445-ҩык ирзыҟаҵан, урҭ рахьтә 134-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 21 рзы Гәдоуҭатәи агоспиталь аҿы лыԥсҭазаара далҵит 61 шықәса зхыҵуаз акоронавирус адиагноз ззышьақәырӷәӷәаз апациент, лара аҿкчымазаратә ҟәша дҭашәеит жьҭаара 18 рзы. Иақәнагаз атерапиа шизымҩаԥыргозгьы лдунеи лыԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 148-ҩык апациентцәа, урҭ рахьтә 123-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 27-ҩык, ибжьаратәуп - 62-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало 21-ҩык апациентцәа. 20-ҩык рҭагылазаашьа бжьаратәуп ҳәа иԥхьаӡоуп, аӡәы-иҭагылазаашьа бааԥсуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

8
Атемақәа:
Ачымазара ҿкы – акоронавирус Аԥсни адунеи аҿи: иалкаау