Бџьарла аԥышәара: Аԥснытәи акоманда "Ельбрустәи амацәаз" аетап ҿыц иалахәхоит

14
(ирҿыцуп 12:40 25.08.2021)
Имҩаԥгаз аҵәҭаԥсара инақәыршәаны, аԥснытәи арратә альпинистцәа жәларбжьаратәи аицлабраҿы аԥшьбатәиқәа ракәны иқәгылоит "Ельбрустәи амацәаз" аҟны иреиӷьу арҟәша ҳәа ахьӡ рҽаԥсартәырц.

АҞӘА, нанҳәа 25 - Sputnik. Аԥсны, Урыстәыла, Китаи, Пакистан, Ҟазахстан, Узбекистан, Индиа рыруаа еицлаблоит аусдҵа ҷыда "Агәыԥ иалахәны ахысра" анагӡараан "Ельбрустәи амацәаз" аҟны иреиӷьу арҟәша ҳәа ахьӡ рҽаԥсартәырц. Абри атәы аанацҳауеит Аладатәи арратә округ апресс-маҵзура.

Аицлабраан ари аштатә бџьар ахьаҭаху иакзаҵәыку ԥышәароуп.

Алахәылацәа: ахысцәа, апулимиотчикцәа, аснаиперцәа 250 метра рҟынӡа инахараны рхысрала 36 цәҟьара ирықәдыршәароуп.

Аицлабра актәи аетап иаҵанакуа аусдҵа ҷыдақәа: "Иԥсабаратәым арелеф аҿы аӡәаӡәалатә ҳәазаратә хысра", "Ашьхараҿы ахырхарҭаԥшаара", "Аицраҳәақәа рыла акыдлара", "Агәыԥ иалахәны ахысра", абарҭ зегьы реихшьаалақәа рыла  абжьаратә етап аҿы иаиааиз далыркаауеит.

Акоманда-лахәылацәа рырҟәшақәа хаҭахаҭалатәи  ашьхахалара мҩаԥыргахьеит.

Иара убасгьы 15 метра зыҳаракыра ыҟоу иԥсабаратәым ацаҟьа релеф иаҿысхьеит.

Аицлабраҿы аррамаҵзурауаа рхымҩаԥгашьа ахәшьарала иазыԥхьагәарҭеит ахәшьара автоматикатә система.

  • Высокогорные подразделения соревновались в индивидуальном лазании на «Эльбрусском кольце» в Кабардино-Балкарии
    © Foto / пресс-служба ЮВО
  • Высокогорные подразделения соревновались в индивидуальном лазании на «Эльбрусском кольце» в Кабардино-Балкарии
    © Foto / пресс-служба ЮВО
  • Высокогорные подразделения соревновались в индивидуальном лазании на «Эльбрусском кольце» в Кабардино-Балкарии
    © Foto / пресс-служба ЮВО
  • Высокогорные подразделения выполнят единственную с боевой стрельбой специальную задачу конкурса «Эльбрусского кольца»
    © Foto / пресс-служба ЮВО
  • Высокогорные подразделения выполнят единственную с боевой стрельбой специальную задачу конкурса «Эльбрусского кольца»
    © Foto / пресс-служба ЮВО
1 / 5
© Foto / пресс-служба ЮВО
Высокогорные подразделения соревновались в индивидуальном лазании на «Эльбрусском кольце» в Кабардино-Балкарии

Аицлабрақәа рыӡбаҩ аполковник Александр Иаковенко иажәақәа рыла, уаанӡатәи ашықәсқәа ирҿырԥшны иугозар, акомандақәа разыҟаҵара акыр иҳаракуп, ашьхахаларатә ҟәшақәа жәларбжьаратәи акласс иатәу арбагақәа инарыдҩыло арбагақәа аадырԥшуеит.

"Раԥхьаӡакәны иқәгылоит Аԥсни Пакистани ркомандақәа. Даара ибзианы рхы аадырԥшит. Зынӡа 14 етап азыԥхьагәаҭоуп, акомандақәа ирымоуп алшара ибзианы рхы аарԥшны иахәҭоу абаллқәа роуразы", - иҳәеит Иаковенко.

Аицлабра "Ельбрустәи амацәаз" иалахәхоит 90-ҩык рҟынӡа арратә альпинистцәа жә-командакны рҽеихшаны: Урыстәыла, Китаи, Пакистан, Ҟазахстан, Ермантәыла, Аԥсны, Аахыҵ Уаԥстәыла, Узбекистан, Индиа рҟынтәи.

14
Колючая проволока

Аахыҵ Уаԥстәыла аҳәамҭа ҟарҵеит Қырҭтәыла аҳәааҿы апровокациақәа шымҩаԥнаго

17
Аахыҵ Уаԥстәыла ауааԥсыра рахь ааԥхьара ҟарҵоит ишьақәыргылоу аҳәаатә режим иқәныҟәаларц, уи еиларымгаларц.

АҞӘА, цәыббра 7 - Sputnik. Қырҭтәыла анапхгара аҳәаа иаԥну аганқәа рыҩбагьы ртәылауаа  аҵәы рыҵарҵоит аҳәаа закәаншьаҭада ахысразы, акоронавирустә инфекциа алаҵәара ашәарҭарагьы агәхьаа мкыкәа, ареспублика асуверинитет азхамҵара аполитика аларҵәо ҳәа аҳәамҭа ҟарҵеит Аахыҵ Уаԥстәыла Ашәарҭадаратә еилак аҿы. Абри атәы аанацҳауеит Sputnik Аахыҵ Уаԥстәыла.

Аҳәамҭа ҟаҵоуп Аахыҵ Уаԥстәыла ақыҭа Уиста (Цнелис) аҳәаа иахьаԥну аҭыԥ аҿы иҟоу аҭагылазаашьа инадҳәаланы. Ара ҩышықәса раԥхьа ақырҭуа мчрақәа закәаншьаҭада аблокпост аргылара иалагеит. Амаҵзура ҷыдақәа ари Қарҭ агрессиатә ҭахрақәа ирыдҳәаланы иашьеит.  Ареспублика анапхгара изныкымкәа Қырҭтәыла амчрақәа рахь ааԥхьара ҟарҵахьан абџьар змоу арҟәшақәа аҳәаа иаԥырыргарц, аблокпост ықәыргарцгьы.  

Аахыҵ Уаԥстәыла АШәЕ аҿы иазгәарҭеит аимак аҭышәныртәалара апроцесс иҵоуроу адинамика  ахьамам азы аҳәаахысырҭатә ҭыԥқәа  русура ааныркылар шакәхаз.

"Ареспублика аиҳабыра ирыдыркылаз аӡбраҿы напхгаганы ирыман  раԥхьа иргыланы атәылауаа ршәарҭадара аинтерес. Аха  аҳәынҭқарратә ҳәаа ахысразы аԥкырақәа ирыхьмырԥшыкәа, агуманитартә знеишьа аарԥшуа ҷыдала, хаҭа-хаҭала ахаҿқәа  рзы аӡбрақәа рыдыркылалоит урҭ ахаҿқәа Қырҭтәылаҟа имцар амуазар ма Аахыҵ Уаԥстәылаҟа Қырҭтәылантәи рыхынҳәраан. Убри аан азҵаара ҵоураны аӡбаразы Аахыҵ Уаԥстәыла ауааԥсыра ашәарҭара иҭамгылозароуп", - ҳәа аҳәоит АШәЕ адырраҭара.

Аусбарҭаҿы иазырыԥхьаӡоит аҳәынҭқарратә ҳәаа ахысра аԥкразы арҭ ауснагӡатәқәа COVID-19 аҟынтәи ацәыхьчаратә ҟазшьагьы шрымоу.

17

"Ельбрустәи амацәаз" аетапқәа руак аҿы Аԥснытәи акоманда "ахә" дымҩаныргеит

4
(ирҿыцуп 18:14 02.09.2021)
Аиндаҭлара алахәылацәа «Ельбрустәи амацәаз» амаршрут ала иицлабра «Ааха зауыз имҩангара» аҩбатәи аетап афиналтә дҵа ҷыда нарыгӡеит.

АҞӘА, цәыббра 2 - Sputnik. Аԥснытәи акоманда аҽа амаршруткгьы иахысны "ааха зауыз" дымҩаныргеит ҳәа аанацҳауеит ААО апресс-маҵзура.

Ҟабарда-Балкариатәи ареспубликаҿ жәамшуп Урыстәыла, Китаи, Пакистан, Ҟазахстан, Аԥсны, Узбекистан, Индиа рҟынтәи альпинистцәа рҽеибыҭаны ашьхахыҵырҭа Хотиутау (3549 метра) – анаҟәоу Азау Ду (3334 метра) – аҵаарк ӡиа (3264 метра) – анаҟәоу Азау Хәыҷы – Терскол (2462 метра) амаршрут ала ҽынлатәи аныҟәара мҩаԥыргоижьҭеи.

30 градус еиҵамкәа зынаара ыҟоу аҿҟьарақәа руак аҿы альпинисттә хархәагақәа рыцхыраарала акомандақәа алахәылацәа руаӡәк ҩ-километрак рҟынӡа имҩангара аздырхиеит.

Аицлабра "Ельбрустәи амацәаз" иалахәхоит 90-ҩык рҟынӡа арратә альпинистцәа жә-командакны рҽеихшаны: Урыстәыла, Китаи, Пакистан, Ҟазахстан, Ермантәыла, Аԥсны, Аахыҵ Уаԥстәыла, Узбекистан, Индиа рҟынтәи.

Ермантәылеи Аахыҵ Уаԥстәылеи рыррамаҵзурауаа азшьақәа рынҭыҵтәи адҵа ҷыдақәа нарыгӡоит.

4
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13