Сергей Цвижба

Ҳазлацәажәаша ҳамоуп: Ҵәыџьба акарантин аамҭаз иаԥҵаз иусумҭақәа ирызкны

14
Аонлаин-цәыргақәҵа "Аиҟәгара – аҟазара" алахәыла Сергеи Ҵәыџьба аԥкрақәа асахьаҭыхҩы ишизеиӷьу, насгьы баша аамҭа зго ҳәа дызхәаԥшуа атәы еиҭеиҳәеит арадио Sputnik аефир аҟны.
Ҳазлацәажәаша ҳамоуп: Ҵәыџь акарантин аамҭаз иаԥҵаз иусумҭақәа ирызкны

"Аиҟәгара – аҟазара" ахьӡуп аинформациатә маҵзура Sputnik, Аԥсны асахьаҭыхыҩцәа реидгылеи, асахьаҭыхратә цәыргақәҵатә зал хадеи еицны еиҿыркааз онлаин-цәыргақәҵа. Уи шәахәаԥшыр шәылшоит Sputnik асаит аҿы.

"Ауаа ԥхьатәартә еиԥш аҭагылазаашьа иҟалаз, аиашазы, сара сзы, шамахамзар, акгьы амԥсахӡеит. Асахьаҭыхҩы зхы аус адызуло, дзаҵәуп. Аԥхьатәара хәыҷык ауаҩы ицхраауеит, избанзар, аԥсҭазааратә цәахацәыфара ирацәаны ауаҩы дҿазҳәо, ицрыхо рацәоуп, абраҟа урҭ маҷхеит, ихы-иԥсы дазынхеит иаҳа ауаҩы. Асахьаҭыхыҩ иус дахызго иаҳа имаҷхеит. Убри аҟнытә арҿиара аус иаҳа аус адиулартә аҭагылазаашьа ҟанаҵоит", - ҳәа еиҭеиҳәеит Ҵәыџь.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

14

Ҳазлацәажәаша ҳамоуп: Аҳәба исахьаркны аԥхьаразы онлаин-конкурс иазкны

279
(ирҿыцуп 12:33 08.09.2021)
Аԥсны ашәҟәыҩҩцәа реидгыла имҩаԥнагоз исахьаркны аԥхьаразы онлаин-конкурс аихшьаалақәа рыла 1-тәи аҩаӡара адиплом зҽаԥсазтәыз Ҷлоутәи абжьаратә школ 10-тәи аклас аҵаҩы Алан Аҳәба арадио Sputnik аефир аҿы еиҭеиҳәеит аицлабра иалахәхара шыҟалаз атәы.
Ҳазлацәажәаша ҳамоуп: Аҳәба исахьаркны аԥхьаразы онлаин-конкурс иазкны

Аԥсны ашәҟәыҩҩцәа реидгыла ажиури иҟанаҵеит аҿар рыбжьара исахьаркны аԥхьаразы онлаин-конкурс аихшьаалақәа. Уи азкын аԥсуа шәҟәыҩҩы Иван Ҭарба 100-шықәса ихыҵра.

"Аицлабра аихшьаалақәа даара сырзыԥшын. Сақәгәыӷӡомызт аиааира згоит ҳәа. Ҳашкол адиректор исабжьалгеит аицлабра аҽалархәра. Ажәеинраала алысхит схала, исгәаԥхоз, уи Иван Ҭарба "Изнышәынҭрада" акәхеит", - ҳәа еиҭеиҳәеит Аҳәба.

Алан Аҳәба арадиоефир аҿы иҳәеит иаԥхьаҟа дзиндырыҩхарц шиҭаху, уи азаанаҭ ала иҽазыҟаиҵоит. Алан ашкол аҿы аҵара бзиан иҵоит. Амаҭәарқәа зегьы рҿы хәбақәа имоуп. Иҳәоит, уи иуадаҩуп ҳәа, аха уҽазукыр, иуҭаххар изуҟамҵо ҳәа акгьы шыҟам.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

279

Ҳазлацәажәаша ҳамоуп: Арсалиаԥҳа "Аиҟәгара-аҟазара" апроект иазкны

18
(ирҿыцуп 10:22 03.09.2021)
"Аиҟәгара-аҟазара" онлаин-цәыргақәҵа аатит иацы. Уи акуратор Ельвира Арсалиаԥҳа арадио Sputnik аефир аҿы еиҭалҳәеит, еиднакылозеи ари ацәыргақәҵа, зусумҭақәа цәыргахода, иарбан платформоу иахьрыдгалахо ахәаԥшцәа.
Ҳазлацәажәаша ҳамоуп: Арсалиаԥҳа "Аиҟәгара-аҟазара" апроект иазкны

"Аиҟәгара ҟамлароуп асахьаҭыхҩи иара ицәыргақәҵа збар зҭаху ауаҩи рыбжьара. Онлаин ацәыргақәҵа ахаҭеиԥш азнеишьа амамзаргьы, иахьатәи ҳаамҭаз иханарҭәаауеит иҟоу аҭагылазаашьа. Асахьаҭыхыҩ ихала дыҟоуп, аус иуеит рҳәоит, аха уи аҿиара процесск ауп, уи ашьҭахь иҟоуп ацәыргақәҵатә ԥсҭазааара. Иара иусумҭақәа ӡырымгазар, аҟазаратә процесс ибжамҽамны иҟалоит. Ҳаргьы ҳҽақәҳаршәеит аамҭа. Уи иацу абзиарақәагьы ыҟоуп. Иаҳҳәап, иҽалаирхәит Москва инхо еицырдыруа ҳсахьаҭыхыҩ Константин Инал-иԥа. Сара сазыԥшуп ауаа ргәаанагара, ирызцәырнагаз ахәыцрақәа рыҩырц сҭахуп", - ҳәа азгәалҭеит Арсалиаԥҳа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

18
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13