Абхазский государственный драматический театр им. Самсона Чанба

Аԥсуа драматә театр аҿы ақәыргыламҭа ҿыц иазыԥшуп

11
Аҵыхәтәантәи 34 шықәса рыҩныҵҟа раԥхьаӡа акәны Аԥсныҟа иаараны иҟоуп Адыгатәи Амилаҭтә театр.

АҞӘА, ԥхынгәы 4– Sputnik. Аҵыхәтәантәи 34 шықәса рыҩныҵҟа раԥхьаӡа акәны, гастроль ҳасабла Аԥсныҟа иаараны иҟоуп Адыгатәи Амилаҭтә театр. Атеатр апрограмма шьақәгылоуп аспектакльқәа хԥеи апроект ҷыдеи рыла.

Адыгатәи атеатр арежиссиор хада Касеи Хачегогу Аԥсныҟа иааигоит аспектакльқәа: "Кабала святош", "Слуга двух господ", "Только вперед" (ахәыҷқәа рзы алакә), атеатр апроект ҷыда "Кавказский меловой круг".

Апроект инақәыршәаны аԥснытәии адыгаатәи труппақәа дасу рхатәы бызшәала иқәгылоит, сценақәак зынӡа аԥсышәала иқәыргылахоит.

"Апроект иҿыцу усуп, аха аҵакы амоуп. Ҳтәылақәа ракзааразы иара аполитикатә ҵакы шамоу еиԥш ауаажәларратә ҵакгьы аманы иҟоуп" ҳәа лҳәеит атеатр алитературатә ҟәша аиҳабы Нафисет Куижева.

Аҵыхәтәантәи 34 шықәса рыҩныҵҟа раԥхьаӡа акәны Аԥсныҟа иаараны иҟоуп Адыгатәи Амилаҭтә театр. Агастрольқәа мҩаԥысуеит цәыббрамзазы Аҟәа, Аиааира 25-шықәса ахыҵра аламҭалазы.

11