РУСДРАМ аспектакль "Ҳаџьы-Мураҭ" дырбахоит урыстәылатәи аинформациатә ресурсқәа рҿы

16
(ирҿыцуп 11:45 15.05.2020)
Аспектакль "Ҳаџьы-Мураҭ" алкаауп урыстәылатәи аинформациатә ресурсқәа рҟны арбаразы, хаҭала ателеканал Культура асаит аҿи, Урыстәыла Акультура аминистрра асаит апроект "Большие гастроли" аҿи.

АҞӘА, лаҵара 15 - Sputnik. Искандер ихьӡ зху Аурыс драматә театр аспектакль "Ҳаџьы-Мураҭ" лаҵара 15 асааҭ 19:00 рзы идырбахоит урыстәылатәи аинформациатә ресурсқәа рҟны ҳәа Sputnik иазеиҭеиҳәеит адиректор хада Иракли Хынҭәба.

Иара иҳәеит апроект ахархәарала аспектакль "Ҳаџьы-Мураҭ" Урыстәылеиԥш егьырҭ аҳәынҭқаррақәа рҿгьы зықьҩыла ахәаԥшыҩцәа ирбап ҳәа дшеигәыӷуа.

"Ҳара аспектакль зхаҭабзиара ҳараку аверсиа азҳархиеит. Иара ҳ- YouTubе канал ала идҳарбахьеит. Уи аинтерес ду цәырнагеит. Абри ашьҭахь ауп акиноверсиа аинтерес аныркыз урыстәылатәи ҳколлегацәа", - ҳәа иҳәоит Хынҭәба.

Ари ахҭыс атеатри актиорцәеи рзы акраҵанакуеит, РУСДРАМ еиҳа-еиҳа Аԥсны аҳәаақәа ирҭысуеит иҳәеит Хынҭәба.

"Ҳара ҳҟазара ҳтәылаҿ мацара адагьы анҭыҵгьы ргәы аҳәо иҟалеит. Аҟазара ауаа еиднакылоит, аилибакааразы ацҳақәа хнаҵоит, ихәарҭоуп Аԥсны, ҳкультура ауаа рыларҵәаразы. Акультура ҳәаадоуп, ԥкыра амам. Ҳара иҟаҳҵо Аԥснеиԥш анҭыҵгьы ахәшьара амоуп. Ари ҳара ҳҽыззаҳшәоз хҭыс дууп", - ҳәа иҳәоит иара.

Аспектакль арежиссиор Адгәыр Ақаҩба акиноверсиа ҽынкыларыла дшахцәажәогьы "ишьахәзар ҟалап" ҳәа иҳәоит.

"Сара аспектакльқәа рвидеотранслиациа оумак саднахалом. Аспектакль уалахәны иубозароуп. Ателеверсиаҿ аспектакль иацәыӡуа рацәоуп. Аха зны-зынла аҽакалагьы иҟалалоит. Ари аҽа ҟазара хкуп, итеатрӡам", - ҳәа иԥхьаӡоит иара.

РУСДРАМ аспектакль "Ҳаџьы-Мураҭ" изныкымкәа жәларбжьаратәи аҩаӡарахь икылнагахьеит. Аспектакль алахәын: афестиваль "Толстой" –Иаснаиа Полиана, "Соотечественники" – Саранск.

Иахьазы Лев Толстои ирҿиамҭа иалхны иҟоу ари ақәыргыламҭа адунеитә театрқәа рҿы иддырбоны иҟоуп.

"Ҳара ҳасцена заҵәык аҿоуп Лев Николаи-иԥа Толстои ирҿиамҭа иалхны ари аспектакль ахьцо. Иара ҳаамҭа аиқәшәо иҟаҵоуп. Аспектакль ахәаԥшҩы дыхнахуеит, еиуеиԥшым ацәаныррақәа изцәырнагоит. Аспектакль угәаҟынтә иунаҭо аҭак анцәырнаго акраҵанакуеит. "Ҳаџьы-Мураҭ" уи зылшо спектакльуп", - иҳәоит Иракли Хынҭәба.

Искандер ихьӡ зху Аурыс драматә театр аспектакль "Ҳаџьы-Мураҭ" лаҵара 15 асааҭ 19:00 рзы идырбахоит абарҭ урыстәылатәи аинформациатә ресурсқәа рҟны: "Россия-Культура", "Большие гастроли", ТАСС, Google Russia, Kuda Go, Культура.РФ, Ревизор.ру, Мир 24.

Иара убас шәаԥхьар ҟалоит:

16

Атуристтә дәыӷба "Шәача" ашықәс иалагазар Аԥсныҟа ф-реиск ҟанаҵахьеит

9
(ирҿыцуп 17:01 21.01.2021)
Аретро-дәыӷба "Шәача" Аԥсныҟа иаауеит 2020 шықәса нанҳәамза аахыс. Ареисқәа ирыцнаҵеит аӡын аамҭазгьы.

АҞӘА, ажьырныҳәа 21 – Sputnik, Бадри Есиава. Атуристтә дәыӷба "Шәача" ашықәс иалагазар Аԥсныҟа ф-реиск ҟанаҵахьеит ҳәа Sputnik иазеиҭеиҳәеит АУН "Аԥснеихамҩа" апассаџьыртә маҵзура аиҳабы Емир Агрба.

"Ажьырныҳәа 13 раахыс адәыӷба Шәачантәи Гаграҟа иаауеит аҩашада егьырҭ амшқәа рзы. Иахьазы ф-реиск мҩаԥнагахьеит", - ҳәа иҳәеит Агрба.

РЖД асаит аҿы уаанӡа адырра ҟаҵан атуристтә маршрутқәа рырҿиаразы атуристтә дәыӷба "Шәача" иацраҳәоу авагонқәа №930/929 Роза Хутор – Адлер рныҟәара мшаԥымза нҵәаанӡа иацҵахоит ҳәа.

Ашьхашәҩатә кластер Роза Хутор атуристцәа ироуит алшара мышкы ахы-аҵыхәала Аԥсны аҭыԥ ԥшӡарақәа рбара ҳәа рҳәеит Афедералтә пассаџьыртә еилахәыраҿы.

Ажьырныҳәа 13 раахыс адәыӷба Шәачантәи Гаграҟа иаауеит аҩашада егьырҭ амшқәа рзы. Амҩаҿы Адлер, Весиолое, Цандрыԥшь астанциақәа рҿы иаангылоит. Адлер адәыӷба иацрарҳәалоит Роза Хутор – Адлер авагонқәа.

Аретро-дәыӷба "Шәача" Аԥсныҟа иаауеит 2020 шықәса нанҳәамза аахыс. Ареисқәа ирыцнаҵеит аӡын аамҭазгьы. Адәыӷба асовет аамҭа астилистика ала ишеиҿкааугьы, ҳаамҭа аҭахрақәа ирықәшәоит. Аресторан амениу шьақәгылоуп аурыси аԥсуеи чысхкқәа рассортимент ала.

Акоронавирустә пандемиа инадҳәаланы адәыӷбақәа зегьы асанитартә рзҩыдара иахрыжьуеит.

9

Арҿиаратә импульс: Аԥсны имҩаԥысраны иҟоуп аԥхьаҩцәеи ашәҟәыҩҩцәеи рзы онлаин еицлабра

19
(ирҿыцуп 14:27 21.01.2021)
Арҿиаратә еицлабра "Араӡны калам" иалахәхар рылшоит 12 шықәса зхыҵуа инадыркны изҭаххо зегьы. Аԥсышәалеи урысшәалеи аусумҭақәа ркьыԥхьуеит аицлабра Facebook, Instagram рҿтәи аофициалтә даҟьақәа рҿы.

АҞӘА, ажьырныҳәа 21 – Sputnik, Асмаҭ Ҵәыџьԥҳа. Аԥсны акультура аминистрреи Россотрудничествои, Очамчыра араион ахадара аҿари аспорти рыҟәшеи ирыдыркылоит арзаҳалқәа ареспубликатә онлаин еицлабра "Араӡны калам" алахәхаразы ҳәа Sputnik иазеиҭалҳәеит аицлабра аиҿкааратә еилакы ахаҭарнак Фаина Кондратьева.

"Аицлабра иахықәку аҿар алитература радԥхьалара, аҩра раларгара, апоезиа, апроза ҿырҳәала рырҵара ауп. Уажәы акарантин аамҭазы аиҳараҩык аҩны ианыҩнаха ари аҩыза аицлабра ауаа аинтерес ркуеит", - ҳәа лҳәеит лара.

Кондратьева лажәақәа рыла, аусумҭақәа рыдыркылоит еиуеиԥшым аноминациақәеи ажанрқәеи рыла.

Аханатә иазԥхьагәаҭан 12-35 шықәса ирыбжьанакуа рымацара ралархәра, аха нас иӡыбхеит 12 шықәса инаркны изҭаху зегьы алахәхарц.

"Аԥҟарақәа рыла арзаҳалқәа мшаԥы 1 аҟынӡа иҳадаҳкылоит, аха алахәылацәа рацәаҩхар, аҿҳәара ҳнахоит", - ҳәа азгәалҭеит Кондратьева.

Арҿиамҭатә текстқәеи аԥхьаратә видеоқәеи рынашьҭра ҟалоит аицлабра аԥошьҭахь: serpero@bk.ru. иаиааиз алыркаауеит ажиури алахәылацәа: Даур Начҟьебиа, Гунда Сақаниаԥҳа, Ричард Ҷкадуа, Дырмит Габалиа, Симона Спафопуло, Кьасоу Ҳагба.

"Zoom ала аиԥыларақәа мҩаԥаагахьеит лахәылацәақәаки ҳареи. Ажиури алахәылацәа абжьгарақәа ҟарҵоит. Ҳгәыӷуеит урҭ абжьгарақәа хра рыманы иҟалап ҳәа", - еиҭалҳәоит Кондратьева.

Ареспубликатә онлаин еицлабра "Араӡны калам" мҩаԥысуеит Аԥсны акультура аминистрреи Аԥсны иҟоу Россотрудничество ахаҭарнакреи, Очамчыра араион ахадара аҿари аспорти рыҟәшеи раԥшьгарала.

19

Атәылауаҩи аиҳабыреи: Џьопуа "Аԥсныбылтәы" 2020-тәи ашықәс азы аусура иазкны

0
(ирҿыцуп 15:18 23.01.2021)
Аҳәынҭқарратә наплакы "Аԥсныбылтәы" аиҳабы Рамаз Џьопуа арадио Sputnik аефир аҿы еиҭеиҳәеит 2020-тәи ашықәс ишҭысыз атәы.
Атәылауаҩи аиҳабыреи: Џьопуа "Аԥсныбылтәы" 2020-тәи ашықәс азы аусура иазкны

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

 

0