Анапеинҟьабжьқәа еихсыӷьуамызт: ансамбль "Кавказ" Аҟәа аконцерт мҩаԥнагеит

81
(ирҿыцуп 20:50 05.08.2020)
Нанҳәа 4 рзы Ражьден Гәымба ихьӡ зху Аԥснытәи аҳәынҭқарратә филармониаҟны имҩаԥысит Кандид Ҭарба ихьӡ зху жәлар рыкәашаратә ансамбль "Кавказ" аконцерт. Акарантин аамышьҭахь раԥхьатәи аконцерт шымҩасыз шәаԥхьа Sputnik аматериал аҟны.

Наала Гәымԥҳа, Sputnik

Кандид Ҭарба ихьӡ зху жәлар рыкәашара ансамбль "Кавказ" имҩаԥнагаз аконцерт ахь имҩахыҵит ахәаԥшцәа рацәаҩны. Еизаз зегьы азыԥшын аконцерт алагара, афилармониа иадеизаланы игылан хыԥхьаӡара рацәала ауаа. Аныҳәатә концерт амш машәыршақә иалхӡамызт, ансамбль "Кавказ" раԥхьаӡатәи арепетициа мҩаԥысит абри аҽны 26 шықәса раԥхьа: нанҳәа 4, 1994 шықәсазы.

Игәышьҭыхгоу аланарԥшыра: ансамбль "Кавказ" аконцерт шымҩаԥысыз>>

Аконцерт алагаанӡа ансамбль "Кавказ" асахьаркыратә напхгаҩы Арвелод Ҭарба иҳаиҳәеит иахьатәи амш ишазааиз, апандемиа амшала уадаҩрақәас изыниаз:

"Иахьатәи ҳапрограмма аамҭа кьаҿқ иалагӡаны иқәҳаргылаз ауп. Адунеи зегьы ианыԥшыз апандемиа ҳаргьы иаҳԥырхагахеит хымԥада. Аҽазыҟаҵарақәа аанкылан, ҳакәашаҩцәа арепетициахь ирыхон, ицәгьан есҽнытәи аус аанкылара. Ачымазара аԥкырақәа рышьҭахь, ҳалагеит аҽазыҟаҵара, еиқәҳаршәеит апрограмма ҳахәаԥшцәа ирыдаагало. Анаҩс иазԥхьагәаҭуп араионқәа рахь аконцерттә номерқәа ҳаманы ацара", - ҳәа азгәеиҭоит ансамбль анапхгаҩы.

Аԥсуа жәлар рыкәашарақәа егьырҭ ажәларқәа излареиԥшым рхатәы ҟазшьа, рхатәы ритм, рхатәы еиҿкаашьа рымоуп. Убас, афилармониа азал аҟны икәашоз акәашаҩцәа рҟазарагьы даара уаршанхон. Улаԥш архьыгӡара уахьымӡо игьежьуан, ишьацәхыртәны рыкәашара угәы арҵысуан, азал, амузыка, алашарбагақәа реиҿкаара угәы арҭӡыӡаауан.

Ахәаԥшцәа рнапеинҟьабжь еихсыӷьуамызт, аконцерт аҟны иаԥҵан аныҳәатә гәалаҟазаара. Ансамбль "Кавказ" адаул асыҩцәа ракәзар, ахәаԥшцәа дыршанхон, рнапы аусушьа, рыццакыратә елементқәа убла хыркуан.

"Изларылшои абас ахәмарра, уамашәа избоит!" - лҳәеит азал аҿы итәаз, аҳәаанырцәынтә ҳтәыла иаҭааз ахәаԥшҩы.

Аҵыхәтәантәи аномер - ансамбль ахьӡ иахаршалоу акәашара "Кавказ" ала ихыркәшахеит Кандид Ҭарба ихьӡ зху жәлар рыкәашаратә ансамбль аконцерт. Ахәаԥшцәа рахь ицәырҵит ансамбль артистцәа, ансамбль асахьаркыратә напхгаҩы, уи адиректор, "Ахьӡ-Аԥша" аорден 3-тәи аҩаӡара занашьоу, Аԥсны жәлар рартист Арвелод Ҭарба. Анапеинҟьабжьқәа ирыцны азал иҩныҩуан "Иҭабуп!" ҳәа абыжьқәа.

© Sputnik / Томас Тхайцук
Концерт ГАНТ Кавказ

Аԥсны акультура аминистр Гәыдиса Агрба иажәақәа рыла, Акультура аминисттра азҿлымҳауп абас еиԥш иҟоу ақәгыларақәа ахәаԥшцәа дырбара.

"Аԥсны Акультура аминистрреи, Кандид Ҭарба ихьӡ зху жәлар рыкәашаратә ансамбль "Кавказ" аиҳабыреи ҳареи аимадара ҳабжьоуп, иахьатәи аконцерт ҳаилахәны имҩаԥаҳгоит. Ҳаԥхьаҟа иазԥхьагәаҭаы иҳамоуп аусмҩаԥгатә ҿыцқәа, Аԥсны аҩныҵҟа хәыда-ԥсада агастрольқәа рымҩаԥгара" - иҳәеит Агрба.

Аминистр адырра ҟаиҵеит жьҭаарамзазы Кандид Ҭарба ихьӡ зху жәлар рыкәашаратә ансамбль "Кавказ" ааԥхьара шамоу Урыстәыла имҩаԥысуа афестиваль "Мир Кавказа" ахь.

Иара убас шәаԥхьар ҟалоит:

81

Аиааира амш иазшьаноу ацәыргақәҵа аартуп Аҟәа

4
(ирҿыцуп 11:26 23.09.2020)
Ацәыргақәҵа рызкуп Аԥсны жәлар рџьынџьтәылатә еибашьраҿы Аиааира амши Аџьынџьтәылатә еибашьра Ду аҿы Аиааира амши.

АҞӘА, цәыббра 23 – Sputnik, Асмаҭ Ҵәыџьԥҳа. Аԥсны асахьаҭыхыҩцәа рцәыргақәҵатә Зал аҿы цәыббра 22 асааҭ 13:00 рзы иаартын ацәыргақәҵа "Асахьаҭыхыҩ. Аамҭа. Агәалашәара" аекспозициа.

Ацәыргақәҵа аекспозициа еиднакылоит Анзор Сақаниа, Руслан Чхамалиа, Руслан Габлиа, Гарри Дочиа, Николаи Писарчук, Заур Аџьба, Валентина Хәырхәмалԥҳа, Тариел Амԥар, Алексеи Краиниуков, Амиран Адлеиба, Марина Ешԥҳа назлу асахьаҭыхыҩцәа 70 рҟынӡа русумҭақәа.

© Sputnik / Томас Тхайцук
Аиааира амш иазшьаноу ацәыргақәҵа аартуп

Азал адиректор Ельвира Арсалиаԥҳа илҳәеит ацәыргақәҵа аиҿкааҩцәа рҿаԥхьа хықәкны ишықәдыргылаз аҭоурыхтә жанр знапы алаку асахьаҭыхыҩ имиссиа алацәажәара.

"Ацәыргақәҵаҿ ирацәоуп аамҭеи аҭыԥи ирыдҳәалам аусумҭақәа. Дара ауаа ргәыҵхара атәоуп еиҭарҳәо", - лҳәоит лара.

Ацәыргақәҵа аартра далахәын Акультура аминистр Гәдиса Агрба.

"Ацәыргақәҵа ианыԥшуеит ҳажәлар аибашьраан иаадырԥшыз афырхаҵара, иаанарԥшуеит уи зегь шбашамыз, ҳкультура аизҳазыӷьара ишазырхаз", - иҳәоит иара.

Ацәыргақәҵатә зал аҿы ицәыргоу аусумҭақәа иаадырԥшуеит аибашьра арыцҳарақәа, иқәҿиарадаз ажәыларақәа, хатәгәаԥхарала иҳавагылаз рҭоурыхқәа.

© Sputnik / Томас Тхайцук
Аиааира амш иазшьаноу ацәыргақәҵа аартуп

Иҷыдоу азхьаԥшра рыҭан асолдаҭцәа рпатреҭқәа. Асахьаҭыхыҩ Руслан Габлиа – аибашьцәа рпатреҭқәа рсериа автор, иажәаәқа рыла аус аниуаз ихы иаирхәон иԥыхьашәоз аматериал: акарандашь, ақьаад. Арҿиаратә студиа ароль нарыгӡон аҭабиақәа.

© Sputnik / Томас Тхайцук
Аиааира амш иазшьаноу ацәыргақәҵа аартуп

"Аибашьра ҟалаанӡа ақыҭақәа срылаланы абыргцәа ҭысхуан. Аԥсуа ижәытә хаҿсахьа ыӡит ҳәагьы агәҭыха сыман, аха аибашьраан избеит схы сшеижьоз. Афырхацәаҵәҟьа ыҟан, алымқәа реиԥш иқәԥоз", - еиҭеиҳәоит иара.

© Sputnik / Томас Тхайцук
Аиааира амш иазшьаноу ацәыргақәҵа аартуп

Аԥсны асахьаҭыхыҩцәа рцәыргақәҵатә Зал аҿы цәыббра 22 рзы иаартыз ацәыргақәҵа "Асахьаҭыхыҩ. Аамҭа. Агәалашәара" жьҭаара 8 рҟынӡа аус ауеит. Апроект аинформациатә дгылара анаҭоит Sputnik Аԥсны.

4
Премьера спектакля Требуется лжец.

Атрагедиа, акомедиа, Чичерина лҟынтәи аԥхьарбара: цәыббра 21-27 азтәи афиша

14
Аинформациатә маҵзуреи арадиои Sputnik Аԥсны иазнархиеит цәыббра 21-27 рзтәи акультуратә хҭысқәа рафиша.

Акомедиа "Амцҳәаҩ даҳҭахуп" Аԥсуа драматә театр аҿы, Аҳәынҭфилармониаҿы аҳәынҭқарратә жәлар роркестр аконцерт, "Аԥҳәыс бырг лаара" РУСДРАМ аҿы уҳәа егьырҭ акультуратә хҭысқәагьы – Sputnik Аԥсны афишаҿы.

Аурыс драматә театр

Цәыббра 22 асааҭ 19:00 рзы РУСДРАМ аҟны идырбахоит атрагикомедиа "Аԥҳәыс бырг лаара". ХХ ашәышықәсаз иналукааша адраматургиатә пиеса, арежиссиор Антон Киселиус иинтерпретациаҿы.

Цәыббра 25 асааҭ 19:00 рзы РУСДРАМ асценаҿ аспектакль "Електра" арежиссиор Артем Устинов иқәыргыламҭала. Ажәытә бырзен трагедиа еиҭанаҳәоит аҭыԥҳа лаб лан лыбзиабаҩ дшишьуаз шаҳаҭс дшаиуз атәы.

Аҟәа, Леон имҩаду, 8

Аԥсуа ҳәынҭқарратә ҿартә театр

Цәыббра 23 асааҭ 19:00 рзы Аԥсуа драматә театр асценаҿ – аспектакль "Амцҳәаҩ даҳҭахуп" (абырзен драматург Дмитри Псафаса. Арежиссиор – Шалуа Гыцба).

Аҟәа, Пушкин имҩ., 1

Аԥснытәи аҳәынҭқарратә филармониа

Цәыббра 23 рзы Аԥснытәи аҳәынҭқарратә филармониаҿ имҩаԥысуеит О. Хәынцариа ихьӡ зху жәлар ринструментқәа аҳәынҭқарратә ансамбль аконцерт. Аконцерт асас – Иулиа Чичерина.

Иара убасгьы аконцерт иалахәхоит: Виолетта Маанԥҳа, Алексеи Самарин, Антон Давидианц.

Асахьаҭыхыҩцәа реидгыла Ацәыргақәҵатә зал хада

Цәыббра 22 рзы иаадыртуеит ацәыргақәҵа "Асахьаҭыхыҩ. Аамҭа. Агәалашәара". Ацәыргақәҵа азкуп 1992-1993 шықәсқәа рызтәи Аџьынџьтәылатә еибашьреи Аџьынџьтәылатә еибашьра Ду аиааира 75 шықәса ахыҵреи.

Аҟәа, Лакоба имҩ., 31

Пицунда

Цәыббра 24 асааҭ 17:00 рзы Пицундатәи ауахәамаҿ дықәгылоит ауарӷанарҳәаҩ Лука Гаделиа. Апрограммаҿ мраҭашәара-европатәи, урыстәылатәи, аԥснытәи акомпозиторцәа рмузыка.

Пицунда, Гицԥҳа лымҩ., 8.

14

Агәалашәареи афырхаҵареи рныҳәа: Аиааира амш Аԥсны

0
(ирҿыцуп 22:28 30.09.2020)
Аԥсны Аиааиреи Ахьыԥшымреи рымш азгәарҭоит цәыббра 30 рзы. Абри аҽны 1993 шықәсазы Аԥсны ақырҭуа мпыҵахалаҩцәа рҟынтә ахы иақәиҭтәын.

1993 шықәса, цәыббра 30 рзы ихыркәшахеит Аԥсны жәлар рџьынџьтәылатә еибашьра. Аԥсуа еибашьцәа ҳбираҟ шьҭырхит Егры аӡиас ала ицо Аԥсны аҳәааҿы.

Сынтәа акоронавирус апандемиа иахҟьаны Аиааира амш иазкыз аныҳәатә усмҩаԥгатәқәа акыр иркьаҿын.

Традициала, 1992-1993 шықәсқәа рызтәи Аԥсны жәлар Рџьынџьтәылатә еибашьраҿы Аиааира Амш азы Аҟәа, Ахьӡ-аԥша апарк аҿы ашәҭшьыҵәрақәа шьҭарҵеит, ацеремониа иалахәын Аԥсны ахада Аслан Бжьаниа, Атәыла аиҳабыра, аветеранцәа, хатәгәаԥхарала еибашьуаз.

Иара убас имҩаԥган Аԥсны Аиааиреи Ахьыԥшымреи рымшныҳәа иазку акциа "Афырхацәа рымҩала". Акциа ҩымш имҩаԥысуан, цәыббра 29 рзы Аҟәа Ахақәиҭра ашҭаҿ иалагеит, цәыббра 30 рзы Егры инаӡеит.

Аныҳәа хыркәшан Амҳаџьыраа рыԥшаҳәаҿы аԥсуа естрада ашәаҳәаҩцәеи арҿиаратә коллективқәеи рконцерт ала.

 

0
  • © Sputnik / Томас Тхайцук

    Аԥсны аџьынџьтәылатә еибашьраҿы иҭахаз афырхацәа ргәаладыршәарц Ахьӡ-аԥша абаҳчахь иааит аибашьра аветеранцәа, ауаажәларратә усзуҩцәа, еиуеиԥшым аусбарҭақәа русзуҩцәа, Аҟәа ауааԥсыра. Ацеремониа иалахәын Аԥсны ахада Аслан Бжьаниа, Апарламент ахантәаҩы Валери Кәарҷиа, Аԥсны иҟоу Урыстәылатәи Афедерациа ацҳаражәҳәаҩ Алексеи Двинианин, аминистррақәеи аҳәынҭқарратә еилакқәеи рнапхгаҩцәа.

  • © Sputnik / Томас Тхайцук

    Аԥсны ахада Аслан Бжьаниа иуаажәлар Аиааиреи ахьыԥшымреи рымш рыдиныҳәалеит.

  • © Sputnik / Томас Тхайцук

    Аахыҵ Уаԥстәылеи, Xечентәылеи, Ҟабарда-Баокариеи, Адыгатәылеи, Урыстәыла егьырҭ арегионқәеи уҳәа рҟынтә 1992 шықәсазы хатәгәаԥхарала Аԥсны ахьчаразы игылаз аибашьцәа ашәҭшьыҵәрақәа шьҭарҵеит.

  • © Sputnik / Томас Тхайцук

    Сынтәа акоронавирус апандемиа иахҟьаны Аиааира амш иазкыз аныҳәатә усмҩаԥгатәқәа акыр иркьаҿзаргьы ақалақь аҟны аныҳәатә гәалаҟазаара рыман аҿар.

  • © Sputnik / Томас Тхайцук

    Аҟәа, Амҳаџьырцәа рыԥшаҳәаҿы имҩаԥган арҿиаратә коллективқәеи аестрада шәаҳәаҩцәеи злахәыз аныҳәатә концерт.

  • © Sputnik / Томас Тхайцук

    Аконцерт аҟны инарыгӡон аибашьра иалиааз ашәақәа.

  • © Sputnik / Томас Тхайцук

    Ахәыҷтәы ансамбль акәашацәа аҳәынҭқарра абираҟ кны икәашон.

  • © Sputnik / Томас Тхайцук

    Аныҳәа иалахәын Атәыла ахада Аслан Бжьаниа, Аҟәа ақалақь ахада Беслан Ешба, Аԥсны аԥыза-министр актәи ихаҭыԥуаҩ, ақыҭанхамҩа аминистр Беслан Џьапуа.

  • © Sputnik / Томас Тхайцук

    Аԥсуа жәлар рҭоурых аҿы 1993 шықәса, цәыббра 30 – реиҳа ихадараӡоу арыцхәқәа иреиуоуп.