Аҟазара ыӡуам: 20 шықәса рышьҭахь амузыка иазыхынҳәыз Геннади Дбар иҭоурых

313
(ирҿыцуп 17:21 23.08.2020)
Зхәыҷаахыс амузыка иазҟазаз, анаҩс уи занааҭс ишьҭызхыз Геннади Дбар ԥшьышықәса раԥхьа ари ахырхарҭала рҵаҩыс аусура далагеит. Аамҭа кьаҿ иалагӡаны иааирԥшыз алҵшәақәа Саида Жьиԥҳа ланҵамҭаҿы.

Саида Жьиԥҳа, Sputnik

Геннади Дбар бжьышықәса анихыҵуаз, аҟыбаҩ ҷыда змаз 25-ҩык Аԥснытәи ахәыҷқәа, Москва, Гнесинаа рыхьӡ зху амузыкатә ҵараиурҭа иатәу ашкол иахыԥхьаӡалахаз дреиуахоит. Араҟа фышықәсатәи иҵара хыркәшаны, Гаграҟа даауеит, ажәеизатәи акласс далгоит ақалақьтә аԥсуа школ аҿы.

"Асовет Еидгыла ахаан аҟазара злаз ахәыҷқәа ӷәӷәала адгылара рыҭан. Доусы ихы ԥишәарц азы даладырхәуан еиуеиԥшым аконкурсқәа, афестивальқәа. Саргьы сыбжьы ԥызшәаз сҭаацәара ирабжьаргеит ԥхьаҟа ашәаҳәара занааҭс ишьҭысхырц алшоит азы, сҟазара аизырҳаразы Москваҟа срышьҭырц. Схәыҷын, аха ибзиаӡаны исгәалашәоит шаҟа аус ҳадырулоз, алыхәҭа ҳкылырхуаз", - иҳәоит Геннади Дбар.

© Foto / из архива Геннадиа Дбар
Геннади Дбар истудиаҿы

Амузыкант қәыԥш дҭалоит Украина, Харьковтәи акультуратә институт, аестрадатә ҟәша. Геннади қәҿиарала иҵара хиркәшоит, аха еиуеиԥшым амзызқәа ирхырҟьаны изанааҭ дазыхынҳәуеит 20 шықәса рышьҭахь. 2017 шықәса алагамҭазы Гагра имҩаԥысраны иҟан амузыкахь абаҩхатәра злоу аҿар ралԥшааразы афестиваль. Убри аҳәаақәа ирҭагӡаны, Геннади Дбари иҩыза Нодар Бениеи аҟазаратә школ аҿы агәыԥ еидкыланы ашәаҳәара дырҵара нап адыркит.

"Акастинг аҿы ашәаҳәарахь раԥхьатәи ашьаҿақәа ҟазҵо ирықәҿиарц азы аус рыдулара ҳалагеит. Идҳарбеит ииашаны рыԥсыԥ шеивыргаша аҽаршьцыларақәа, рыбжьы ықәҳаргылеит, абжьы аҳара ҳарҿиеит, убас гхада ашәаҳәашьа дҳарҵеит. Абарҭқәа зегьы имарианы иаҳзымааиӡеит. Аԥхӡы каҳҭәеит", - еиҭеиҳәоит амузыкант.

© Foto / из архива Геннадиа Дбар
Москва 2019 ш.

Зеиҿкаара аџьабаа адбалаз афестиваль мзызсқәак ирхырҟьаны имҩаԥымсит. Хымԥада уи ргәы днархьит хәыҷи-дуи. Убри аамҭазы Геннади Дбар иҩнуҵҟа иҿыхахьаз азанааҭ ахь агәхьаагара иабзоурахеит хара имгакәа "Геннади Дбар ивокалтә студиа" аартра.

© Foto / из архива Геннадиа Дбар
Москва 2019 ш.

"Сзанааҭ сгәысҽанӡамкәа саназыхынҳә, ааныжьра сзымгәаӷьит. Насгьы акастинг азы аҽазыҟаҵарақәа мҩаԥаагонаҵы ахәыҷқәеи ҳареи ҳаишьцылеит. Ргәыӷрақәа здырҳәалоз афестиваль анаԥыхха, рыла ҭраа исзоумыжьит. Дара рыбзоурала схаҿы ииз аидеиагьы аԥсы ахасҵеит, иаԥысҵеит схатәы вокалтә студиа", - иажәа иациҵоит иара.

Геннади Дбар истудиа еиҿкаауижьҭеи Аԥсны ахи-аҵыхәеи, Москвеи, Краснодари, Иалтеи, Туапсеи уҳәа изныкымкәа ихкынагӡаҩцәа ықәгыланы иреиҳау аҳамҭа "Гран-при", насгьы адипломқәа актәии, аҩбатәии, ахԥатәии аҩаӡарақәа ирыԥсахахьеит.

© Foto / из архива Геннадиа Дбар
Москва 2019 ш. афестиваль "Кремльтәи аеҵәақәа" аҿы Геннади Дбари, Инесса Григолиаԥҳа, Џьулиа Хачатриан

"Арҭ афестиваль-конкурсқәа жәларбжьаратәи аҩаӡара рымоуп аҟнытә, алшара ҳарҭоит еицырдыруа ауаа арабадырра. Иҳабжьало аимадара иабзоураны ааԥхьарақәагьы ҳауоит. Убас ааԥынреи аԥхынреи ҳцараны ҳаҟан Израиль, Италиа, Молдова, аха адунеи иалаҵәаз апандемиа ҳапланқәа ԥхасҭанатәит.  Зегь акоуп ҳгәы каҳажьуам, агәыӷра сымоуп Гагратәи ашәаҳәаҩцәа рыхьӡ хара ишцо", - иҳәоит авокал азы арҵаҩы.

© Foto / из архива Геннадиа Дбар
Москва 2019 ш.

Астудиа иаҭаауа аиҳарак ашколхәыҷқәа роуп аҟнытә, аԥсҭазаара амҩа ду ианыло аҿар раамышьҭахь, еиҵагылоит амузыкантцәа рабиԥара ҿыц. Аха астудиа ашәқәа рзаартуп адуцәагьы.

"Сара Гагра ауп аус ахьызуа аҟнытә, ҷыдала рҟазара салацәажәар сҭахуп исыднагало аҭыԥантәи ахәыҷқәеи, аҿари. Иааџьоушьаратәы дара амузыкахь абаҩхатәра рыциит уҳәар алшоит. Ргәынкылара бзиоуп", - инаҵишьит ашәаҳәара арҵаҩы.

© Foto / из архива Геннадиа Дбар
Геннади Дбари Бедрос Киркорови, Иалта 2019 ш.

Геннади Дбар асцена ду ахь инаиго ррепертуар шьақәгылоуп аиҳарак аԥсуа ашәақәа рыла. Инарыгӡоит аҳәаанырцәтәи арҿиамҭақәагьы. Астудиа ахьӡала еиуеиԥшым афестиваль-конкурсқәа рҿы рхы ԥыршәахьеит, уи анаҩс еицырдыруа иҟалеит Инесса Григолиаԥҳа, Џьулиеи Миленеи Хачатрианаа, Мери Долиӡе, Леон Сыҷынаа, Софиа Фарафонова, Карина Чакриан, Дауҭ Хагәышь уҳәа.

Геннади ихаҭагьы ашәақәа рзы ажәақәеи амузыкеи иҩуеит, иагьынаигӡоит, урҭ реизга азыӡырҩцәа ирызнагахоит аамҭакы ашьҭахь. Иаирҳәоит афортепиано, агитара, абанджо, асаксафон.

© Foto / из архива Геннадиа Дбар
"Аҿар рыбжьы", 2019 ш.

Геннади Дбар иааӡамҭацәа рықәҿиарақәа урылацәажәо иазгәоумҭарц залшом, сынтәагьы ашәаҳәаратә конкурс "Аҿар рыбжьы" аҟны Гагра араион ахьӡ шҭыргаз "Гран-при" агарала. Уи ианашьан Леон Сыҷынаа. Адиплом актәи аҩаӡара иаԥсахеит Инесса Григолиаԥҳаи, Леиа Сыҷынааԥҳаи. Адиплом ахԥатәи аҩаӡара рҽаԥсартәит Амина Адиқәԥҳаи Еалонна Хьециаԥҳаи.

© Foto / из архива Геннадиа Дбар
"Аҿар рыбжьы", 2019 ш.

"Конкурск мацара абриаҟараҩык аеҵәахәқәа ҳнаҭеит. Шәара шәазхәыц ҳҳәаақәа рыҽдырҭбаар шаҟаҩы артистцәа ҿарацәа ҳрызгәдухо", - иҵаҩцәа дрылаҽхәоит амузыкант.

Геннади Дбар аамҭала астудиаҿы аҽазыҟаҵарақәа ааникылеит, аӡынра иҩны иҟалаз амцакра ааха ӷәӷәа анаҭеит азы. Аурокқәа хацыркхоит ҭагалан. Иахьа ахәыҷқәа аконцертқәа ирзыҟаиҵоит азин ахьирҭо ахыбраҿы. Арҵаҩ иахь иныҟәо рхыԥхьаӡара жәаҩык ыҟоуп.

© Foto / из архива Геннадиа Дбар
"Аҿар рыбжьы", 2019 ш.

Геннади Дбар авокал маҭәарк аҳасабала имҩаԥигоит Пицундатәи аҟазаратә школ аҿгьы.

Иара убас шәаԥхьар ҟалоит:

313

Никарагуа Ахьыԥшымра Амш иазкны афотоцәыргақәҵа аатит Аҟәа

7
(ирҿыцуп 16:02 18.09.2020)
Ареспублика Никарагуа аҿы Ахьыԥшымра амш иазгәарҭоит цәыббра 15 рзы. 1821 шықәса рзы Ацентртә Америка иҟаз, Никарагуа назлаз Испаниа аколониақәа Британиа аҟынтәи ишхьыԥшым атәы рыларҳәеит.

АҞӘА, цәыббра 18 – Sputnik. Цәыббра 18 азы Никарагуа Ахьыԥшымра амш иазкны Аҟәа афотоцәыргақәҵа аатит.

"Ацәыргақәҵа мҩаԥысуеит ҩымш. Ауаа ааилар ауеит Никарагуа иазку афотосахьақәа, авидеороликқәа рбаразы. 70 инарзынаԥшуа усумҭа ыҟоуп", - ҳәа иҳәеит Аԥсны иҟоу Никарагуа аҳаҭыртә консул Алиас Ҳашба.

Афотосахьақәа рыхәҭак ҟаиҵеит аԥснытәи афотоҭыхыҩ Александр Попов. Иара шықәсқәак раԥхьа Никарагуа дыҟан. Атәыла аҭыԥ ԥшӡарақәа ҭихуан.

"Аԥсни Никарагуеи рыбжьара иҟоуп еиуеиԥшым аиқәшаҳаҭрақәа. Урҭ нап рыҵаҩуп. Ҳара иаҳҭахуп дара ахьалыршахаша аплатформақәа раԥҵара. Аиқәшаҳаҭрақәа аус руазароуп. Аиҳаракгьы абанктә усуразы амеморандум аусура иаларгатәуп. Аиқәшаҳаҭрақәа аус руларцаз апроектқәа аҭахуп", - иҳәеит Ҳашба.

Афотоҭыхыҩ Александр Попов иазгәеиҭеит афотоцәыргақәҵа бжьымш инарзынаԥшу архиара дшаҿыз.

© Sputnik / Марианна Кубрава
Никарагуа Ахьыԥшымра Амш иазкны Аҟәа афотоцәыргақәҵа аатит

"Сара иҟәандаӡа сгәалашәара иацуп никарагуатәи ауааԥсыра. Аԥсны ауаҩы дануҭаауа уҽазушәоит пату иқәҵара, атәыла аԥшӡара ирбара. Никарагуа сара сзабадырыз аҭыԥантәи арԥарацәагьы ртәыла сдырбон. Ақалақьқәа снарылга-аарылго сахьнаргааргоз акаҳуа ахә сшәар руамызт, аресторан аҿгьы убас.  Наџьнатә ирдыруаз аӡә сакәызшәа пату сықәырҵон", - иҳәеит иара.

Попов Никарагуа иҟаиҵаз аҭыхымҭақәа ирылоуп авулканқәа рфотосахьақәа. Урҭ иара изы аҵакы рымоуп.

"Паранла адгьылбжьахахь амҩа санықәыз авулкан, аҷнышқәа, амшын рфотосахьақәа маҷымкәа иҭысхит. Урҭ сара исгәаԥхақәо иреиуоуп", - иҳәеит афотоҭыхыҩ.

Никарагуа ахада Даниель Ортега 2008 шықәса цәыббра 3 рзы Аԥсны Аҳәынҭқарра шазхеиҵаз рылеиҳәеит  никарагуатәи ар ашьаҭаркра 29 шықәса ахыҵра иазкыз аныҳәаҿ аруаа рҿаԥхьа дықәгыло. Иара убасгьы иҳәеит урыстәылатәи аган дшадгыло Қырҭтәылеи Аахыҵ Уаԥстәылеи реимакы аҿы.

© Sputnik / Марианна Кубрава
Никарагуа Ахьыԥшымра Амш иазкны Аҟәа афотоцәыргақәҵа аатит

Аԥсуа делегациа раԥхьаӡа акәны Никарагуаҟа ицеит 2010 шықәсазы. Усҟан аделегациа напхгара аиҭон Аԥсны аҩбатәи ахада Сергеи Багаԥшь. Аԥсни Никарагуеи рхадацәа Манагуа рнапы аҵарҩит аиҳабырабжьаратә документқәа жәпакы.

Никарагуа Аԥсни Аахыҵ Уаԥстәылеи рхьыԥшымра азхазҵаз рахьтә ихароу аҳәаанырцә иаҵанакуа раԥхьатәи тәылахеит, официалла аусеицуразы аиқәшаҳаҭра анапы зыцаҵазҩыз раԥхьатәи аҳәаанырцә ҳәынҭқаррахеит.

Урҭ рхыԥхьаӡараҿы - Аиҩызареи аусеицуреи рзы аиқәшаҳаҭра, Авизадатә еиҭанеиааиразы аиқәшаҳаҭра, Аԥсны Аҳәынҭқарра Амилаҭтә банки Никарагуа Абанк хадеи рыбжьара агәҭакқәа рзы амеморандум, Ахәаахәҭра-економикатә усеицуреи, ахәаахәҭратә мшынныҟәареи, аҳаиртә еимадареи рзы аиқәшаҳаҭрақәа.

© Sputnik / Марианна Кубрава
Никарагуа Ахьыԥшымра Амш иазкны Аҟәа афотоцәыргақәҵа аатит

Аганқәа хыдҵаны иргеит ахәаахәҭра-економикатә еимадарақәа дырҿиаларц, анаука, акультура, аҵарадырра русхкқәа рҿы аусеицура мҩаԥыргаларц. Иара убасгьы еилацәажәеит  еиуеиԥшым аекономикатә усхк аҟны аҟазауааи, аҵарауааи, астудентцәеи еимырдаларц, еиҿкааралатәи ацәгьоурақәа, атерроризм, анаркотикқәа рконтрабанда ирҿагылаларц.

7

"Ты супер!" аԥшьбатәи асезон акоронавирус ацасҳәагьы ихацыркхоит

7
(ирҿыцуп 10:33 17.09.2020)
Асезон ҿыц иалахәхоит 58-ҩык ахәыҷқәа. "Ты супер!" иалахәхоит атәылақәа жәба (Урыстәыла, Аԥсны, Украина, Белоруссиа, Киргизиа, Молдавиа, Қырҭтәыла, Естониа, Азербаиџьан) рхаҭарнакцәа. Аконкурсантцәа ҿыцқәа реиԥш асценахь инеиуеит уаанӡатәи асезонқәа рлахәылацәагьы.

Ателеилахәыра НТВ-и жәларбжьаратәи аинформациатә маҵзуреи арадиои Sputnik-и Аҵара аминистрра адгыларала имҩаԥысуа Жәларбжьаратәи авокалтә конкурс "Ты супер!" аԥшьбатәи асезон аԥхьарбара ателеканал НТВ аефир аҿы имҩаԥгахоит цәыббра 20 рзы. Иара аныда абыда иаанхаз ахәыҷқәа ацхыраара рызҭо Жәларбжьаратәи авокалтә конкурсуп.

Sputnik, Лев Рыжков

Ижәытәуи иҿатәуи ахаҿқәа

Аофициалтә старт аҟынӡа мышқәак роуп инхаз. Цәыббра 16 рзы ишиашоу ицо аефир аҿы имҩаԥысит асезон ҿыц аӡыргара.

Ашоу "Ты – супер!" алахәылацәеи ахәаԥшцәеи аԥсшәа ралҳәеит МИА "Россия сегодня" аредактор хада Маргарита Симониан.

"Сара агәахәара сымоуп ажәытә СССР иахьаҵанакуаз аҟынтә аҟыбаҩ ҷыда змоу ахәыҷқәа ралыԥшаара ахьҳалшо. Насыԥ ҳаманы исшьоит ахәыҷқәа абри аҩыза алшара раҳҭартә ҳахьыҟоу. Сгәыӷуеит дара ԥхьаҟатәи рыԥсҭазаара аҽакала иахәаԥшуа иҟалап ҳәа", - лҳәеит лара.

"Сара сзы "Ты – супер!" – сыԥсҭазаараҿы иреиҳау проектуп – ҳәа азгәеиҭеит ателеканал НТВ апродиусер хада Тимур Ваинштеин. – Ҳапроект иалнаршеит агәыҳалалратә фонд аҟынтәи 45 стипендиа ашәара. Рықәра наӡаанӡа ишҳалшо ала апроект алахәылацәа адгылара раҳҭалоит".

Уаанӡатәи асезонқәа раан иаиааиз Валериа Адлеиаԥҳаи Диана Анкудиновеи ргәыхәтәы наӡеит. Иаҳхысыз асезон аан абизнесуаҩ, амеценат Михаил Гуцериев илшарала аҳҭнықалақь аҿы ауадақәа роуит 12-ҩык афиналистцәа.

Уи адагьы Тимур Ваинштеин иҳәеит аҭаацәара ҿыцқәа зқәашьхаз апроект алахәылацәа шыҟоу. Ашколқәа ирылгаз ракәзар, рыпрофессионалтә ҿиара иацырҵоит.

"Ари асезон аҿы зегьы ирбар ҳҭахуп ахәыҷқәа шеизҳаз. Убри азы апрограмма иалахәхоит уаанӡатәи апроектқәа ирылахәыз, зыпрофессионалтә мҩа иацызҵо аҿар. "Ты - супер!" аҟынӡа асоциалтә хырхарҭа змоу апроектқәа шоу ҳасабла иддырбомызт, аха ҳара иаҳҭаххеит егьырҭ атәылақәа рҿгьы ирбаларц. Иахьазы 600 миллионҩык YouTube ала иҳахәаԥшуеит", - иҳәеит иара.

Аҳәаақәа ирхысны

Уанӡатәи СССР аҵакыраҿы аҟыбаҩ змоу ахәыҷқәа ралԥшаара иаҿуп амаҵзура Sputnik. Сынтәа акарантин ари аус аруадаҩит.

"Ахәыҷқәа рыԥшаара уадаҩра аҵамызт, иуадаҩыз урҭ аҳәаақәа рахыгара акәын. Убас, Естониатәи алахәыла Финлиандиантәи апаран ала дааит, Кыргызиеи Азербаиџьани рҟынтәи алахәылацәа Сҭамԥылынтә ҳаирапланла иааит, Қырҭтәылатәии Белоруссиатәии ҳлахәылацәа шьапыла аҳәаақәа ирхысит", - ҳәа еиҭеиҳәеит ауаажәларра рнырразы ЖәАМ "Россия сегодня" адиректор Петр Лидов-Петровски.

Уажәы алахәылацәа Москва амҵантәи аԥсшьаратә базаҿ инхоит.

Ажиури иалахәуп – акомпозитор Игор Крутои, арок-гәыԥ "Ночные снайперы" анапхгаҩы Диана Арбенина, ашәаҳәаҩ Иолка, амузыкант, актиор Алексеи Воробиов.

Авокалтә конкурс "Ты супер!" мҩаԥыргоит ателеилахәыра НТВ-и жәларбжьаратәи аинформациатә маҵзуреи арадиои Sputnik-и Аҵара аминистрра адгыларала.

7

Ахсалԥҳа Гәдоуҭатәи агоспиталь аҟны ишьҭоу рыкрыфаразы: излаҳалшо ала ак рыгҳажьуам

0
(ирҿыцуп 12:58 20.09.2020)
Аацытәи афельдшертә пункт амедиаҳәшьа Марина Ахсалԥҳа арадио Sputnik аефир аҟны еиҭалҳәеит Гәдоуҭатәи агоспиталь аҟны ишьҭоу COVID-19 змоу ачымазцәа рыкрыфара шеиҿкаау атәы.

 

Ахсалԥҳа Гәдоуҭатәи агоспиталь аҟны ишьҭоу рыкрыфаразы: излаҳалшо ала ак рыгҳажьуам

"Ақыҭақәа рҟны аус зуа амедиаҳәшьцәа шәҳацхраа излашәылшо ала анырҳәа, ҳаизеит. Сара ахроникатә бронхит зласымоу ала, аинфекциатә ҟәшахьы сзымцаӡеит, аха ахәыҟаҵараҟны ацхыраара аҭахын азы, иҳалшо ала иҟаҵаны ачымазцәа рхәы ҳҭиуеит. Амедиаҳәшьцәа ааиуеит ирзызго. Ахәы зегьы ирзеиԥшны иузыҟаҵаӡом, ашьақар чымазара змоу рзы хазы афатә ҟаҵатәуп, ацклаԥшра аҭахуп. Ашьыжь еиуеиԥшым ақашьқәа ҟаҳҵоит, уи мацара раҳҭаӡом, ахаақәа, ргәы иаҭаху ачаи, акаҳуа, излаҳалшо ала ак рыгҳажьуам", - лҳәеит Ахсалԥҳа.

 

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0