РУСДРАМ анапхгаҩы Акультура аминистр иахь иаарту ашәҟәы иҩит

165
(ирҿыцуп 13:49 04.09.2021)
Ԥхынгәы 12 раахыс Аԥсны акультура аусҳәарҭақәа русура аанкылоуп Акультура аминистр Гудиса Агрба идҵала.

АҞӘА, цәыббра 3 - Sputnik. РУСДРАМ адиректор хада Иракли Хынҭәба Акультура аминистр Гудиса Агрба иаарту ашәҟәы изынеишьҭит ԥхынгәы 12 раахыс акультура аусҳәарҭақәа русура аанкылара инадҳәаланы. Ашәҟәы кьыԥхьуп атеатр анапхгаҩы Facebook аҿтәи идаҟьаҿы.

Ԥхынгәы 12 раахыс акультура аусҳәарҭақәа русура аанкылоуп Акультура аминистр Гудиса Агрба идҵала. Нанҳәа 13 рзы Аԥсны ахада Аслан Бжьаниа аусдҵа инапы аҵеиҩит аковидҿагыларатә ԥкрақәа рӷәӷәазарц. Арахь иаҵанакуеит акультуратә усҳәарҭақәа русура аанкыларагьы.

Хынҭәба иажәақәа рыла, "аԥсҭазаара иаҳнарбеит акультура аусхк аҟны алокдаун амедицинатә аргументациа агәра угартә еиԥш ишыҟам".

"Ашколқәа аусура ианалага, егьырҭ аусхкқәа рыҿгьы аԥкрақәа ианрықәымныҟәо акультуратә усҳәарҭақәа русура азин аҟамҵара  закәандароуп", - ҳәа азгәаҭоуп РУСДРАМ анапхгаҩы ишәҟәаҿы.

Иара иҳәеит атеатр аҳәынҭқарраз уадаҩра ҟанамҵарц, хра аманы иҟазарц иалшо зегь шыҟанаҵоз.

"Ҳара атеатр зыԥсеиԥш избо коллективуп. Ара зегьы ҭыԥк аҿы аус руеит, хәба-фба улафахәы џьаргьы ироуам. Ҳара ҳхала аԥарарҳара ҳашьцылахьеит, аӡәгьы ҳнапы имҵаҳкуам. Атеатр артистцәа ирҭахым уаанӡатәи аԥсуа артистцәа реиԥш жәашықәсала асцена иаҟәыганы иҟазарц", - ҳәа азгәеиҭоит атеатр адиректор.

Иара иҳәеит атеатр аҿы зегьы ибзианы ишеилыркаауа асанитар-епидемиологиатә ҭахра закәу. Хынҭәба ааԥхьара ҟаиҵеит Акультура аминистр иахь инапаҵаҟа иҟоу аусхк аинтересқәа ихьчаларц.

"Шәара агәахәара шәнамҭароуп Аԥсны заҵәык акультура ахԥатәи алокдаун иахьаҵадыркуа. Аԥсны заҵәык ауп арадикалтә шьаҿақәа ҟаҵаны акультура аусҳәарҭақәа ахьадыркыз. Иааидкыланы жәамз алокдаун ҳаман. Ари иаанаго акультура аҵакы ахәшьара амҭара акәуу, идырны атәыла акультуратә усҳәарҭақәа рышьаҽра акәу?" - ҳәа дҵаауеит Хынҭәба.

Аурыс драматә театр анапхгаҩы иҳәоит Акультура аминистр иҟоу азы игәаанагара иҳәар шихәҭоу, "ишалшо алагьы акультура ахьчареи акультуратә усҳәарҭақәа русура арманшәаларази аҿиара роурази илшо зегь шыҟаиҵар акәу".

165
Хибла Герзмава исполняет песню Абхазия моя

Хьыбла Гьерзмааԥҳа аоператә ԥхьахә "Онегин" ахадас дҟалеит

19
(ирҿыцуп 11:44 22.09.2021)
Амилаҭтә оператә ԥхьахә "Онегин" абҵара 11 2021 шықәсазы фынтәны анашьара мҩаԥгахоит Санкт-Петербург.

АҞӘА, цәыббра 22 - Sputnik. Аԥсни Урыстәылеи Жәлар рартистка, акультура аусхк аҟны Урыстәыла Аҳәынҭқарратә аԥхьахә алауреат, Станиславскии Немирович-Данченкои рыхьӡ зху Москватәи академиатә музыкатә театр асолистка Хьыбла Гьерзмааԥҳа аоператә ԥхьахә "Онегин" ахадас дҟалеит, абри атәы аанацҳауеит Аԥсны акультура аминистрра.

"Акраамҭа исыдыргалон ари аҭакԥхықәра зцу аус. Агәаӷьрагь уадаҩын избанзар аамҭа, алшарақәа аҭахуп. Исҭахуп ҿыцрақәак алазгаларц. Абри аганахьгьы аус зулоит. Аԥхьахә жәларбжьаратәи аимадарақәа рыӷәӷәатәуп, ахәаԥшҩцәа қәыԥшцәа адыԥхьалатәуп", - лҳәеит лара.

Аԥхьахә шьаҭаркын 2016 шықәсазы, есышықәса Санкт-Петербург иранаршьоит. Аныҳәатә церемониа мҩаԥгахоит Михаиловтәи атеатр асценаҿы.

Хьыбла Гьерзмааԥҳа – Урыстәылеи Аԥсни Жәлар рартистка, иланашьоуп аԥхьахәқәа "Триумф", "Casta Diva" аноминациа "Иреиӷьӡоу аоператә шәаҳәаҩы" аҟны, амилаҭтә театртә ԥхьахә "Ахьтәы сабрада" аноминациа "Иреиӷьӡоу аԥҳәыс лроль" аҟны, атеатртә ԥхьахә "Ахьы Орфеи" аноминациа "Иреиӷьӡоу ашәаҳәаҩ" аҟны.

Рашәара 12 азы Урыстәыла ахада Владимир Путин Урыстәылатәи Афедерациа Аҳәынҭқарратә премиа лнапы иаиркит аоператә шәаҳәаҩы, Урыстәылеи Аԥсни Жәлар рартистка, Станиславскии Немировичи-Данченкои рыхьӡ зху Москватәи академиатә музыкатә театр асолистка Хьыбла Гьерзмааԥҳа аурыси адунеитәи оператә ҟазара арҿиараҿы иҟалҵаз алагалазы.

19
Ражден Гумба

Ашәа аԥҵара иазҟазаз: Ражьден Гәымба 95 шықәса ихыҵра иазкны

19
(ирҿыцуп 10:33 12.09.2021)
Дырмит Гәлиа ихьӡ зху Аҳәынҭқарратә премиа алауреат, аорден "Ахьӡ-аԥша" II аҩаӡара занашьоу, Аԥсны жәлар рартист, акомпозитор Ражьден Гәымба диижьҭеи иахьа 95 шықәса ҵуеит.

Sputnik

Ражьден Гәымба диит цәыббра 12, 1926 шықәса рзы, Дәрыԥшь ақыҭаҿ. Иара 14 шықәса анихыҵуаз раԥхьатәи иашәақәа иҩуа далагеит, усҟан анотатә грамота издыруамызт, иҷыдоу адыргақәа рыла иаирбон имузыка.

Аԥсуа фольклор акомпозитор итема хадақәа ируакын. Аибашьра атематика акәзар, дышқәыԥшыз ирҿиара иалалеит.

Ражьден Гәымба иабду, жәлар шәаҳәаҩ, ажәабжьҳәаҩ Мамсыр лассы-лассы имоҭа абыргцәа ахьеизоз днеигалон. Усҟан арԥыс иаҳаз ашәақәа изаадыртит ижәлар рҭоурых. Қырҭтәыла жәлар рҟазара Аҩнаҟны ахор адирижиорцәа ркурс даналга ашьҭахь Ражьден Гәымба аусура далагоит Чхорцҟәыл араион аҟны. 1955 шықәса рзы Аԥсныҟа дхынҳәуеит. Жәлар рашәаҳәареи рыкәашареи Аҳәынҭқарратә ансамбль напхгара аҭара далагоит. Усҟантәи аамҭазы иарак акәын профессионалтә коллективны Аԥсны иҟаз.

Ражьден Гәымба ирҿиамҭақәа нарыгӡоит Бырзентәыла, Франциа, Молдавиа рхортә коллективқәа.

Ражден Гумба
© Foto / из архива семьи Гумба
Ражден Гумба

Иахьа шьҭа зыдунеи зыԥсаххьоу акомпозитор, Аԥсны Жәлар рартист атәым тәылаҟа ихырҵәаз аԥсуаа рлахьынҵа еснагь хьаас иман, иаԥҵамҭақәа ирынирԥшуан.

"Аҳәаанырцә инхо ҳауаажәлари ҳареи уарла-шәарла акәзаргьы аибабарақәа ҳабжьало ҳаналага, аибабара аныҟала, раԥхьатәи Аԥснынтә Ҭырқәтәылаҟа ицоз агәыԥ саргьы салан, еиҳабыс дҳацын Џьон Гәбаз. Уи агәыԥ композиторк иаҳасаб ала сацын", - иҳәеит иара ажурналист Сырма Ашәԥҳаи иареи реицәажәарақәа руак аҿы.

Ражьден Гәымба излазгәаиҭоз ала, Ҭырқәтәыла дыҟанаҵы икарандашьи иқьаади еиқәихуамызт.

"Знык аҳәаа ҳнахыҵны, аҭырқәцәа рымшын аҟәара ҳаннавала нахыс, абри еиԥш агәаанагарақәа соуан: абни ахаҳә аҵаҟа джызар аӡәы, даҽаӡәы аҵла ашьапаҿы джызар, мамзаргьы абни аҵла игылоу ашьапаҿы дшадтәалаз амла дакны дыԥсызар, абри амҩа шаҟаҩ ықәӡыда ҳәа хәыцра шәкы сеимаркуан", - иҳәон Гәымба.

Акомпозитор излаиҳәоз ала, ашьаҭа икит хыхәҭа дукны иҟаз Ораториа, амҳаџьырқәа рышьҭрала. Уи ахоргьы ирҳәоит, асолистцәагьы ирҳәоит, асимфониа аоркестр иазкынгьы иҟоуп.

Ражден Гумба
© Foto / из архива семьи Гумба
Ражден Гумба

Ражьден Џьгәаҭан-иԥа Гәымба иԥсҭазаара далҵит 2007 шықәса нанҳәа 21 рзы. Иара зегьы бзиа дырбон, уаҩышьалагьы, ҟазаралагьы, ҭеиҭԥшлагьы иаарылукаауаз дыруаӡәкын ҳәа дихцәажәон иара иколлега акомпозитор Кәасҭа Ченгьелиа.

Ражьден Гәымба ихьӡ ахуп Аԥснытәи Аҳәынҭқарратә филармониа.

19

Аԥсны даҽа 88-ҩык акоронавирус рыдырбалеит, ҩыџьа рыԥсҭазаара иалҵит

4
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27353-ҩык рҟынӡа инаӡеит, ргәы бзиахеит 22404-ҩык ауааԥсыра, рыԥсҭазаара иалҵит 413-ҩык.

АҞӘА, цәыббра 25 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 370-ҩык Аԥсны ауааԥсыра, урҭ рахьтә 88-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз ҩыџьа апациентцәа рыԥсҭазаара иалҵит: 1958 шықәсазы ииз ахаҵеи 1936 шықәсазы ииз аԥҳәыси. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 42-а, рҭагылазаашьа бааԥсуп ааҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 64-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

4
Атемақәа:
Аҿкычымазара – акоронавирус Аԥсни адунеи аҿи: иалкаау