Урыстәылатәи аҳәаахьчаҩ Риҵа дӡааҟәрылеит

© Sputnik / Алексей Никольский / Амедиаҵәахырҭахь аиасраОзеро Рица. Архивное фото.
Озеро Рица. Архивное фото. - Sputnik Аҧсны
Анапаҵаҩра
Уралтәи аҳәаахьчаратә усбарҭа аиҳабы ихаҭыԥуаҩ Вадим Миасников Аԥсны хабарда дыӡит.

АҞӘА, мшԥ 1 – Sputnik, Роберт Џьопуа.  Урал аҳәаахьчаратә усбарҭа аиҳабы ихаҭыԥуаҩ Вадим Миасников Риҵа аӡы дагеит аҩаша, хәажәкыра 31 рзы. Абри атәы Sputnik  акорреспондент иеиҳәеит Аҭагылазаашьа ҷыдақәа рзы аминистр Лев Кәыҵниа.

"Миасников аӡы дагеит аҩаша ашьыбжьышьҭахь.  Иҟалаз анҳаҳа, аиқәырхаҩцәа амашәыр ахьҟалаз аҭыԥ ахь инеит. Урыстәыла азыҟаҵара ҷыда змоу аспециалистцәа аӡы аҵаҟа аимдаарақәа мҩаԥыргеит. Урҭ ҩымшуп аусурақәа мҩаԥыргоижьҭеи, аха макьаназы лҵшәа ыҟам", — иҳәеит аминистр.

Лев Кәыҵниа иажәақәа рыла, Вадим Миасников 46 шықәса ихыҵуеит, уи иҭаацәеи иҩызеи ицны Риҵа рыԥсы ишьон.

Аминистр инаҵшьны иазгәеиҭеит иҟалаз Урыстәыла аиқәырхаҩцәа рҟынӡа инаган, аминистррақәа ирыбжьоу аиқәшаҳаҭра инақәыршәаны. Уи иҳәеит иӡыз иԥшаара ауадаҩрақәа шацу, Риҵа аҵа акыр шықәса иахьыдымрыцқьахьоу азы. Уи азы Урыстәыла аспециалистцәа дрыҳәеит аӡаҵаҟа аусура зылшо атехника аарышьҭырц азы.

"Аӡиа аҵаулара џьара-џьара 100 метрак инаӡоит. Уи адагьы акыр шықәса идрыцқьомызт", — иҳәеит Кәыҵниа.

Амашәыр ахьыҟалаз аҭыԥ ааигәара Аҭагылазаашьа ҷыдақәа рминистрра аԥшааратә пункт еиҿнакааит.

Ажәабжьқәа зегьы
0