Альпинист

Нхыҵ Уаԥстәыла альпинистцәа ыӡит

19
Нхыҵ Уаԥстәылатәи аԥшаара-еиқәырхаратә отриад аҿы иӡыз альпинистцәа ашәҟәы иҭагаламызт.

АҞӘА, нанҳәа 24 — Sputnik.  Альпинистцәа иӡыз Нхыҵ Уаԥстәылатәи аԥшаара-еиқәырхаратә отриад аҿы ашәҟәы иҭагаламызт. Уажәы урҭ рыԥшаара иаҿуп ҳәа аанацҳауеит РИА Новости, Нхыҵ Уаԥстәыла АҶА адыррақәа ҵаҵӷәыс иганы.

"Иҟоу аинформациала, Краснодартәи атәылаҿацә Альпинизм Афедерациа алахәылацәа хҩык альплагер "Комы-арт" аҿынтә ашьха Галдор ахалара иалахәын. Ашьха аҳаракыра 4 238 метра ыҟоуп. Иарбаз аамҭазы дара ҭелла рыҽҳамарымдеит", — ҳәа аҳәоит адырраҭараҿы.

Аԥхьатәи аԥшаарақәа лҵшәа анырмоу, нанҳәа 21 рзы Урыстәыла АҶА авиациа ацхыраараз ишьҭыхын. Аҭыԥ иахыԥрааит, аха аӡәгьы ихабар рымбеит.

Альпинистцәа рыԥшаара иацҵахоит.

19

Ахәра зманы ареспубликатә хәышәтәырҭахь инаргаз ауаҩԥсы иҭагылазаашьа иалацәажәеит

21
(ирҿыцуп 14:20 10.09.2020)
Атәылауаҩ А. Џьыкырба Ареспубликатә хәышәтәырҭахь днаган автомат "Калашников" ала иаб даниехс ашьҭахь.

АҞӘА,цәыббра 10 – Sputnik, Сариа Кәарцхьиаԥҳа. Заб хынтә автомат ала иеихсыз ахаҵа иҭагылазаашьа уадаҩны иҟоуп ҳәа иҳәеит Sputnik акорреспондент дзыҿцәажәоз ахәышәтәырҭа аҳақьым хада Аполлон Гәыргәлиа.

"Аоперациа ашьҭахь иҭагылазаашьа шыхьанҭац иҟоуп. Уи асеиԥш иуадаҩу аоперациақәа рышьҭахьтәи аҭагылазаашьа иақәшәоит", - иҳәеит Гәыргәлиа.

Уаанӡатәи адыррақәа рыла Ш. Џьыкырбеи иԥеи ирыбжьалаз аимак аан хынтә иԥа А. Џьыкырба автомат "Калашников" ала диеихсит. Абри ашьҭахь ихаҭа иҽишьит. Ахҭыс ҟалеит цәыббра 9, асааҭ 11:00 рзы Аҟәа, Гәымсҭатәи амҩаҿы. Иазгәаҭоуп ахысра зламҩаԥгаз автомат ашәҟәы иҭагалаӡамызт ҳәа.

Аҟәа ақалақь апрокуратура аусҭҵаара мҩаԥнагоит, аҭыԥ аҿы ирбеит абџьари иҭҟьаз апатронақәа ԥшьбеи. Агәаҭара ахыркәшара ашьҭахь апроцессуалтә ӡбамҭа рыдыркылоит.

Иара убас шәаԥхьар ҟалоит:

21

Аҟәа ақалақь аҿы хаҵак иԥа диеихсын, нас ихаҭа иҽишьит

70
(ирҿыцуп 15:52 09.09.2020)
Апрокуратура аусзуҩцәа ахҭыс ахьыҟалаз Аҟәа, Гәымсҭатәи амҩаҿы игылоу аҩнеихагыла иаҭааны иҭырҵааит.

АҞӘА, цәыббра 9 - Sputnik. Ш. Џьыкырбеи иԥеи ирыбжьалаз аимак аан хынтә иԥа, А. Џьыкырба автомат "Калашников" ала диеихсит. Абри ашьҭахь ихаҭа иҽишьит. Абри атәы аанацҳауеит Апрокуратура хада асаит.

Ахҭыс ҟалеит цәыббра 9, асааҭ 11:00 рзы Аҟәа, Гәымсҭатәи амҩаҿы. Иазгәаҭоуп ахысра зламҩаԥгаз автомат ашәҟәы иҭагалаӡамызт ҳәа.

А. Џьыкырба Ареспубликатә хәышәтәырҭа ареанимациатә ҟәшахьы днаганы аоперациа изыҟарҵоит. Иҭагылазаашьа акыр ихьанҭоуп.

Аҟәа ақалақь апрокуратура аусҭҵаара мҩаԥнагоит, аҭыԥ аҿы ирбеит абџьари иҭҟьаз апатронақәа ԥшьбеи. Агәаҭара ахыркәшара ашьҭахь апроцессуалтә ӡбамҭа рыдыркылоит.

70
Кабинет министров республики Абхазия

Аминистрцәа Реилазаара ашколқәа акарантин азы иадыркуеит ҳәа ирҳәаз аԥнарҟәҟәааит

13
(ирҿыцуп 22:08 25.09.2020)
Акоронавирус азы атәылаҿы ишьақәгылаз аҭагылазаашьа иахҟьаны Аԥсны ашколқәа зегьы рҟны акарантин алагалоуп ҳәа аинформациа АИХқәа рҿы ирыладырҵәеит ахәаша, цәыббра 25 рзы СЕС аиҳабы Лиудмила Скорик иҟалҵаз аҳәамҭа ҵаҵӷәыс иҟаҵаны.

АҞӘА, цәыббра 25 – Sputnik. Аԥсны Аминистрцәа Реилазаара апресс-маҵзураҿы ииашам ҳәа ахырҳәааит Аԥсны ашколқәа зегьы рҟны цәыббра 25 инаркны жьҭаара 16 рҟынӡа акарантин аларгалоит ҳәа уаанӡа АИХқәа рҟны ицәырҵыз аинформациа.

"Аминистрцәа Реилазаара акәым, Ауааԥсыра акоронавирус рацәыхьчаразы акоординациатә штаб акәым ашколқәа рҟны аҵаратә процесс аанкыларазы азҵаара иалацәажәомызт, аӡбамҭа ҳәагьы акгьы рыдрымкылацт", - ҳәа аанацҳауеит Аминистрцәа Реилазаара асаит.

Акоординациатәи аоперативтәи штабқәа иааиԥмырҟьаӡакәа ичмазаҩхази згәы бзиахази ауаа ирыцклаԥшуеит, иара убасгьы аҵара аусҳәарҭақәа рҟны ачымазара зыхьыз рхыԥхьаӡара гәарҭоит ҳәа аарыцҳаит Аминистрцәа Реилазаара апресс-маҵзураҿы.

"Аиҳабыреи акоординациатә штаби ирыдыркыло аофициалтә ӡбамҭақәа зегьы Аминистрцәа Реилазаара аофициалтә саит аҟны иҟалоит", - ҳәа азгәарҭеит апресс-маҵзураҿы.

Уаанӡа цәыббра 25 ахәылбыҽха Агәабзиарахьчара аминистрра апресс-маҵзура Аԥсны асанитартә ҳақьым хада Лиудмила Скорик адырра ҟалҵеит атәыла ашколқәа зегьы рҟны жьҭаара 16 рҟынӡа акарантин алагалахоит ҳәа.

Скорик ишылҳәаз ала, ари аҩыза аӡбамҭа атәыла аиҳабыра иаднакылеит Агәабзиарахьчара аминистрреи Асанитартә епидемиологиатә маҵзуреи иҟарҵаз абжьгарақәа инрықәыршәаны.

13