Урыстәылатәи аспелеолог дҭахеит Арбаика иҟоу аҳаԥы аҭалараан

13
(ирҿыцуп 15:11 26.08.2020)
Павел Демидов Аԥсны дааны дыҟан акоманда CAVEX дацны, дара ашьхеибаркыра Арбаикаҿы аԥхынтәи аекспедициа мҩаԥыргон.

АҞӘА, нанҳәа 26 - Sputnik. Агәыԥ "Перово-Спелео" иалахәыз урыстәылатәи аспелеолог Павел Демидов дҭахеит Арбаика иҟоу, макьаназы иҭҵаам аҳаԥқәа руак аҭалараан. Абри атәы ааицҳаит агәыԥ алахәцәа руаӡәк Facebook аҿы иҟоу Демидов идаҟьаҟны.

Нанҳәа 23 рзы Демидов аҳаԥы дҭалеит иколлега Андреи Шумеико дицны. 305 метра инарзынаԥшуа ҵаҟа ицахьан еиԥш аҳаԥаҿы ахаҳә гәал дуқәа еилаҳауа иалагеит. Павел Демидов ахаҳәқәа дызрыҵымҵӡеит, Шумеико аԥсеиқәырхара илшеит.

Нанҳәа 26 рзы иалагеит Демидов иԥсыбаҩ аҵхразы аоперациа. Уи напхгара аиҭоит урыстәылатәи аспелеолог Денис Провалов.

Аԥсны иҟоу аҳаԥқәа рыҭҵааразы аекспедициақәа мҩаԥысуеит асовет аамҭақәа раахыс. 1981 шықәса раахыс Асовет Еидгыла аспелеологцәа аҭҵаарадырра-систематә знеишьала аҳаԥқәа рыԥшаара иалагеит. Арбаика ашьхеибаркыра хәҭа-хәҭала еихшан, анаҩс аспелеоклубқәа рыбжьара иалырхит доусы хәҭас иҭырҵаауа.

Гагратәи ашьхеибаркыра аладатәи анаара ахкәакь ҳәа ахьӡырҵеит уи аҳаракырақәа реикәагылашьа иаҿырԥшны. Аҭҵаарақәа рымҩаԥгаразы араҟа иалкаан архақәа хәба.

 

13

Аԥснытәи аиқәырхаҩцәа асы иҭанасыз ҩыџьа Москватәи атуристцәа еиқәдырхеит

16
(ирҿыцуп 11:00 23.11.2020)
Аиқәырхаҩцәа анрыхҭыгәлоз аҭуристцәа рҭагылазаашьа шәарҭамызт.

АҞӘА, абҵара 23- Sputnik. Аԥсны ашьхараҿы, Хашыԥсатәи аиҩхаа иахьаҵанакуа қәҿиарала ихыркәшоуп Москватәи атуристцәа реиқәырхаразы аоперациа ҳәа аанацҳауеит Аԥсны АҶА.

Атуристцәа аԥсуа еиқәырхаҩцәа рыҽрымардеит абҵара 21 асааҭ 15:57 рзы. Ацентр "Пламя" иатәу аԥшаара-еиқәырхаратә гәыԥ иаразнакы амҩа иқәлеит. Аҵх иаашаанӡа аусурақәа мҩаԥысуан.

Ацентр "Пламя" агәыԥ аиҳабы Сандро Дагаргулиа иажәақәа рыла дара ԥшьсааҭк ҩ-метрак иҟаз асы иқәланы инеиуан. Асааҭ 09:00 рзы атуристцәа ргыларҭа рыԥшааит.

Аиқәырхаҩцәа анрыхҭыгәлоз атуристцәа рҭагылазаашьа уацәшәартә иҟамызт.

16

Урыстәыла атәылахьчара аминистрра Ҟарабах аҭагылазаашьа иалацәажәеит

4
(ирҿыцуп 10:27 16.11.2020)
Урыстәылатәи аҭынчреиҿкааҩцәа Ҟарабах аибашьра аанкылара арежим иахылаԥшуеит аладатәи аҭакԥхықәратә зонаҿи аҩадатәи аҭакԥхықәратә зонаҿи.

АҞӘА, абҵара 16 - Sputnik. Ҟарабах аинырратә цәаҳәа зегьы аҿы ахымца аанкылоуп ҳәа аанацҳаит амҽыша Урыстәыла атәылахьчара аминистрра.

"Ҟарабах аинырратә цәаҳәа зегьы аҿы ахымца аанкылоуп", - аҳәоит адырраҭараҿы.

Иазгәаҭоуп имҩаԥгаз аиқәшаҳаҭрақәа инарықәыршәаны иҭахаз рыԥсыбаҩқәа реимдара мҩаԥысуеит ҳәа.

Ашьха Ҟарабах аҭынчреиҿкааҩцәа ахылаԥшра мҩаԥыргоит аладатәи апостқәа жәбар рҿи аҩадатәи апостқәа жәба рҿи.

Асабшаҽны 15-тәи хаз игоу амотохысцәа рыбригада  аҭакԥхықәратә зона "Север" аҿы ахылаԥшратә постқәа ргыланы иалгеит.

Уаанӡатәи адыррақәа рыла, амшцәгьа иахьмырԥшкәа Ашьха Ҟарабах жәлар рыр рыҟәшақәа Азербаиџьан анапаҵаҟахь ииасраны иҟоу аҵакырақәа ирылҵуеит.

"Аҭагылазаашьа шымариамгьы, Ашьха Ҟарабах жәлар рыр рыҟәшақәа Агдамтәи, Кельбадџьартәи, Лачинтәи араионқәа ралҵра мҩаԥысуеит, уажәы амшцәгьы иахҟьаны уи маҷк иаанкылоуп, еиҳарак ашьхарақәа рҿы", - аанацҳауеит РИА Новости аҭынчреиҿкааҩцәа рыштаб аҟынтәи иаиуз адыррақәа рыла.

Урыстәыла, Ермантәыла, Азербаиџьан еиқәшаҳаҭхеит Ашьха Ҟарабах аибашьра аанкыларазы. Аганқәа ирыбжьарҵаз аиқәшаҳаҭра инақәыршәаны ахымца аанкылахоит абҵара 10 инаркны.

Лачинтәи акоридор иахьаԥнуи Ашьха Ҟарабах аинырратә цәаҳәаҿи иргылахеит урыстәылатәи аҭынчреиҿкааҩцәа рконтингент.

Дара хәышықәса ҿҳәарас ирыҭаны уа иргылоуп, иааиуа егьырҭ есхәышықәсагьы рыҿҳәара иацҵахоит, аганқәа руак ари аиқәшаҳаҭра мап ацәнакаанӡа.

Аиқәшаҳаҭра анагӡара ахылаԥшразы иаартхоит аҭынчреиҿкааратә центр.

Иара убас шәаԥхьар ҟалоит:

4

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

0
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

0