Оҭҳара ақыҭа иахьаԥну амҩатә машәыр аҟны аԥсыҭбара ҟалеит

52
(ирҿыцуп 09:47 01.09.2021)
Аԥсны Аҭагылазаашьа ҷыдақәа рзы аминистрра аҷаԥшьарҭахь ахҭыс азы адырра ҟаҵан нанҳәа 31 асааҭ 16:27 азы.

АҞӘА, цәыббра 1 - Sputnik. Гәдоуҭа араион Оҭҳара ақыҭан иҟалаз амҩатә машәыр иахҟьаны ахаҵа дҭахеит ҳәа аанацҳауеит Аԥсны АҶА апресс-маҵзура.

Аԥсны АҶА аҷаԥшьарҭахь иҟалаз азы адырра ҟаҵан нанҳәа 31 асааҭ 16:27 азы.

Автомашьына "Subaru" аԥсҟы зкыз Гагратәи амҩаду даныланы дахьцоз амҩа дахҟьаны аҵла дасит.

52
Последствия шторма в Сочи

Урыстәылатәи атурист Гагра амшын дагеит

17
(ирҿыцуп 12:45 03.09.2021)
Хабарда иӡыз атурист иԥсыбаҩ аԥшаара иаҿуп, аԥшаарақәа аруадаҩуеит амшцәгьа иахҟьаз амшынеисра.

АҞӘА, цәыббра 3 - Sputnik. Нижегородтәи аобласт, Выкса ақалақь аҿы инхоз, 48-шықәса зхыҵуаз аԥсшьаҩы Витали Градобоев Гагра иахьаҵанакуа дӡааҟәрылеит ҳәа аанацҳауеит Аԥсны АҶА.

Ахҭыс азы аҷаԥшьаратә ҟәшахьы адырра ҟаҵан цәыббра 2 асааҭ 22:19 рзы.

Хабарда иӡыз атурист иԥсыбаҩ аԥшаара иаҿуп, аԥшаарақәа аруадаҩуеит амшынеисра.

17

Самаратәи атурист Пицунда асасааирҭаҿы ҩыџьа ауаа ихәит

21
(ирҿыцуп 13:38 01.09.2021)
Ацәгьа зуыз ахаҵа аҭыԥ аҟынтәи дыбналеит, аха хара имгакәа амилициа Пицундатәи аҟәша аусзуҩцәа дааныркылеит.

АҞӘА, цәыббра 1 - Sputnik. Самаратәи аԥсшьаҩы Александр Совинкин, Пицунда, асасааирҭа "Сэр Рэмбо" аԥшәма Фазлыбеи Ԥкьыни аҽа ԥсшьаҩыки ҳәызбала ихәит ҳәа аанацҳауеит Аԥсны Адәныҟатәи аусқәа рминистрра апресс-маҵзура.

Амилициа апресс-маҵзураҿы ишырҳәо ала, ахаҵа ижәны дыҟан, мзызк амамкәа 53-шықәса ирҭагылоу  асасааирҭа аԥшәма ихәдеи инапқәеи ахәрақәа рниҵеит. Анаҩс Совинкин Новосибирсктәи аԥсшьаҩ ԥҳәыс дыхәны дыбналеит.

Ахаҵа даанкылан агәыларатә сасааирҭа-ҩнаҿы. Ацәгьа злеиуыз аҳәызба аҭыԥ аҟынтәи ишьҭыхын.

Гагра араион ААР аматериал еидкыланы апрокуратурахь инанашьҭит анаҩстәи апроцессуалтә ӡбамҭа адкыларазы.

21
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13