Аҩбатәи адунеизегьтәи аибашьраҿы аиааирагара Ар ҟаԥшь иахьынӡабзоуроу

Анапаҵаҩра
А́зҵаара мҩаԥнагеит агентра ICM Research аинформациатә маҵзура Sputnik азы апроект Sputnik.Агәаанагарақәа аҳәаақәа ирҭагӡаны, хәажәкыра 20 инаркны мшаԥы 9-нӡа Британиа Ду, Франциа, Германиа атәылақәа рҿы.

АҞӘА, мшԥ 28 – Sputnik. Британиатәи агентра ICM Research апроект "Sputnik. Агәаанагара" аҳәаақәа ирҭагӡаны имҩаԥнагаз аҭҵаара алҵшәақәа рыла, аиҳараҩык ргәы иаанагоит Европа атәылақәа афашизм аҟынтә рхы иақәиҭызтәыз Америка арбџьармчқәа роуп ҳәа. Арҭ атәылақәа рыуаажәлар изларԥхьаӡо ала, аконтинент ахы ақәиҭтәраҿы ихадоу аҭыԥ аанyакылеит Америка 61% — 52%. Британиа ду аҟны ари агәаанагара иадгыло 16 % роуп. Британиа ду ауаажәлар реиҳараҩык ргәаанагарала, афашизм аиааираҿы ихадоу аҭыԥ ааныркылеит дара рырбџьармчқәа – 46%. Иааидкыланы Америка арбџьарымчқәа аԥхьахә ааныркылеит Британиа ду, Франциа, Германиа – 43%.

Азҵаара – иарбан тәылоу ихадоу ароль назыгӡаз Европа ахы ақәиҭтәраҿы (Британиа ду, СССР, Америка, егьырҭ атәылақәа, "сыздыруам") 13% роуп Асовет еидгыла арбџьарымчқәа роуп ҳәа аҭак ҟазҵаз, Германиа ауп ус изыԥхьаӡо зегь реиҳа иахьырацәоу – 17%. Еиҳараӡак имаҷыҩны ус ргәы иахьаанаго Франциа ауп – 8%, нас Британиа ду – 13%.

Азҵаара ахьрыҭаз атәыла иаҿырԥшны – 19 инаркны 24% ауааԥсыра аҭак рзыҟамҵеит иарбан тәылоу ихадоу ароль назыгӡаз Европа атәылақәа рхы рақәиҭтәразы.

Аҭҵаара ахьымҩаԥгаз атәылақәа рҟны 2-3% заҵәык роуп Европа атәылақәа рхы рақәиҭтәраҿы даҽа тәылақәак роуп ихадоу аҭыԥ аанызкылаз ҳәа.

Аҭҵаара мҩаԥысуан хәажәкыра 20 инаркны мшаԥымза 9-нӡа Британиа ду, Франциа, Германиа. Тәылацыԥхьаӡа 1000-ҩык иразҵааит, қәрала еиуеиԥшым аҳәсеи ахацәеи, еиуеиԥшым аҭыԥқәа рҟны инхо.

Иҟоу ахәшьарақәа рыла, Ар  Ҟаԥшь ахы иақәиҭнатәит 50% рҟынӡа Европа атәылақәа, Урыстәыла иаҵанакуа адгьылқәа аламҵакәа. Европа ахы ақәиҭтәразы иҭахаз ауааԥсыра акыр еиҳауп егьырҭ ажәларқәа рцәыӡқәа раасҭа. Ар Ҟаԥшь зхы иақәиҭыртәыз Европа атәылақәа ирықәынхо ауааԥсыра 120 000 000-ҩык рҟынӡа инаӡоит, урҭ иахьа ихыԥшым аҳәынҭқаррақәа рҟны инхоит. Даҽа ф-тәылак рхы рақәиҭтәраҿы Ар  Ҟаԥшь егьырҭ атәылақәа дареи еицхыраауан.

Ажәабжьқәа зегьы
0