Sputnik Аԥсны 2.0

50
(ирҿыцуп 16:19 08.12.2016)
Амультимедиатә центр Sputnik Аԥсны ҩышықәса аус ауанаҵы Аԥсны аинформациатә ҵакыраҿ иалкаау аҭыԥ ааннакылеит. Аинформациа аласреи, ахышәа-ҵышәеи, амультимедиатә форматқәа реиуеиԥшымреи инарықәыршәаны Sputnik Аԥсны аиԥш зеиԥшу ареспубликаҟны иҟам.
Sputnik Аԥсны 2.0
© Sputnik © Леон Гәниа

Амультимедиатә информациатә центр Sputnik Аԥсны шьаҭаркын 2014 шықәса ԥхынҷкәын 8 рзы. Ҩышықәса рыла Sputnik Аԥсны ареспублика аинформациатә ҵакыраҿ иалкаау аҭыԥ ааннакылеит. Абри аамҭала апортал аԥсуеи аурыси версиақәа рҟны икьыԥхьын 15 500 рҟынӡа жәабыжь, асаит ахь ицәырган 1200 рҟынӡа видеоматериали 300 рҟынӡа фотолентеи. Sputnik Аԥсны азхьаԥшра ду рнаҭоит агуманитартәи, аинтеграциатәи, акультуратәи усхкқәа ирзырхоу аинформациатә проект ҷыдақәа. аԥхьаҩцәа ирыдгалан абасеиԥш иҟоу апроект дуқәа: "Аԥсны аԥсшьара", "Аиааира ахаҿқәа", "Иҭыхым аибашьцәа", "Арепатриациа", "Аҟазацәа рдунеи", "Амш ажәа", "Sputnik. Аԥхьарақәа.", "Аԥсны иҟаҵоуп", "Ok, Sputnik", "Аԥсышәала ҳцәажәоит", "Ухәмаруа уаиааи".

Анапаҵаҩцәа рхыԥхьаӡара акәзар еиҳа-еиҳа иазҳауеит. 2015 шықәса рзы Facebook аҟны 6000 ахархәаҩцәа ыҟазар, иахьа урҭ рхыԥхьаӡара 10 000 рҟынӡа инаӡоит. Instagram аҟны – 13 000-ҩык, В Контакте аҟны–3 000-ҩык инареиҳауп, Twitter аҿы– 610-ҩык ыҟоуп.

Аԥсны ихацыкуп "Радио Sputnik" аусура. Арадиодырраҭарақәа Аԥсны ахы-аҵыхәа рыдкылара алшоит. Sputnik Аԥсны адыррақәа рхы иадырхәоит ареспублика аинформациатә ресурсқәа 15, ателеканалқәа 2, арадиостанциақәа 1.

Sputnik Аԥсны аус ауеижьҭеи апортал иаҭааит миллионки бжаки рҟынӡа ахархәаҩцәа.

Sputnik (sputniknews.com) — жәларбжьаратәи аинформациатә маҵзуреи арадиои атәылақәа жәпакы рҟны амультимедиатәи аинформациатәи хабқәа амоуп. Sputnik ашҟа иаҵанакуеит асаитқәа, арадиодырраҭарақәа, амобилтә хархәагақәа, иара убас, асоциалтә каҭақәа рҟны адаҟьақәа. Анапаҵаҩцәа рзы Sputnik, англыз, араб, аиспан, акитаи бызшәақәа рыла иҭыҵуеит. Sputnik асаитқәа аԥхьаҩ идыргалоит: авидео, аинфографика, афоторепортаж, онлаин-ефирқәа, аинтернет-бжьыҭира. Аоперативтә жәабыжьқәа рыдагьы Sputnik иакьыԥхьуеит аналитикатә материалқәа, аексклиузив интервиуқәа.

50

Иҭацәыз аҭыԥқәа рахь: Аԥсны Жәлар Реизарахь алхрақәа

149
Ԥхынгәы 12 рзы имҩаԥгахоит Аԥсны Жәлар Реизараҟны иҭацәыз адепутаттә ҭыԥқәа рахь алхрақәа. Азакәанԥҵаратә мчраҿы амандатқәа ԥшьба ҭацәуп.

Аԥсны алхратә комиссиа хада ԥхынгәы 12 аҽны иҭацәыз адепутаттә ҭыԥқәа рахь алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп, атәыла ахада Аслан Бжьаниа, аԥыза-министр Александр Анқәаб, Аҩныҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Лаҵара 4 рзы дара зегьы рнапынҵақәа аанрыжьит.

Аԥсны Апарламент адепутатс дҟалар илшоит дарбанызаалак 25 шықәса ирҭысхьоу,  алхратә зин змоу атәылауаҩ. Депутатс иҟалар ҟалом зус рыӡбахьоу, аҩыжәреи, арыҩшьыгақәеи зыҽрыдызцало ҳәа ишьоу, аԥсихикатә шьақәҟьара змоу. Абжьыҭара азин ырмоуп 18 шықәса ирҭысхьоу атәылауаа.

Иара убас шәаԥхьар ҟалоит:

149

Еидырҵаз, еиҭаркыз: Аԥсны аиҳабыра реилазаашьа ҿыц

120
(ирҿыцуп 17:07 29.04.2020)
Аԥсны ахада Аслан Бжьаниа иусдҵа инақәыршәаны, Аԥсны 14 министрра ҟалоит 12 рҭыԥан, Аҳәынҭқарратә еилакқәа ааба, Аҳәынҭусбарҭақәагьы ааба.

Ахада иусдҵаҿы иаҳәоит еиҭаркуа ацентртә усбарҭақәа рнапынҵақәа шынарыгӡо аиҿкаара-штаттә уснагӡатәқәа мҩаԥысуанаҵы. Аминистрцәа реилазаара анапы ианҵоуп адокумент инақәыршәаны анорматив-зинтә актқәа еиҿкаазарц.

Аусдҵа амчра аиуеит анапы анаҵаҩха инаркны 2020 шықәса ԥхынҷкәын 31 рҟынӡа.

Иара убас шәаԥхьар ҟалоит:

120

Латипов Егры аҳәаа аамҭала аартразы: ҳтәылауаа ринтересқәа рыхьчара иазырхоуп

0
(ирҿыцуп 18:52 13.07.2020)
Аԥсны ашәарҭадаратә маҵзура ахантәаҩы ихаҭыԥуаҩ, аҳәаахьчаратә маҵзура аиҳабы Рустам Латипов арадио Sputnik аефир аҿы еиҭеиҳәеит Аԥсни Қырҭҭәылеи рҳәааҿы аамҭалатәи акоридор аус шауа атәы.
Раионк аԥсҭазаараҟынтә: Латипов Аԥсныи-Қырҭтәылеи рҳәаа аамҭала аартра иазкны

"300-ҩык инареиҳаны иахьа еиуеиԥшыма амзызқәа ирыхҟьаны Қырҭтәыла иҟоуп. Асааҭ 9 инаркны асааҭ 15:00 рҟынӡа иахьатәи аамҭа иалагӡаны аҳәаа иахысхьеит 70-ҩык инареиҳаны. Урҭ рахьынтә иҟоуп згәамбзиара иахҟьаны ицазгьы, аха ус еиԥш иҟаз хәҩык роуп, аиҳараҩык уахьынтә иаауа Гал иқәынхо, еиуеиԥшым азҵааракәа рыла Қырҭтәыла инанагаз роуп. Уа дыҟан аҵара зҵо, аԥсра иақәшәаз, зҭаацәа збоит ҳәа ицаз уҳәа. Хынтә иаартыз акоридор иабзоураны 1500-ҩык инареиҳаны рыҩнқәа рахь ихынҳәит. Ари аҭагылазаашьа ауааԥсыра гәахәарыла ирыдыркылоит, ҳтәылауаа ринтересқәа рыхьчаразы Аԥсны атәыла анапхгара ари аус анагӡара хымԥадатәны иахәаԥшуеит", – ҳәа азгәеиҭеит Латипов.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

 

0