Агәыҳәԥы акьыба: идыртәузеи

83
(ирҿыцуп 16:17 19.03.2018)
Иарбан симптомқәоу агәҽанызаара узҭо, ацхырааразы адҵаалара абаҭаху, ишԥазыԥхьагәаҭатәу акьыбачымазара, абри агәыԥ ахь иаҵанакырц зылшода – абарҭ азҵаарақәа рҭакс иазҳархиеит инарҭбаау аинфографика.
Агәыҳәԥы акьыба
© Sputnik Леон Гәниа

Агәыҳәԥы акьыба – Аԥсны аҳәса рыгәҭа еиҳа ирылаҵәаны иҟоу чмазароуп. Аԥҳәыс, мамзаргьы аҭыԥҳа игәалҭазар лгәыҳәԥаҟны акьакьара аҳақьым-амаммолог иахь анеира хымԥадатәиуп.

Аҟәа, Аԥсны амилаҭтә онкологиатә центр аҟны аус зуа аонкомаммолог идагьы иҟоуп ихымԥадатәиу амыругақәа: УЗИ, арентгентә маммографиа, алабораториа. Иара убас араҟа имҩаԥыргоит апункциатә биопсиа. Апункциа шамахамзар агәыҳәԥы ачымазарақәа зегь раан имҩаԥгалатәуп.

Аԥсны аус зуа аҳақьымцәа-амаммологцәа иазгәарҭоит зықәра неихьоу аҳәса реиԥш, иқәыԥшу аҳәса рҟынгьы агәыҳәԥы акьыба чымазара рацәахеит ҳәа.

35-40 шықәса зхыҵуа аҳәса рзы ихымԥадатәиуп УЗИ, арентгентә маммографиа, уи аҳақьым ишиҳәо еиԥш. 40 шықәса рышьҭахь ихымԥадатәиуп ҩышықәса рахь знык арентгентә маммографиа амҩаԥгара. 17-18 шықәса ирҭагылоу аӡӷабцәа ируалуп мызк ахь знык акәзаргьы рхала ргәыҳәԥы агәаҭара.

Ан мамзаргьы ан лаҳәшьа акьыбачымазара лыхьуазар – уи хымԥадатәи аҽгәаҭара аҭахны иҟанаҵоит.

Зегь раасҭа иуадаҩу ҭагылазаашьаны иҟоу аҭыԥантәи ауааԥсыра ихьшәаны аҳақьымцәа рахь иахьнеиуа ауп.

Акьыбамаммологцәа ирҳәоит, иахьатәи аамҭазы агәыҳәԥы акьыбачымазара ахәышәтәра алшоит, аха уи ианаамҭоу аҳақьымцәа уанрыдҵаало ауп ҳәа.

83

Иҭацәыз аҭыԥқәа рахь: Аԥсны Жәлар Реизарахь алхрақәа

149
Ԥхынгәы 12 рзы имҩаԥгахоит Аԥсны Жәлар Реизараҟны иҭацәыз адепутаттә ҭыԥқәа рахь алхрақәа. Азакәанԥҵаратә мчраҿы амандатқәа ԥшьба ҭацәуп.

Аԥсны алхратә комиссиа хада ԥхынгәы 12 аҽны иҭацәыз адепутаттә ҭыԥқәа рахь алхрақәа рымҩаԥгара ҿҳәарас ишьақәнаргылеит.

Азакәанԥҵаратә мчраҿы амандатқәа ԥшьба ҭацәуп, атәыла ахада Аслан Бжьаниа, аԥыза-министр Александр Анқәаб, Аҩныҵҟатәи аусқәа рминистр Дмитри Дбар, Гагра араион ахада инапынҵақәа назыгӡо Иури Хагәышь рҭыԥқәа.

Лаҵара 4 рзы дара зегьы рнапынҵақәа аанрыжьит.

Аԥсны Апарламент адепутатс дҟалар илшоит дарбанызаалак 25 шықәса ирҭысхьоу,  алхратә зин змоу атәылауаҩ. Депутатс иҟалар ҟалом зус рыӡбахьоу, аҩыжәреи, арыҩшьыгақәеи зыҽрыдызцало ҳәа ишьоу, аԥсихикатә шьақәҟьара змоу. Абжьыҭара азин ырмоуп 18 шықәса ирҭысхьоу атәылауаа.

Иара убас шәаԥхьар ҟалоит:

149

Еидырҵаз, еиҭаркыз: Аԥсны аиҳабыра реилазаашьа ҿыц

120
(ирҿыцуп 17:07 29.04.2020)
Аԥсны ахада Аслан Бжьаниа иусдҵа инақәыршәаны, Аԥсны 14 министрра ҟалоит 12 рҭыԥан, Аҳәынҭқарратә еилакқәа ааба, Аҳәынҭусбарҭақәагьы ааба.

Ахада иусдҵаҿы иаҳәоит еиҭаркуа ацентртә усбарҭақәа рнапынҵақәа шынарыгӡо аиҿкаара-штаттә уснагӡатәқәа мҩаԥысуанаҵы. Аминистрцәа реилазаара анапы ианҵоуп адокумент инақәыршәаны анорматив-зинтә актқәа еиҿкаазарц.

Аусдҵа амчра аиуеит анапы анаҵаҩха инаркны 2020 шықәса ԥхынҷкәын 31 рҟынӡа.

Иара убас шәаԥхьар ҟалоит:

120
Валерий Кварчия

Кәарҷиа еиҭеиҳәеит Аҟәатәи иаарту аинститут абитуриентцәа занааҭқәас иалырхуа

0
(ирҿыцуп 15:22 13.07.2020)
Аҟәатәи иаарту аинститут аректор Валери Кәарҷиа арадио Sputnik Аԥсны аефир аҿы еиҭеиҳәеит аҵараиурҭахь абитуриентцәа рҟынтә ашәҟәқәа рыдкылара аус шцо атәы, насгьы ирабан занааҭқәоу иахьа азҿлымҳара змоу.

Кәарҷиа еиҭеиҳәеит иарбан занааҭқәоу Аҟәатәи иаарту аинститут абитуриентцәа иалырхуа

"Ԥхынгәы акы инаркны ҳалагеит арзаҳалқәа рыдкылара. Ашәҟәқәа ҳадаҳкылоит азанааҭқәа фба рыла. Иахьазы арзаҳалқәа зегь реиҳа иахьырацәоу аҳазалхратә ус аҿоуп. Абитуриентцәа зегьы ҳрыҿцәажәоит, аус рыдааулоит, нас ауп ашәҟәқәа анҳадаҳкыло дара рҟынтә. Ақыҭанхамҩа азанааҭ ала имаҷхар ҳәа ҳшәоит. ААУ аҿы иазыҟарҵоит агрономцәа, ҳара иазыҟаҳҵоит ақыҭанхамҩа аекономика ахырхарҭала, ҳаицәажәан ауп ишыҟаҳҵо. Даргьы иаурышьҭуеит 10-ҩык рҟынӡа, ҳаргьы - убасҵәҟьа. Аха иахьазы 4-ҩык роуп ҳаинститут ахь ақыҭанхамҩа аганахьала ашәҟәқәа алазҵахьоу", - ҳәа азгәеиҭеит Кәарҷиа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

 

0